ما شاء الله يا استاذه على الشرح الجميل والمجهود الرائع
انا اعرف الطريقه الثانيه لكن الاولى بحاول اجربها
وان شاء الله ساعود معه التطبيق
تحياتى

الاخت يوكو ان عايزه اعرف طريقه عمل الجوانتي بنصف الاصابع علشان ابني عايز واحد واكون شاكره لكي جدا:26:

الاخت يوكو ان عايزه اعرف طريقه عمل الجوانتي بنصف الاصابع علشان ابني عايز واحد واكون شاكره لكي جدا

السلام عليكم

محبة مش مهم انة طريقة المهم الطريقة اللى تريحك

اللونين للشرح فقط وليس للشغل ان شاء اللة فى شرح الموديلات حوضحلك طريقة استعمال الالوان


اهلالا ياراجية

جربى الثالثة احسن وسيبك من الاولى

انا بشتغل بالثالثة علشانها مريحة وسهلة وتتحكمى بيه فى الخيوط وعدد الغرز

اما الاولى فلازم تحسبى مسافة الخيط اللازم لعدد الغرز وممكن فى الاخر تلاقى العدد ناقص ترجعى تفكى تانى دوشة يعنى


شط النخيل من عينية


طبعا انا مش عارفة ابنك قد اية لكن حكتبلك مقاس استندر ممكن تكبرية او تصغرية حسب احتياجك وتشتغلية بابرتين مش 4 علشان يكون سهل


طريقة الجوانتى


ابدائى بابرة رقم( 3,5-) 36 غرزة واشتغلى المسافة المرغوبة للبليسية اى الطول للى تحبية

غرزة البليسية (غرزة عدل -غرزة مقلوب) او ( 2 ع - 2 م) ع = عدل م = مقلوب

اختارى الغرزة للى تعجبك فى الاثنين


بعد ما تخلصى البليسية اشتغلى بالابرة رقم 4 هكذا

( 1) كلة عدل


(2) كلة مقلوب

كررى السطرين مرتين كمان ثم ابدائى فى اصبع الابهام

ملحوظة التزويد فى الاسطر العدل


الابهام

اشتغلى 19 غرزة عدل ثم زودى غرزة عدل ثم اشتغلى 2 غرزة عدل ثم زودى غرزة ثم اشتغلى 15 غرزة عدل


السطر الثانى كلة مقلوب وجمبع الاسطر الزوجية

( 3 ) 19 ع - زودى غ - 4ع -زودى غرزة -15 ع

( 5) 19 ع - زودى غ - 6ع - زودى غرزة - 15 ع

( 7 ) 19 ع-زودى غ - 8ع - زودى غ - 15 ع


9 ) اشتغلى 29 غ ع وارجعى زيدى غرزة فى بداية السطر واشتغلى 11 غرزة م من ال29 غرزة طبعا الغرزة


الزائدة فى اول السطر حتكون ضمن العدد 11 يعنى اشتغل 11 واترك على الابرة اليمين 19 غرزة والابرة الشمال 15

غرزة واشتغل على ال11 غرزة هكذا

زودى غرزة فى بداية ال11غرزة فاصبحوا 12 غرزة عدل ثم اشتغلى على ال12 غرزة فقط 6 اسطر بالغرزة المتبعة

ثم سطرين بليسية واقفلى الاصبع كدة يكون خلصنا الابهام

ووجة الشغل لك اشبكى الخيط والقطى غرتين فى اول اخر الابهام واشتغليهم عدل واكملى باقى السطر عدل

كدة اصبح معك على الابرة اليمين 19 + 2 الزيادة + 15 اشتغليهم جميعا 7 اسطر بالغرزة المتبعة


ثم نبدا بتشكيل باقى الاصابع

الاصبع الاول

اشتغلى 23 غرزة عدل وارجعى

( 2 ) زيدى غرزة بالبداية واشتغلى 11 غرزة مقلوب وارجعى

( 3 ) زيدى غرزة بالبداية واشتغلى 12 غرزة عدل وارجعى

( 4 ) على ال12 غرزة اشتغلى 10 اسطر ثم سطرين البليسية واقفلى الاصبع

الاصبع الثانى

ووجة الشغل لك اشبكى الخيط وزيدى 2 غرزة فى بداية ونهاية الاصبع الاول ثم اشتغلى 4 عدل ثم ارجعى


(2 ) زيدى غرزة فى بداية السطر واشتغلى 12 غرزة عدل وارجعى

( 3 ) اشتغلى ال12 غرزة 13 سطر ثم سطرين بليسية واقفلى الاصبع

الاصبع الثالث

مثل الاصبع الثانى مع شغل 10 اسطر بدلا من 13 سطر


الاصبع الرابع

ووجة الشغل لك اشبكى الخيط وزيدى غرزتين فى بداية ونهاية الاصبع الثالث ثم اشتغلى 5 غرز عدل


السطر التالى اشتغلى 12 غرزة مقلوب ثم 6 اسطر واقفلى الشغل


كدة نكون خلصنا البد اليمنى

اليد اليسرى عكس اليد اليمنى يعنى ابتدى الشغل بال15 غرزة بدلا من ال19 غرزة واشتغلى الباقى مثل اليد اليمنى


اشتغلى وادعيلى

ما عرفت اسويها

:(