الله يبارك فيكي يا أختي yoko

وجزاكي الله كل الخير على غرزة علمتينا إياها

السلام عليكم


صالوحة حبيبتى

انت عايزة قبعة حريمى ولا رجالى

وعلى فكرة مفهمتش الرسالة اللى بعتيها

انت كنت عايزة اية فيها ياريت تردى علية


محبة
ازيك
واية رايك فى الغرز

بالنسبة للشراب حعطيكى موديل سهل وهو

ابتدى 81 غرزة واشتغلى عدل لمسافة 10 سم او 4 قراريط المقاس اللى يعجبك اشتغلى بية

ثم اقسمى ال81 على 2 يصبح على ابرة 40 وعلى الاخرى 41 اشتغلى السطر عادى لحد ماتوصلى ال40 غرزة

تشتغلى 3 كانهم غرزة واحدة وتستعملى هذا التنقيص فى كل السطور لحد ما عدد الغرز يساوى دوران الساق

تشتغلى دون تنقيص المسافة اللى انت عايزاها وبعدين تشتغلى كام سطر بليسية ثم تقفلى الشغل

صورة الشراب موجودة فى الصفحة ال 9 حتلاقى مجموعة شرابات منزلهم لصالحة

والقبعة عايزة حريمى ولا رجالى ردى علية وانا تحت امرك

الباترونات الجاهزة بتكون فى مجلات التريكو او الكتب و معاها الشرح

بلاش السنارة البلاستك علشان مش مريحة افضل نوع المعدن المطلى ونوعة موجود ضمن الابر فى اول الموضوع


بارين

الف شكر وانا تحت امرك

ولكم منى جميعا هذة الوردة:26: :26: :26:

هلا حبيبتي يوكو آسفه على التأخير معليه سامحيني لأني تعبانه شوي

وقبعه مو كله واحد بس يالله رجالي يعني فيه اختلاف

وبالنسبه للرساله قصدي انك تشوفين موضوعك وتردين علي علشان

القبعه فقط لاغير وشكرا لكي حبيبتي

وشكرا لكي وراح اتعبك كثير :o :o :p

مع تحيات اختك صالحه :26: :26: :26:

ما شاء الله عليكم ايه الحلا وة ديه انا عندى فكرة جيدة لكن المشكلة ان اولادى عايزين كوفية والبهوات مش عجباهم الغرز عايزين حاجة غريبة ممكن تساعدونى من اجل نور عيونى مع العلم انهم اولاد وشكرا.:24:

السلام عليكم

بسم اللة نبدا

غرزة اللاستيك التزينية

السطر الاول 1 ع - 1 م حتى اخر السطر

السطر الثانى 1 ع - لفة غرزة مقلوب بدون شغل حتى اخر السطر

السطر الثالث 1 م - اشتغلى اللفة مع الغرزة المقلوب غرزة عدل حتى اخر السطر

كررى السطر الثانى والثالث فقط حتى الطول المطلوب
-----------------------------------------------------------------------
غرزة ثانية بدون اسم

تعمل الغرزة من عدد زوجى

السطر الاول كلة عدل
السطر الثانى 2 ع معا ثم نشتغل الاولى مرة ثانية وننزل الغرزتين من على الابرة مرة واحدة

من هذين السطرين تتكون الغرزة
----------------------------------------------------------------------------------
غرزة بدون اسم

السطر الاول 2ع -2ع معاونشتغل الاولى مرة ثانية وننزل الغرزتين من على الابرة مرة واحدة

السطر الثانى كلة عدل

السطر الثالث 1ع -2 ع معا واشتغلى الاولى مرة ثانية ثم نزلى الغرزتين مرة واحدة

السطر الرابع كلة عدل

من هذة الاسطر الاربعة تتكون الغرزة
-----------------------------------------------------------------------
غرزة الارز
تتكون الغرزة من عدد فردى

السطر الاول 1ع - 1 م كررى حتى اخر السطر

السطر الثانى 1 م -1 ع كررى حتى اخر السطر

من هذين السطرين تتكون الغرزة
------------------------------------------------------------------------

غرزة الارز المزدوجة

تتكون الغرزة من عدد زوجى

السطر الاول 2 ع - 2 م كررى حتى اخر السطر

السطر الثانى 2 م - 2 ع كررى حتى اخر السطر

من هذين السطرين تتكون الغرزة
---------------------------------------------------------------