الاخت شيرى

لا شكر على واجب

الايس كاب من عينية

بس انت عايزة دبل ولا فردى

بالنسبة لغرزة السلسلة من الجهتين بصراحة مشفتهاش

احتمال يكون فية لكن معرفهاش

ولو عايزة غرزة تنفع للجهتين فية كتير

البليسية المفر والمجوز وضلع السمكة و المربعات و المثلثات والسمبوكسة

والغرزة العدل والراية والزجزاج

يعنى فية شغل كتير

وانا تحت امرك

ميرسي قوي على سرعة الرد
بس انا مش فاهمه
يعني ايه دبل ولا فردي

انا عايزه الشكل العادي
السلسله زي اللي بينباع
في المحلات

شيرى

الدبل طبقتين والفردى طبقة واحدة

والايس كاب اللى فى المحلات المصرية يبقى دبل وبغرزة الجرسية

اللى هى سطر عدل وسطر مقلوب

بالنسبة للايس كاب ابتدى للكبار 120 غرزة وللصغار من 80 الى 90 حسب السن

وحجم الراس

واشتغلى سطر عدل وسطر مقلوب حتى يصبح طول الشغل 50 سم ثم اقفلى الغرز

وخيطى الشغل بالطول ثم اثنيهم طبقتين وضعى الاحرف على بعضها وذميهم بالابرة

والخيط مع بعض ذما جيدا ثم ثبتى الخيط بكام غرزة وركبى الكرة الصوف

ميرسي قوي
انا هاعمله واوريهولك
ان شاء الله
بس انا مش عايزاه يبقى بكوره
من فوق علشان ده لجوزي
اقفله ازاي بقى من فوق