اختي تسنيم انا جبت الخيط النهارده انا عايزه اعرف ابدا بكام غرزه واعمل الكامر الي تحت ده اد ايه وايه رايك انا جبت الخيط فيه درجات كتير اللبني والبنبي والنبيتي والوان تانيه كتير استخدم انه غرزه ارجوك ردي عليا في اقرب فرصه معلهش انا هتعبك معايا ولكي جزيل الشكر

السلام عليكم ورحمة الله وبركاته
الاستاذة الجميلة يوكو انى والله احبك فى الله ربنا يجعل مجهودك وتعبك معنا فى ميزان

حساناتك ويجعله صدقه جاريه ان شاء الله.واحب اشكرك على الرد الجميل واسفة على التاخير

لانى كنت مسافرة ولم اصل الا اليوم وفرحت جدا عندما و جدت هذا الرد الجميل و اتمنى منا

لله ان ينفع به المسلمين وان تكملى باقى الغرز .واحب ابشرك انى عملت ظهر بلوفر و كنت

منتظرة ان اجد غرزة حلوة علشان اكمله و لم اكن اصدق انى ممكن اتتعلم بالسهولة دى

والفضل لله ثم لكى و لهذا المنتدى و منتظرة باقى الغرز

سلوى

احبك اللة الذى احببتنى فية

وحمدللة على السلامة

وان شاء اللة حكملك بقية الغرز كلها

والف مبروك مقدما على البلوفر

وملبوس الهنا والعافية

ارجوكم يا جماعه ساعدوني انا جبت خيط علشان اعمل لابني اللي عمره سنه بروفل ومش عارفه ابدا بكام غرزه وكمان عايزه غرزه بارزه قوي علشان الخيط الوان كتير في بعض ارجوكم تردوا عليا وجزاكم الله كل الخير وخاصه الاخت يوكو والاخت تسنيم

عزيزتى رشا انا اسفه على التاخير
طالما انك جبتى الخيط جانجا يعنى ملون يبقى وفرتى على نفسك مجهود كبير وان شاء الله البلوفر هيطلع يجنن بس ورينا الصور
المهم هتستخدمى غرزة الجرسيه(سطر عدل-سطرمقلوب) لان الخيط هيظهر جمال الوانه فى الغرزه دى عن اى غرزة تانيه
ابنك عمره سنه- لو الخيط رفيع هتعملى 40 او50غ ولوالخيط سميك هتعملى 20او30غ وعلى العموم هتشتغلى 4سطور وترتبيهم على الابرة وتقيسى عليهم الياقه لبلوفر عندك مقاسه مظبوط عليه لو وصلت لنصف الغرز يبقى ده المقاس مظبوط ده لو هتبتدى من الرقبه
لو هتبتدى من الكمر اسفل البلوفرهتبتدىب 70غلو الخيط رفيع او55غ لو الخيط سميك
عشان تعملى الكمر هتستخدمى غرزة البليسيه مفرد او مزدوج او متنى زى ما تحبى واستاذتنا الكبيرة يوكو شرحت هذه الغرز عندك فى نفس الموضوعوعلى العموم(البليسيه المفردغ عدل-غ مقلوبه)البليسيه المزدوج(2عدل-2مقلوبه)اما المتنى شوفيه بنفسك ولو دى اول تجاربك اختارى المفرد افضل وبردك المفرد اجمل من المزدوج خصوصا لطفل والمتنى احلى من الاتنين بس خليه فى تجارب متقدمه لو انت مبتدئه لانه اصعب شويه
بنفس غرزة الكمر هتعملى الاساور
اما باقى اجزاء البلوفر انت هتعملى الامام ثم الخلف ثم الكمام ده لو هتعملى اجزاء وفى الاخر تشبكى لكن لو هتعملى قطعه واحده الامر هيختلف تماما ردى عليا انت وقوليلى هتشتغلى ازاى بالظبط بدال ما انا عماله اتوهك واتوه معاكى-قطعه واحده وله اجزاء وتتخيط وعاوزة اعرف مستواكى فى الشغل لان ده هيفرق كتير فى الغرز وطريقة الشرح