هذى الدوره يبيلي اتابعها من الاول لان توني بديت اتعلم الغرزتين الاولى العدله والمقلووووبه

بس حاسه باقي الغرز صعبه علي :( ومابي اكره التريكو من اولهاااااااااا

يعطيج العافيه يا يوكوووووووووو

عزعوزة

ياجميل

منورة الدورة والمنتدى كلة

تابعى براحتك وانا معاكى فى اى حاجة مش فاهماها

ان شاء اللة اشرحها لك خطوة خطوة
انت كدة عديتى اهم خطوة الغرزة العدل والمقلوب
بعد كدة هتلاقى الشغل سهل
لان التريكو عبارة عن الغرزة العدل والمقلوب

زى ما الكروشية سلسلة وعمود

يلا امش بالراحة وانا معاكى

دة انت الفنانة

ام عزيزان اهلا بيكى فى دنيا التريكو واطمنى ما دمتى عرفتى العدله والمقلوبه يبقى هتعرفى كل حاجه بسهوله بس حاولى تطبقى كتير على الغرزتين تعنى مثلا اعملى بلوفر ابدئى فيه بالبليسيه (1ع-1م)الى نهاية السطر ويكرر الى 10 اسطر ومن بعد الكمر(البليسيه) اعملى الامام عباره عن غ الجرسيه(سطر ع-سطر م)اعملى الى حردة الابط وقوليلى وانا هقولك تعملى ايه بعد كده
ملحوظه:مقاس البلوفر يتوقف على مقاسك او مقاس من تعملى له وعليكى ان تقيسى على شئ بنفس المقاسوطبعا انت شغاله كروشيه من قبل سابق المقاسات مش هتختلف

حبيبتى رشا بدايه موفقه باذن الله وطالما المقاس مظبوط يبقى على بركة الله
بالنسبه لحردت الابط هتعملى (2ع معا-دخلى الغرزة اللى على الابر اليمين دخليها فى اليسار تانى وخديها مع اللى جنبها واعملى 2ع معاوهكذا)5مرات ثم تكملى بقية السطر عادى
ثم كررى نفس السطر تانى
3-كررى نفس التنقيص لكن 3مرات بس فى السطرين التاليين
5-كررى نفس التنقيص على مرتين فقط فى السطرين التاليين
7-نقصى غ واحده سطرين كمان
اشتغلى بقية السطور بدون اى تنقيص
على فكرة طريقة الحردات مشروحه من الاستاذه يوكو فى نفس الموضوع ده لو معرفتيش تفهمى منى ارجعى لشرح استاذتنا
وعلى فكره قبل ما تفكرى فى تنقيص الابط لازم تقررى انت هتعملى فتحة الرقبه ازاى مدورة-مربعه-7 لان كل فتحه لها بايه خاصه يعنى مثلا ال7 هتبتديها مع حردة الابط اما المدورة لا هتبتديها من الامام اعمق من الخلف المهم شوفى حردات الابط وفتحات الرقبه لاستاذتنا وافهميها كلها قبل ما تعملى اى حردات وعلى فكرة عدد غ الحردات مش اجبارى ده حسب مقاس الابر وحجم الخيط فانت لازم تشورى نفسك وانت اللى هتحكمو الحرده كبيره وله مناسبه لو كانت كبيرة يبقى تقللى عدد غ التنقيص يعنى بدال 5 مرات اعملى4 ملرات وبدال 3 اعملى 2 ثم غ واحده معلش هتتعبى اول مرة لكن بعد كده هتتحكمى فى مقاساتك بخبراتك السابقه
شدى الهمه ودورى عن شرح الاستاذة وقررى واختارى وتوكلى على الله

:luvkiss: ربنا يخليكي ليا انا فعلا استفدت منك كتير وعملت حردة الباط وانا هعمل فتحة الرقبه مدوره واول ماعملها هفرحك بتلميذتك وادعيلي اخلصه ويبقي جميل يلا سلام يا استاذتي علشان اشتغل في البروفل