يعطيك العافيه فروووسه على هيك درسوبليز لاتتاخرين علينا بالدرس اللي بعدووووو ..

بسجل معاكم ..
وجزاكم الله خير على الجهود الي تبذلونها

هلا
مشكوره اختي
بس ايش هو يوم العيله

جزاك الله خير
انا متزوجه من 7 سنوات وصراحه مانزل السوق الا في المناسبات النادره بالكثير في السنه كذا مره فقط ولما اشتري اشتري لبس للمناسبه
وصراحه ملابس للبيت ماشتريها لان الحاله الماديه صعبه شوي تخيلي اغلب لباسي من الي باول زواجي حتى كرهتها من كثر مالبسها
وانا اقدر ان الماده قليله فلذالك ماطلب انزل واشتري لبس للبيت
لان فيه شغلات اهم وعلينا ديون وكل شهر مزنوقين
وهو من النوعيه الي حساس جدا يعني احس لو بطلب منه شيئ يقول ماتبين توقفين معي في محنتي وهو مقدر وضعي لاكن احس انه تعود على اني ماجدد
حتى بيتي تقولين الربع الخالي مافيه حتى التحف
احيانا اقول خليني اصبر حتى ربك يفرجها واحيانا احس عندي ملل وتبلد احساس يعني لو بجلس ببجامتي من الصبح لليل ماتفرق عندي لاني ماله حتى من لبسي
وفيه شغله مضايقتني ياليت نتناقش فيها
فيني حياء (او بلاهه ) ماتجراء اطالب بحقوقي رغم اني باي شيء غير حقوقي ماعندي مشكله والحمد لله
وبالنسبه للمصروف هو فتح الموضوع مره وكان زعلان وقال ان هاذا الشيىء مستحيل يفرضه على نفسه او احد يفرضه عليه رغم ان عمري ماجبت سيرته لا عني ولا عن غيري
وانا صراحه احس لوعنده فلوس مابيقصر وافضل لي من المصروف لاني احسه ماينفع مع كل الرجال وانا اعرف شخص زوجته ماشاء الله باول سنتين من زواجها كشخه وبعدها لاحول ولاقوة الابالله وكنت اتناقش معاها وغلطة وقالت انه صار يحدد لها مبلغ معين ولا اتوقع انه شهري ولو تموت مايزيدها عليه اذاصارت تقضي من السوق واغلب اغراضها ناقصه والله حزنة عليها
لانه يحدها بمبلغ بسيط واحتياجاتها اكثر وانتو شايفين الاسعار كيف

ومن خلال شوفتي للحولي المصروف ماهو حل لكل اسره

وحابه اضيف شغله ياليت تكون بكل بيت حطي عندك حصاله في البيت اوعلبه مقفله وزينيها وتقدري تسميها مثلا الطريق الى الجنه وكل مايستلم زوجك الراتب خليه يعطيك مبلغ حتى تقدري تتصدقي فيه حتى لو30 ريال
وكل يوم حطي في هذا الصندوق المتيسر حتى لو ريال وحثي زوجك على ذالك وخلي عيالك بانسبه للي عندهم عيال يتعلمون الصدقه ولو احد مريض علميهم بحديث الرسول صلى الله عليه وسلم (داوو مرضاكم بالصدقه )
ولو تقدرين تجيبين هذا الصندوق مع تجهيزك يكون افضل وتبداين انتي وزوجك بالصدقه من اول حياتك
وكل شهر اوبعد كل فتره تقدرون تحطوته صدقه جاريه او كفالة يتيم اوكفالة داعيه او اي وجه من وجوه الخير اوتنوعين كل مره بشيء وتحثينه يتصدق عن والديه واجداده وانتي بعد لاتنسين والديك واجدادك
واثرها والله عجيب

احس هذا الصندوق مفروض بكل بيت والصدقه مافيه زيها وحلو بعد ببيت العايله ويجتمعوا في مشروع خيري مثل وضعها في بناء مسجد اوكفالة يتيم.... بدون مايعرف كم دفع كل شخص سبحان الله تحسيها تقارب النفوس

معليش شطحت شوي

الله يجزاااك خير
انااا بنوووته الله يرزقني ويرزق بنااات المسلمين والمسلمات بالازوااج الصالحين