اخواتى العزيزات سوف نبدأ باذن الله فى دروس شغل التريكو بناءا على طلبكن ورجاء من المشرفات العزيزات تثبيت الموضوع
الادوات المستخدمة
1ـ الخيوط
وهى انواع مختلفة منها : اصواف ـ اقطان ـ حرير .ـ اكليريك . . الخ) وطبعا الاوزان مختلفة وكمان سمك الخيط مختلف منه السميك او الرفيع ونستطيع تحديد ما نريده منه حسب الغرض من القطعة المراد شغلها ودائما هتلاقى الخيط مكتوب عليه وزنه وكم لفة فى الخيط ومقاس الابر المستخدمة فيه.
هذه الصور توضح بعض الخيوط
2ـ الإبر
وهى مقاسات مختلف وانواعها كثيرة فى منها الالمونيوم والخشب والاستالستين وهذه بعض انواعها
وفى منها ايضا الشكل البيضاوى (يستخدم فى تقفيل الرقبة او اى شغل يحتاج دائرة وسوف نوضح ذلك فيما بعد) وهذا شكلها
استعمال ابرتين مدببتين من جهة واحدة فقط (كما هو واضح من الأشكال السابقة) او اكثر (فى حالة الجوانتى بيستخدم خمس ابر مدببة من الطرفين) ويكون الشغل باستخدام اليدين الشمال يكون عليها الغرز المراد شغلها واليمين لنقل الغرز (اما بشغلها مقلوب او بالعدل كما سيوضح فيما بعد) اللى موجودة على الشمال.
كيفية تكوين غرز البداية
غرزة البداية(ويقابلها السلسلة او الطائرة فى الكروشية) وتسمى بالانجليزية cast-on (كما فى الباترونات ) وممكن عملها بطريقتين:
1) كما فى الصورة بنعمل البداية باستخدام الابرتين
2) كما فى الصورة (هذه الطريقة اللى بستخدمها واللى هشرحها)
هنا بنستخدم ابرة واحدة نضعها تحت الابط اليمين او الشمال كما تريدين (انا بستخدمها تحت الابط الشمال) ثم نحضر شلة الخيط ونخرج طرفها بعدد الغرز المراد تكوينها (يعنى لو هنكون 10 غرز نترك حوالى 15 ـ20 سم تقريبا من الخيط وهذا يتوقف على سمك الخيط) ونجعل الخيط اللى اخرجناه ناحية الشمال والشلة ناحية اليمين ونضع الخيط تحت الابرة " ثم نلف الخيط لفة باتجاه عقرب الساعة على الإصبعين (السبابة والوسطى) ثم ندخل الابرة فى وسط الخيط المعقود على الإصبعين ثم عمل لفة على الابرة بالخيط المتروك جهة الشمال ثم سحب الابرة من خلال الخيط المعقود على الإصبعين (سوف تتكون لنا أول عقدة او غرزة) " تكرر هذه الخطوات الى ان نحصل على عدد الغرز المراد تكوينها لبداية الشغل.
طريقة شغل الغرزة المرنة او العدلة K (انا بضع رمزها بالانجليزى كما يوجد فى الباترونات) وتوضحها الصورة
ويلاحظ هنا طريقة وضع الابرة بندخلها من تحت الغرزة من خلفها ثم نلف الخيط فوقها ونسحبها لتكون الغرزة العدلة.
طريقة شغل الغرزة المقلوبة P كما فى الصورة
وهنا بندخل الابرة من امام الغرزة ثم نلف الخيط ونسحب الغرزة فتتكون المقلوبة.
نقف عند هذا الحد لغاية ما تتمكنوا من عمل غرز البداية والعدل والمقلوب وبعدين نكمل التدريب ان شاء الله واتمنى يكون الشرح سهل ومفهوم واى سؤال تحت امركم (بس معذرة سوف اتواجد يوم السبت القادم ان شاء الله)
ولكم تحياتى