المتوكله اهلا بك معانا جاهزه تبداى؟؟؟

نور انا كمان منتظراكى اجهزى

جودلك حبيبة قلبى زى ماقلت الشغل جميل
ولكن انتبهوا جميعا لهذه النقطه
كنت بعانى من تقطع الشغل اثناء التفريغ وعرفت ليه
فرصه ناخد مفرش جودلك نشرح النقطه دى عليه
جودلك اوعى تزعلى بس يهمنى اشوف الاخطاء ودى الحاجه اللى هاتعلمنا
لاحظوا فى صورة المفرش لما كبرت الورده ايه شكل التطريز الخطوط مش متقاربه جدا يبقى فى الاول حاولى تعملى خط مستقيم مثلا بس ايدكى تكون ماسكه القماشة كويس علشان تتحكمى فيها وتمرريها تحت الابره ببطئ واوعى الماكينه تتحكم فيك
دى اول حاجه واهم حاجه ماتستعجليش ممكن ايدك تتعبك شويه فى الاول بس مرتين تلاته تبقى مافيش مشكله وتلاقيها سهله خالص

يالله ممكن نجرب على قطعة قماش عمل خطوط مستقيمه

ازاى

نرسم خط مستقيم على القماش او اكتر من خط متوازى ماشى

نقلب القماش على ظهرها ونضع طبقة او طبقتين ورق ودبسيهم بالدبابيس مع القماش

اقلبى القماش على الوجه مره تانيه شيلى الدواسه خالص من الماكينه واضبطى سمك الزجزاج على اى رقم تحبيه الخط رفيع او عريض نزلى ذراع الدواسه وابدائى تطرزى ببطء وورينا الشغل

معليش ماصورتش لانى دلوأت فى الشغل

لما اروح واذا كنت كويسه هاحضر درس عمل الفستونات على حافة المفرش اووووكى

بس اتقنوا الخطوط الاول الله يكرمكم

حبيبتي hana شكرا لكِ على التوضيح الآن عرفت غلطتي

ومافيش زعل ولا حاجه وان شاء الله اتدرب عليه حتى يظبط معي