دورة كامله عن الشموع

السلام عليكم و رحمة الله
نقلت للأمانه دوره عن الشموع لمن حسيت انها حتكون مفيده في معلومات جديده اول مره اعرفها فعلا
و اليكم التفاصيل
عايزين نبدا بقى الاول هنقول نجيب الخامات اللى هنشتغل بيها منين
الاول نجيب مثلا :
*1 كيلوا شمع خام ابيض عادى 9 جنيهات

*1/4 كيلوا شمع صلب اصفر 4 جنيهات
*الوان شمع وهيه الوان بودره
او الالوان الشمع اللى كنا بنلون بيها واحنا صغيرين 2 جنيه

*زيت عطر مثل (فل_ ياسمين _فواكه )وممكن الاستغناء عنه حسب الكميه

*خيط بيتباع مع الشمع الخام او( خيط تنجيد تخين)



اما بقى اماكن البيع :القاهره : محلات العطاره فى

*المطريه (عطارة اولاد ابو غيته)

*العتبه _الازهر ( الغوريه)

*منطقه باب الشعريه (شارع الجيش )


وارجوا من يرغب فى تصنيع الشمع شراء الخامات لبدا سويا فى الانتاج ونفكر فى كيفيه التسويق
ثانيا بقى نقول

الشمع الابيض والاصفر بيكون صلب فالازم يتسيح ازاى بقى يتسيح
بيتعمله حمام ميه ازاى؟
بنجيب حلتين واحده صغيره وواحده اكبر منها شويه نحط فى الكبيره ميه ونحطها على النار ونحط فى الصغيره شمع الابيض والاصفر بس الاصفر بيكون بالنسبه للابيض حوالى 10فى الميه منه يعنى لو كيلوا ابيض نحط له 100 جرام اصفر وبنحسبها بالشكل طبعا مش بالميزان

ونحط الصغيره اللى فيها الشمع فوق الحله اللى فيها الميه على النار ونسيها لحد ما الميه تغلى خااااالص وتسيح الشمع اللى فى الحله اللى فوقها بعد ما يسيح نحط نقطتين من زيت الياسمين او الفل او ما نحطش حسب الرغبه
ونحط قلم الوان اخضر مثلا من الشمع الالوان اللى كنا بنرسم بيه واحنا صغيرين وبعدين نقلب لحد ما القلم الالوان ده يسيح خالص ويلون الشمع
واثناء ما الشمع بيسيح نحضر احنا الاسطمبه
وهنستخدم مثلا الكانز بتاع البيبسى نقطع الجزء اللى فوق بالسكينه وبعدين نخرمها من تحت خرم صغير جدا على قد الخيط بس والخيط بيكون خيط قطن تخين او خيط تنجيد تخين ودا بيتباع عند اى حد بتاع خيوط او اصواف
وندخل الخيط من الخرم وبعدين نطلعه نربطه فى خشبه صغيره ونسبته فوق الكانزه
ونحط على الفاتحه اللى تحت فى الكانزه بعد ما الخيط يدخل نحط بلاستر او اى حجه تمنع تسريب الشمع

http://gmrup.com/img/photo/PsW48944.jpg
وبعدين
نجيب بقى الشمع السايل ونحط فى الكانزه لحد قبل الاخر بحوالى 3 سم

ونسيها لحد ما الوش بتاع الشمع اللى فى الكانزه ينشف ويجمد شويه وبعد كده نفتح الوش ده فتحتين او تلاته ونصب الشمع سايل ونكمل الكانزه بالشمع السايل

http://gmrup.com/img/photo/JGj49102.jpg


وبعدين نسيها شويه تبرد ونحطها فى التلاجه لحد ما تجمد خااااااااااااااااالص خااااااااااااااااااااااااااااااااااااالص
وبعدين نشيل البلاستر اللى ملزوق تحت الكانزه وبعدين نحاول نخرج الشمعه من فوق نحاول نطلعها نشد الفتيل من فوق بس مش جامد عشان الفتيل ما يخرجش ونحاول نخرجها

http://gmrup.com/img/photo/J0b49719.jpg

وبعدين نقص الفتيل اللى تحت ونشيل الخشبه
وبكده يكون خلصت الشمعه اللى احنا بنعملها

http://gmrup.com/img/photo/nI049351.jpg


ربنا يوفقكوا جميعا وعايزه اشوف شغلكوا وانا تحت امركوا لاىىىىىىى سؤال او استفسار

و ارجوكوا افتكروني بعائم ان يرزقني الله الذرية الصالحة