بسم الله الرحمن الرحيم
كيفكم ياحلوات ان شاءالله تزقحون وتدربون روسكم هع هع
بصراحه اليوم عندي موضوع بخاطري ودي اتكلم فيه مع كل البنوتات
الاحظ عندنا يالبنات في كل جمعه ولا بالمنتديات والا باي مكان تذمر غير طبيعي
محد راضي عن نفسه
انا دبه انا شينه
انا جسمي خربان
جسمي مبقع
انا ماتزوجت
محد يحبني
ووووووووو
عشان كذا حبيت اتكلم
اول شي
عدم الرضا عن النفس
كلنا نجهل خطورته على الشخص
ليه طيب؟؟
لان لما الشخص مايرضى عن نفسه او حاله
يحتقر نفسه يكره نفسه بعدين يفقد قيمته
ويكره اللي يحوله ويطغى عليه شعور الحقد والغيره وينفر الناس منه
يعني ببساطه ينعكس على علاقته مع اللي حوله
صورتك عن نفسك هي اللي تشكل شخصيتك
حقرتي بعمرك بصير عندك احساس بالخجل من نفسك يمكن تنطوين على نفسك
حبي نفسك بما فيها بتحبين اللي يحولك والكل بيحبك
هل حب الذات غرور
طبعا كل شي لازاد عن حده ينقلب ضده
يعني الحب الزايد بالذات ينقلب لغرور او نرجسيه
وهذا االشي اكيد سلبي
طبعا
عمر الغرور ماكان حب للذات لان اللي يحب ذاته ماينزلها ويحتقرها ومايتباها ويرفعها فوووق
ثاني شي
احمدي ربك على خلقتك
ربي خلق لكل شخص منا ميزه بالشكل مو مزيونه مملوحه طيب مو مملوحه جذابه
ولا شي من هذا يمكن ربي عطاني قابليه عند خلقه يعني كل من شافني حبني وشافني قمر
او بالشخصيه
كثير بنات اشوفهم عاديات بس عليهم شخصيه محليتهم
افرضي كنتي ملكة جمال بس مافيك قابليه ولا ماعندك شخصيه هبله !!
قلتي سمينه غيرك منفختهم الادويه والعلاجات
قلتي نحيفه غيرك ماكلهم الهم والمرض
شعرك مو ناعم غيرك شعره طاح من الكيماوي
عيونك صغار غير يتمنى عيون بس يشوف فيها
سمرا غيرك محترق وجهه
والله يابنات احنا بنعمه مو حاسين فيها
حبي شكلك قولي بداخلك انا حلوه وصدقيني بتشوفين نفسك حلوه
وكل اللي حولك بيشوفون حلوه
ثالث شي
احمدي ربك انك بصحه وعافيه
احيان الوحده بس ينشق اصبعها تسوي سالفه وتصايح
بدل ماتقول الحمدالله انه شق اصبع غيري منقطعه رجله ولا يدها بكبرها
طحتي بحمه ولا بطنك اوجعك ولا شي احتسبي الاجر ماله داعي تعترضين
المفروض تنبسطين ربي ابتلاني يبي يكفر عن ذنوبي
احمدي ربك
تقومين تمشين تسولفين تركضين تعبرين عن شعورك تصارخين تشوفين حبايبك
غيرك محروم منهاا
حبي نفسك واحمدي ربك انك بصحه وعافيه وربي منعم عليك بأشياء ماعطاها غيرك
رابع شي
ماتزوجتي ماجوك عيال !!
الحمدالله لاتنتقصين قدر نفسك شمعنى هذي عندها عيال اوانا لا انا شفيني
ليه فلانه تزوجت واخلاقها زفت وانا العفيفه ماتزوجت
رزقك بيجيك
وكل تأخيره فيها خيره
ماتزوجتي الحين الحمدالله قاعده فبيت ابوي معززه ومكرمه ليه الوم نفسي واحرقها
رزقي بيجيني
لو صار عمري 40
يمكن لاتزوجتي الحين بتاخذين واحد يطلع روحك
لاصبرتي ربي بيرزقك على قولتهم واحد لقطه
طيب ماجوك عيال ادري هالشي صعب
بس مافي شي صعب عند رب العالمين
ادعي ربك واستغفري واصبري
النبي زكريا عليه السلام ربي رزقه ولد وعمره 90 سنه تخيلي 90 سنه
وماعليك من كلام اللي حولك
دلعي نفسك
نصيحه لاتستنين احد يدلعك
دلعي عمرك واهتمي بنفسك
لاطفشتي روحي اهتمي بجسمك
قشري جسمك سوي سونا العبي رياضه
البسي اطلعي ظبطي شعرك مكياجك
اي شي يسليك سويه
مو تقعدين وتقولين طفشانه ولاتستنين احد يطلعك ولا يسليك
فليها اخوانك الصغار العبي معهم بالمويه
تدرون انا وش اسوي
وربي اجمع اخواني اقصص انا وياهم اوراق او مناديل
لما تمتلي الغرفه واشغل المروحه على اخر شي
افرغ طاقتي وطاقتهم
اروح الحوش ارش عليهم مويه ارجع بزر
والله يابنات وناسه
ماتصورونها بتنبسطين انتي واللي حولك
العبي اونو كيرم <<كح كح غبار
بس والله وناسه
سولفي مع امك مع ابوك
اذا كنتي متزوجه تسلي مع اطفالك
ماعندك اطفال استهبلي مع زوجك
بيشوفك بيبي وربي
بينبسط معك
طيب نروح لنقطه ثانيه
ليه الانسان يكره عمره ::
اول شي
اذا تعرض للفشل كذا مره
احيان اذا تعرضنا للفشل نتعرض للسخريه من اللي حولنا
يافاشله انتي ماتصلحين دراسه انتي وانتي وانتي
لاتخلين اللي حولك يحبطك ابد
حاولي مره واثنين وثلاثه لماتثبتين لهم فكره
عكس الفكره اللي ماخذينها عنك
لاتقولين مقدر لانك لو قلتيها فعلا ماراح تقدرين
قولي انا اقدر اسوي كذا وحاولي وصدقيني بتنجحين
ثقي بقدراتك ونميها
ابدا لاتقولين مقدر
تخيلو يابنات
مو مدح لنفسي بس فيني ثقه بقدراتي
والله يابنات ان الكل يحسدني على هالشي
اوقات الاختبارات مثلا
كتاب 200 صفحه دسم
اقول لنفسي
بخلصه بساعتين وانا واثقه
ورب البيت انه بجد اخلصه بساعتين
صديقاتي يستغربون
نمي عقلك وقدراتك وثقي فيها
خذي دورات منها تسليك
منها تستفيدين
2 شي
الاحساس بالذنب
كثير منا بحياته مشاكل او اغلاط سواها
او ممكن نتحمل اغلاط مالنا ذنب فيها
تترك بداخلنا جروح او حزن
واحساس بالذنب
تتحول لعدم رضا عن النفس
بالتالي الانسان يكره نفسه وحياته
خلونا ننسى الماضي واللي فات مات
اكيد اللي جاي احلى
وكل الناس تغلط
بالعكس مو عيب انا نغلط العيب انا مانتعلم من الغلط ونرجعله
نصيحتي لكم يابنات اي غلط تسوينه
مهما كان
خذيه درس بحايتك لاتعتبريه غلط سويتيه
الا اذا كررتيه
لاتخلين الاحساس بالذنب يرافقك طول حياتك ولا يدمرك
3 صورتك عن نفسك
كل ماقدرتي ذاتك ونفسك كل مازادت ثقتك بنفسك وحسيتي بالامان والراحه وانعكس عاللي حولك
بعض الناس يحقر بذاته ومايحترمها ويكتم بداخله ويبان هالشي بالغرور المزيف
وثقه بالنفس مزيفه
طيب خلينا نتعلم كيف نحب ذاتنا
1 اقبلي نفسك وحبيها كما هي
وهالشي مو صعب يكون بارادتك انتي
ارضي عن نفسك
ارضي عن واقعك
عن حياتك بما فيها
مستواك المادي
ظروفك الاجتماعيه
شكلك
حتى عيوبك
والله يابنات اذا قبلتك نفسك زي ماهي
بتعبشين حياتك ومستقبلك
وبتنسين حتى الماضي
وبتحكمين بتصرفاتك حتى
2 لاتدينين نفسك ابد
سهل علينا نقاضي نفسنا ونلومها
بس سؤالي
هل بيتغير شي؟؟
ماراح يجيك الا الهم والغم والضيق
خلاص اعترفي باخطائك ولاتكررينها واطلبي من الله يغفرلك
صححي صورتك لنفسك
ربي خلقك وحده بس مافي اي مخلوق بالدنيا زيك
لك ذاتيتك وشخصيتك وقدراتك ومواهبك وشكلك
خذي ورقه واكتبي فيها المميزات اللي فيك اكتشفي شخصيتك
بتلقين اشياء فيك كنتي غافله عنها
لانك كل يوم تنمين وتنمو حاجه فيك وتنضجين اكثر من اللي قبله
تجنبي السلبيه
ارفضي مشاعر الفشل
سوي اشياء توديكك قداام
خلي عندك طموح واهداف توصلينها فشلتي حاولي مره واثنين
واهم شي يابنات الدعاااااااء
تخيلي ربي كل يوم ينزل لسابع سماء
وهو في غنى عنك مو محتاجلك
بس يبيك ترفعين يدك واطلبي مره واثنين وثلاثه
اطلبي ادعي الحي بالدعاء
وصدقيني ربي مايخيب ظنك ابدا
ادعي يارب وفقني يارب اهدني
ماتزوجتي قولي
يارب ارزقني الزوج الصالح اللي يسعدني والذريه الصالحه
ماجبتي عيال
ربي اني لما انزلت لي من خير فقير
والاستغفار يابنات ورب البيت انا مجربه
يفتحلك ابواب الرزق جربي انتي وبتلاحظين
وانتي جالسه وانتي واقفه وانتي بالسياره باي وقت استغفري
وآخر شي
اللهم
اللهم إن كان رزقي انا وبنات عالم حواء في السماء فأنزله
وإن كانفي الأرض فأخرجه
وإن كان معسرا فيسرة
وان كان قليلاً فأكثره
وإن كانمعدوماً فأوجده
وان كان ذنبا فأغفره
وان كان سيئة فامحيها
وإن كانخطيئة فتجاوز عنها
وإن كان عثرة فالقها ..........
وبــارك لـــنــافـــي جـــمـــيـــع ذلــك يـــالله يــارزاق يـــاكريم
يـــا مـن إذا أرادشـيـئـاً أن يقول له كن فيكون إنـك مـلـيـك مقتدر
وما تشاء من أمر يكون .
سـبـحـان ربـك رب الـــعـــزة عما يصفون وسلام على المرسلين
والـحـمدلله رب الـعـالـمـيـن وصـلـى الـلهـم عـلـى سـيـدنـا مـحـمـد
وعـلـى آلـهوصـحـبـة أجـمـعـيـن .
سوري طولت عليكم
ونفخت روسكم
الحين عاد جى دوركم كل وحده تطلع اللي بخاطرهاا
وتقول تجاربها
شنو الشي اللي دايم تتذمر منه ماتحبه بشكلها
شنو الشي اللي تحبينه فيك
زي كذا خلونها ندردش مع بعض
<<تصدقون احس اني عاقله مايصلح علي الدور:icon20:
xxxxxxxxxx
مااحلل من يقل مواضيعي بدون اذن
كاندي
لأني وآثقة بنفسي وأحب نفسي لدرجة الغرور >>وهذآ معقد أهلي مني..:icon28:
بس حتى لوفيه اشياء بنفسي ابي اعدلهآ مآبين لأحد ابين اني كآملة مكملة ومآحد زيي...وأنآ من دآخلي ودي هههههههه:42:
الف شكر عالموضوع..وبصرآحة تعجبني موآضيعك الفرفوشية وبآخذ إذن من هنآ لنقلهآ....يسلموآ:):26: