نوشا
انا عملت القيطان لكن للاسف لم اتمكن من تصويره
الكاميرا مزرجنه شوى وما هى راضيه تتعرف معى


يا ريت نبدا فى الغرز وان شاء الله بمجرد تعريف الكاميرا هصور لكم ما فعلته

فى انتظار البنات

علشان خاطر روجي نبدأ الغرز يابنات
أيه رأيكم نشرح المفرش ده


هو عبارة عن
1- تثبيت الكردون على النموذج اللي هنفذه زي لاسية القيطان
2- خياطة أو لفق كل الأجزاء اللي جنب بعضها لاسية القيطان
3- نملى فراغ الوسط بالعواميد والفستونات زي لاسية القيطان
4- عمل الغرزة
نبدأ بأذن الله
1- تثبيت الكردون على النموذج
في اللاسيه اللي بالقيطان كنا بنثبت النموذج على ورق مقوى أو فازلين اللي بيتكوى
أما بالصور مثبته على قماش( هو ده اللي ظاهر ولا دي مسمات الورق ) وفي حالة القماش نمسك النموذج سواء جاهز أو قمنا برسمه بالبيت على القماش بالحلقة الداير اللي بتمسك القماش وأحنا بنطرز ( مش عارفه أسمها ايه :09:
ونشوف الصور

ده النموذج اللي أترسم على القماش


هنا بدأ يثبت الكردون وطبعا" بخيط بلون مختلف عن لون خيط الكردون لسهولة الفك بعد لما المفرش يخلص شغله

هنكمل التثبيت حتى نهاية النموذج



* عمل العواميد اللي بالمنتصف بطريق العواميد العاديه اللي شرحناها في اللاسية بالقيطان


* خياطة أو لفق كل الأجزاء اللي جنب بعضها لاسية القيطان


ونلاحظ أننا ندخل طرف الخيط في الكردون علشان لما نقطع الخيط مايبانش ويعيب المفرش

عمل الغرزة الرئيسية
نبتدي نشتغل في ورقه من وقات المفرش زي الصورة
وندخل الأبرة زي الصورة ونخرجها من النقطة 1 لنضافة الشغل ولأن أطراف الخيوط هتكون داخل الكردون ومش باينه
ونبتدي الشغل من النقطة 1



1- من النقطة 1 نعمل خط فردي بالعرض ونوصل للنقطه 2 زي الصورة




2- ندخل في العروة 2 من فوق وندخل في العروة 3 من تحت وبعد كده نرجع خط بالعرض تاني ونوصل للنقطة 3 وندخل في العروة 3 من تحت
بالشكل ده أصبح عندي جوز خيطان تحت بعض

3- هنمرر الأبرة بالخيط من تحت الخط 3 و4 وفوق الخط 1 و 2
زي الصورة



4- همرر الأبرة داخل العروة 5 و6 زي الصورة



5- من العروة 6 هنرجع تاني للخطين الي بالعرض ونمرر الأبرة من تحت الخط 1 و 2 ومن فوق الخط 3 و 4
يعني بعكس الخطوة اللي فاتت زي الصورة

من اللي فات يتضح
أن أصبح عندنا كمان جوز خيطان بالطول

6- هنكرر الخطوات من الخطوة 3 وحتى الخطوة رقم 5



7- هنكرر 12مرة لنحصل على عدد 13 جوز خيطان بالطول
زي الصورة


8- في الصورة هنشوف أننا خلصنا الخطوط الطوليه عند النقطة A
من جهة النقطة A هنمرر الأبرة فوق الخطوط الطوليه للجهة B
ومن الجهه B هنرجع تاني للجهة A بتمرير الأبرة تحت الخطوط الطوليه كلها
زي الصورة


9- هنكرر الخطوة 8 كمان مرتين علشان يكون عندنا 3 خطوط بالعرض
مع ملاحظة أن لازم تكون الخطوط اللي بالعرض دي مش مشدودة ولا مرتخيه لازم تكون مريحة زي الصورة
* هنكرر الخطوة 8 مرة رابعه لكن المرة دي مش هنطلع الأبرة من النقطة A
( يعني مش من تحت ال 13 جوز كلهم ) هنطلعها من عند النقطة C ( يعني هنمرر الأبرة من تحت 12 جوز بس )
زي الصورة


10- هنكرر الخطوة 9 برضه نعمل 3 خطوط بالعرض من النقطة C زي ماعملناها في النقطة A
وفي المرة الرابعه هنسيب الجوز ال 12 ونطلع من بين ال12 و11 عند النقطة D
ونعمل برضه عند ها 3 خطوط وفي المرة الرابعة هنطلع من عند النقطة ُ
وهكذااااااااااااااااااااااااااااااااااااا
لغاية لما نوصل أننا بمرر الأبرة تحت الجوز رقم 1 عند النقطة G وهنعمل عنده 3 خطوط بالعرض فقط مافيش مرة رابعه لأن ازواج الخطوط خلصت بالزوج رقم 1
زي الصورة



ونتاااااااااااااابع