دورتج تعطي ألوان ......... دشي وشوفي

السلام عليكم ورحمة الله وبركاته

مرحبا يابنات اكيد تقولون عواطف انهبلت ... شلون دورة ملونة
بس احنا كثير نسمع عن الافرازات البنية او احيانا السودة اللي تجي قبل او بعد الدورة وتثير مخاوفنا بس حطي في بالج الافرازات البنية لابد يكون لها سبب خاصة لنا احنا المتاخرات اللي نتعلق بشعره عشان نشم ريحة الضنا .
وانا عانيت منها الششهر اللي طاف وماجت الدورة الثانية مع اني سويت تحليل حمل ولكن اكيد في شي اما بالهرمونات او المبايض او او او ................. الله العالم
وطبعا هذا مو للتخويف هذا للنصيحة لان خسرت انبوب بسبب اني كنت اعتقدها دورة عادية وطلع حمل خارج الرحم :
نبدأ ..............( طبعا الافرازات اللي اتكلم عنها تكون بنية او سودة مو حمرة او عنابية صار موديل مر رحم :35: ويكون شكلها غريب كالتراب او قطع صغير تتفتت او كافرازات التبويض بس غامجة حيل )
اذا كان حمل هناك احتمالين :
* اما يكون حمل خارج الرحم .
* او حمل عنقودي
* او حمل ضعيف يعني بداية اجهاض
الحل : تروحين لاقرب مختبر وتسوين تحليل رقمي هرموني مو عادي وتتاكدين عشان يتداركون وينزل بدون عمليات
واذا لم يكون هناك حمل اما يكون ؛
* لخبطة بالهرمونات . ( يبين بتحليل الهرمونات وتاخذين ادوية )
* أحيانا تكيسات بالمبايض او ضعف شديد . ( يبين بالسونار الداخلي )
* خراب بالارحام ويصاحبة اصوات تخرج من المهبل او انتفاخ شديد بالبطن وصداع والم بالظهر. ( الاهتمام ايام الدورة الشهرية بتناول الاعشاب كالقرفة والكمون والزنجيل والحلبة والرشاد ........ الخ )
* سدد بالانابيب . ( اما تروحين للممرخات او ردادات او خبيرات بالطب البديل قلت كل القواميس ههههههههه :hahaha: او انج تسوين نفخ للانبوب عند الدكتور وهذا اللي بجربه ان ماحملت هالشهرين ان شالله )
وفي النهاية في امور مالها سبب وتكون عارض او مالها تفسير طبي او شعبي حتى البنت اللي ماتزوجت يصير فيها هالشئ :
* قبل لا اتزوج استمر ينزل مني افرازات بنية الى سودة لمدة 9 شهور وفيهم اللي قالوا سحر . عين . امراض اللهم يا كافي . ويمكن من ادوية الكرتزون . ويعد الرقية راحت الحمدلله بعد ماذوقتني اصناف العذاب
* والبعض الاخر يقولون اذا اخر الدورتين تصير بالهطريقة معناته ان الرحم مشتاق للحمل وفعلا ماتمر الدورة الثالثة اللي الوحدة حامل خاصة اللي دورتها منتظمة ( يارب يكرمنا بالحمل التام )
في الختام هذي مجرد تجارب ويقول المثل اسال مجرب ولا تسأل طبيب
ولاني عانيت من هالامور حبيت احط الاسباب
والله يشفي لنا جميعا وبحيي أرحامنا بالذرية الصالحة وانا حاسة بكل وحدة تدخل هالقسم وادعيلها من كل قلبي ان الله يكرمني واياكم بالضنا الصالح :44:
اتمنى من كل وحدة تقرا موضوعي تدعي ان الله يدخل الفرح لبيت امي والاستقرار وراحة البال اللي فقدناها