دورها يمثل نسبة كبيرة ولا قليلة؟

في مسلسل محظوظة ومبروكة <على الدنيا السلام>
زوجة الدكتور شرقان سوت النون وما يعلمون حتى تطلق صارت ملسونة معاه وطلبت الطلاق ورفض يطلقها وآخر شي لمت خلاجينها وحطتهم بالجنطة وتبي تروح عند اهلها، فجأة فجت الباب لقت بويهها محظوظة ومبروكة وقالوا لها انهم صحفيات واحنا نبي نسوي مقابلات مع زوجات مشاهير اطباء العالم وردت بسخرية ومن قال لكم ان شرقان مشهور ما في احد يعرفه الا انا والجيران و٢٤ ساعة مجابل الميانين بالمصحة وبعدين شكت فيهم وقالت لهم انتو مب صحفيات تكلموا من انتو؟
وقالت لها مبروكة انها بتزوج شرقان وقال استناك تتطلقين منه عشان انا اتزوجه انا ما ادش على ضرة وهنا اغمى عليها ولما قعدت من الاغماء قالت محظوظة حق مبروكة قومي يلا ورانا صالون للعرس ورانا نفنوف العرس ورانا شغل وايد ما سويناه يلا، وهنا زوجة شرقان تموت من البشي ودموعها اربع اربع وتقول انا ما ابي اطلق انا احب شرقان ولا يمكن اتخلى عنه، شالعبو توج شايلة خلاجينج وطالبة الطلاق وريلج ينام بالمصحة شلي تغير الحين؟
تشوفون وايد مثلها بس ريلها بيتزوج تحاول تعدل من نفسها حتى لو كانت تبي تطلق تغير رايها؟
وقتها على طول راحت للمصحة وقالت حق ريلها أخذ اجازة طويلة خلنا نفضى لبعض
تشوفون يمثل واجد هذا الدور؟