واذا تقولي دوره ادرب بعدها كيف اسمها الشافي الذاتي هذه توحي الي انه الشخص خيشفي من بعد الدوره.. دورات التدريب اسمها (تدريب المدربين) تقدري تاخذينها من اي مركز واي مدرب سعرها بالكثير ١٥٠٠ او ٢٠٠٠ وتصيري مدربه بعدها..

وعلى فكره كوني مدربه اقسم بالله دورات علوم الطاقه ممنوعه من المؤسسه العامه لتدريب التقني والمهني وجميع المراكز بالسعوديه واي مدربه او مركز يقدمها يتم قفله وعقوبه المركز والمدرب...

الدورات المسموحه تكون مراكز التدريب والغرف التجاريه معتمده من المؤسسه العامه لتدريب التقني والمهني والمركز الوطني وزاره التعليم..

يعني لو اخذتي ابو ٨٠٠٠ ماراح تدربي فيها ابدا. وعلم الطاقه لايدخل تحت التنميه البشريه وتطوير الذات بس تخسري ع الفاضي وتقدري تبحثي بقوقل... حلوه دوره ب٨٠٠٠ يعني اثنين يسجلوا يطلع للمدرب ١٦ الف وهذا اذا ماكانت أون لاين وشهاداتها ليست معتمده ولاتحت مظله موثوقه.. اي سؤال انا حاضره ارسلي لي خاص انا مدربه تطوير ذات..

https://www.spa.gov.sa/1587084
قرار منع علوم الطاقه بالسعوديه..

وشوفي موقع سبيلي والمقاطع الفديو اللي توضح حقيقه هذا العلم من ناحيه علميه وليست شرعيه(علم الطاقه بين الوهم والحقيقه) كلها من معتقدات دينيه هندووسيه تنافي العقل الشريعه وفيه وحده بموقع سبيلي كتبت تجربتها كامله بل فيه أمور تسبب المس والكفر والشرك بس مافي مجال مناقشتها

وبقولك معلومه ترى فيه ناس ينتحلون الشخصيات يعني انا مثلا اعرف مدرب كبير أو مدرب ماعنده متابعين كثير بس عنده علم محتوى ينزل مقاطع وعلوم مفيده اخذ الدورات وانزلها بحسابي واسجل بدوراته اذا كانت دورته مثلا ب٢٠٠ ادخل فيها وبعدين أعلن عنها باسمي واخليها ب٨٠٠٠ ريال ثم اعمل نسخ ولصق للمحتوي العلمي للمدرب وانا ماعندي علم ولا شي. يعني المدرب يكون منزلها بسعر رخيص وانا اسرقها وانزلها بسعر غااالي مثل اللي سرقوا المؤلفات والكتب والقصايد والدواوين ونزلت باسمهم وكسبوا فلوس..............
. قبل ماتحولي او تدخلي اي دوره ضروري تتأكدي من أمور مهمه
اسم المدرب وسيرته الذاتيه..
اسم الدوره ومحاورها وهل هي مفيده بالسيره الذاتيه او مفيده لنفسك ولشخصك..
هل الدوره والمركز التدريبي معتمد الجهه المعتمده
هل الحساب البنكي اللي تحولي عليه المبلغ معتمد وموثوق في البنك بإسم مؤسسه او مركز
ع فكره ترى بعض الحسابات الشخصيه البنكيه يكونون إرهابيين لاقدر الله ولمن تحولي لهم تنسجني لانه الحساب مشبوهه والقانون لايحمل مغفلين.. دعواتك لي يححقق الله لي باللي اتمناه.. كلامي كثير بس حبيت افيدك.. وفلوسك وفريها لشي مفيد افضل

اذا تبغى دورات مفيده متنوعه عندي رقم وحده تنزل دورات اون لاين موثوقه ومعتمده من أكثر من جهه وتقدري تحضرها أون لاين.. راسليني خاص اعطيك رقمها..

بحثت عن اسمها لقيت لها حساب تيك توك ورابط تيلجرام ولقيت فيه صوره عن اعلان دورة التشافي اللي سعرها 8000 ريال لقيت ان تاريخ الاعلان 30 الشهر اللي راح ومكتوب باقي يومين يعني اصلاً ماتقدرين تسجلين فيها .
والشي الثاني المهم اني مالقيت أي تفاصيل عن الدوره ومحاورها بس فهمت انها عباره عن مجموعة دورات مع بعض وان سعرها بعدين بيكون 12 ألف مو 22 ألف .
وبشكل عام أي دوره تحبين تسجلين فيها اول شي اسألي نفسك هل انا فعلاً محتاجتها ومستعده لها وتخدمني بهذا الوقت او لا ؟
لان ممكن تسجلين في دوره وتطلعين منها بلا أي فائدة لانك مو مستعده
انا يعجبني موقع جناح الروز لفينوس حاطه فيه الدورات مع اسعارها وكاتبه المحاور ووحده منهم كاتبه فيها ما انصح بالاشتراك وذاكره الاسباب عشان اللي تسجل تعرف ايش راح ينتظرها .
واقترح عليك تدخلين موقع دكتور احمد عماره تشوفين الدورات اللي عنده واسعارها عشان تاخذين فكرة وتعرفين بعدين تختارين وماتدخلين على عماك لان اعلى سعر عنده ماتجاوز 500 دولار ومحاور الكورس حلوه والمحتوى اظن مرئي فيديو