ودي صور كنت عاملاها بتشرح الحرده بالتفصيل
حرده الرقبه
افرضي ان عندك 100 غرزهعلي الابره حايكون عندك 30 لكل كتف و400 للرقبه معايا؟؟؟ عدي 30 غرزه للكتف الاول وحطي علامه و40 غرزه للرقبه وحطي علامه يفضل عندك 30 غرزه للكتف الثاني
ابدئي الحرده علي الوجه الامامي للشغل
اشتغلي ال30 غرزه بتوع الكتف و15 غرزه من غرز الرقبه وبعدين احردي ال10 غرز اللي في النصف واشتغلي باقي السطر عادي

السطر التاني اشتغلي عادي لغايه ماتوصلي لمكان الحرده وصلي خيط عند الطرف الاخر من الحرده


واحردي 5 غرزواشتغلي بقيه السطر عادي


السطر التالي حايكون السطر العدل اشتغلي عادي وعند الجهه الاخري من الشغل احردي 5 غرز


كملي السطر عادي
السطر التالي حايكون السطر المقلوب وفي نفس الوقت ظهر الشغل اشتغلي الناحيه اليمين وفي الجهه اليسري من الشغل احردي 4 غرز

وكملي السطر
حرده الظهر للحرده المدوره
ممكن حرده الظهر تكون علي اي ارتفاع انتي عايزاه بس عموما بتكون اعلي من حرده الامام
وفي الباديهات والبلوزات هاي كول يفضل ماتحرديش خالص يعني تكنفي بحرده الكتف علشان تلم حول الرقبه وتكون مظبوطه وتتعمل بانك برضه بتعلمي لبدايتها ونهايتها زي حرده الامام بس علشان بيبقي عدد سطررها قليل بنحرد عدد غرز اكتر في كل مره يعني مثلا عندنا 40 غرزه حاتحردي 20 غرزه في سطر والسطر التالي 10 واللي بعده 10 كده تكوني حردتي علي 3 سطور واحردي الكتف علي طول علي مرتين او 3 مرات ويفضل تعملي الحردتين معا او زي الباترون مايطلب منك
يعني مثلا حاتحردي 20 غ للرقبه في سطر
السطر التالي احردي 10 غ للرقبه برضه السطر الثالث احردي 15 غ للكتف وامشي ال15 غ الباقيين وبعدين في الجهه الاخري احردي ال10 غ الباقيين للرقبه وكملي السطر
السطر التالي احردي 15 غ للكتف وكملي ال15 الباقيين حايقابلك ال15 غ للكتف الثاني مش تحرديهم اشتغليهم عادي برضه واحرديهم في السطر التالي حايفضل معاكي ال15 غ للكتف التاني اشتغليهم واحرديهم في السطر التالي
مهم حرده الكتف تبدا دائما من الجهه الخارجيه للشغل
الشرح علي اعتبار ان معاكي 100 غرزه
ملاحظه
فيه ناس بتحرد علي 3 مرات وفيه ناس بتحرد علي مرتين وممكن كمان مره واحده تبع الباترون

فيه في الباترونات بيقول خدي الغرز علي ماسك او holder ودي طريقه تانيه انك مش بتقفلي الغرز بس بتنقليهم علي الماسك ولما بتيجي تلقطي علشان بانده الرقبه بتاخدي الغرز دي علي ابر وتشتغليهم بليسيه
وعلشان اقرب لك الفكره بصي علي الصوره دي

ام قسمت حبيبة القلب


اعمل نموذ ج للحردة الرقبةعلشان اطبق ولو عملته اعمل مثلا كام غرزة


ولى سؤال التنقيص بيكون زى ماعملنا فى فى الحرده الباط



يعنى اشتغل الغرزةالاولا واشتغل التانية واضع الاولا على التانية




وانتى فين بقى حاسة ان طلتك مش كتيرة

ام قسمت نسيت اقولك انا اسافر الاسكندرية امبارح واروح


علشان اجيب الخيط تكلمة الجيبة من محل كريستال الا فى المنشية




الاقية قافل:06:


الجيبة مش عوزة تخلص:p



وراحة وعماله اقول هجيب الابر علشان اعمل القبعة بتاعت بنوتة وهشترى ابر كروشية طلع نائبى على؟؟؟؟؟؟؟؟؟؟

السلام عليكم ام قسمت معلش تلميذه خايبه كانت مسافره بتساْلك ورشة الجيبه مش لاقيه يا ترى مخبيها فين هههههههههههههههه وممكن اساْل البنوته تزوجت ولا لسه ربنا يتمملها على خير يا رب