بصي يا حبيبتي بالنسبة لحردة الرجلان بلاحظ احيانا على طول الحردة عراوي وبكون شكلها جميل
وكمان بلاحظ انو كم الرجلان احيانا بيقفلوش كل الغرز بيتركو كام غرزة بيلقطوهم مع القبة صحيح هيك والا ان غلطانة
عايزين رايك يا استاذة
ربي يسلمك ويوقف معك والله قلبي معك وان شاء الله تعدي الايام الجاية على خير وسعادة
وسلامي لكي ولعروستنا الحبيبة بنت الحبيبة

ايوه صح يامقبولتي بس انتي قصدك خروم مش عراوي مش كده
انا عندب شرح الموضوع ده في مجله بس لما افضي اجيبه
تسلمي لي يارب يااحلي مقبوله
وعلي فكره لو عندك الشرح للموضوع ده نزليه واشرحيه واهي كلها فايده ياقمري انا

ايو يا عيوني انا اسفة مش عراوي خروم
لا والله يا ريت عندي يا قمر بس انا شفت الخروم في جاكيت لبنتي
اما للكم الرجلان في بلوزة لابني شفت في اخر الكم حوالي عشر غرز ولقطينهم مع القبة
وللاسف مفيش كميرا كنت صورتهم
ومن ناحية الشرح لايعلى على شرحك يا استاذة دانا سنة اولى في التريكو بس الحمد لله من شرحك يشهد الله استفدت كتير
وربي ما يحرمنا منك ولا من طلتك الحلوة

حانتعلم النهارده باذن الله قراءه باترونات التريكو
وهي سهله جدا
بيكون عندنا الدايجرام عباره عن شبكه من المربعات
كل مربع بيمثل غرزه وكل صف بيمثل سطر
والسطور الفرديه وجه الشغل يعني تقرا حسب اتجاه الشغل فيها يعني من اليمين الي اليسار
السطور الزوجيه اللي هي ضهر الشغل تقرا من اليسار الي اليمين
وصور الباترون المعروفه 3 انواع
النوع الاول ده نوع من الباترونات بيكون فيه كل السطور اماميه وخلفيه ولاحظي انا وضع رقم السطر امام الجهه اللي يبدا منها
يعني السطور الفرديه تبدا من جهه اليمين والسطور الزوجيه تبدا من جهه اليسار وده بيدي شكل الغرزه بالتفصيل الممل ... Garter

يعني بتكون الغرزه عدل علي طول من الامام ومن الخلف ودي الغرزه المرنه
النوع التاني بتكون الارقام كلها الي يمين الباترون وده معناه ان ده شكل الغرزه من الوجه الامامي يعني زي ماتكوني ماسكه قطعه الشغل وبتبصي لها من الامام وشايفه الغرزه المرنه من المام وطبعا في الحاله دي بتظهر امامك سطر عدل وسطر مقلوب زي ماطبقنا وعرفنا بس بنكون عارفين ان السطور الخلفيه بنشتغلها عدل وبنطهر علي وجه الشغل مقلوب زي الدايجرام ده

النوع التالت وده الشائع في معظم الباترونات وبتلاقي الارقام الفرديه فقط علي يمين الدايجرام وده معناه انه بيديكي ازاي تشتغلي الغرزه علي الوجه الامامي ودايما في هذا النوع من الباترونات بيكتب ارشادات للوجه الخلفي زي مثلا كده
work following chart only right side rows are given on wrong side work
sts as set
,والترجمه الحرفيه
اشتغلي تبع الباترون فقط السطور الاماميه معطاه في السطور الخلفيه اشتغلي الغرز كما تظهر لكي
لاحظي في الباترونات دي ان الغرزه العدله في الوجه الامامي بتظهر مقلوب في الوجه الخلفي والعكس صحيح
وده شكل الباترون ومعلش الصور مش واضحه قوي علشان انا اللي عاملاهم هههههه
[
h
لاحظي الدايجرام الاخير ممكن ينفع للغرزه المرنه (عدل علي طول)وينفع لغرزه الجرسيه(سطر عدل وسطر مقلوب)ويعتمد معرفه الفرق بينهم علي التوضيح في الباترون المكتوب
ياللا بقي اعملوا كبايه شاي واقعدوا ذاكروا

بصي لقيت جاكيت بكم رجلان شوفي في اخر الكم فاضلين كام غرزة وملقوطين مع القبة



ولقيت طقم للاطفال بس الجاكيت اللي وضعتيه احلى شوفي