الابر مدببه الطرفين (طريقه تانيه للشغل الدائري)

تستخدم هذه الابر لشغل القطع الصغيره جدا التي تحتاج الي شغلها بدون خياطه اومقفوله مثل الشرابات والجوانتيات والقبعات مثلا لما نشتغل قبعه علي ابر دائريه ولما نقفل الغرز عند قمه القبعه بيكون عدد الغرز قليل بحيث اننا بنبذل مجهود للوصول الي الغرز حول الابرتين وفي الحاله دي بنحتاج لنقل الشغل من الابر دي للابر مدببه الطرفين
وطبعا الشغل علي الابرمدببه الطرفين له نفس قوانين الشغل علي الابر الدائريه من حيث ان وجه الشغل بيكون دايما مواجه لك
وراجعي قوانين الابرالدائريه
والابرمدببه الطرفين بتكون عموما مجموعه مكونه من 5 ابر بس في الطريقه الامريكيه بيكون الشغل ب4
ابرفقط وبيتم توزيع الغرز علي 3 ابر ويتم الشغل بالابره الرابعه وفي بعض الاحيان بتشتغلي بالابرال5 مع بعض وده لما يكون عدد الغرز كتير علي ال3 ابر او بيقبل القسمه علي4 لتسهيل التقسيم وفي الحالتين بيكون الشغل صح
وده شكل الابر

البدايه
ابدئي كل الغرز علي ابره واحده علي ان تكون الغرز واسعه لتسهيل نقلها من ابره الي ابره
[
ثم انقلي ثلثي الغرز علي الابره التانيه يعني نفرض اننا بدانا 72 غرزه حايكون الثلث 24 والثلثين48


[ثم انقلي نصف عدد الغرز من الابره الثانيه الي الابره الثالته وكده بيكون عدد الغرز اتقسم علي الا3 ابر بالتساوي كل ابره عليها 24 غرزه
ولو عدد الغرز اكتر بغرزه او غرزتين يعني عدد الغرز لايقبل القسمه علي3 زودي غرزه لاي ابره من ال3 ابر او لو عدد الغرز اقل نقصي غرزه


علشان نقفل الدائره حاتحتاجي انك تمسكي الابره اللي راسها ابيض اللي بداتي عليها امسكيها بايدك اليمين والابره اللي راسها اصفر امسكيها بايدك اليسري ونظمي الغرز بحيث اها ماتكونش ملويه حوالين الابر
امسكي الابره الرابعه اللي مش عليها غرز خالص ودخليها في اول غرزه علي الابره اليسري زي الصوره

لفي الخيط من الابره البيضاء علي الابره الخضراء واعملي غرزه وكده انتي قفلتي الشغل

واستمري في نقل الغرز من الابره الصفراء الي الابره الخضراء الي نهايه الغرز من الابره الصفراء وكده الابره دي حاتكون فاضيه

كده الابره الصفراء حاتكون فاضيه نبدا ناخد بيها الشغل من الابره البينك وهكذا نستمر نشتغل وكل ماتفضي ابره نشتغل بيها من الابره التاليه

اهلا بيكي يامقبولتي وصباح الفل علي عيونك
معلش يامقبولتي انا ماكنتش مركزه يعني انتي بتقولي جاكيت وعايزاه هاي كول طيب ازاي مفروض الهاي كول ده للبلوزه ولاقصدك ان الزراير بتاعه المرد تقفل الكوله كمان
معلش يامقبولتي وضحي لي
كيفك يا احلى ام قسومة ان شاء الله تكوني بالف خير واخبار عروستنا ايه ربنا يسعدها
ايوا عايزة المرد يقفل الكولة ولا انت شو رايك
في صورة لجاكيت انا نزلتها في الدورة بس مش عارفة في صفحة كام مش لاقياها كنت عاوزة اعمل متلها
دعواتك معي ابني النهاردة حيعمل عملية دقيقة وربنا يقومه بالسلامة
لكي مني اغلى التحيات

سلامته الف سلامه عليه يامقبولتي ربنا يحميه ويشفيه ويحغظه من كل شر ويقومه بالسلامه
طمنيني يامقبوله احسن انا قلقانه عليه
ونبقي نتكلم في التريكو بعد مانطمن علي الغالي

الحقيييييييييييييييييييييييييييييييييييييينى00 الله يخليك يا ام قسمت الحقينى, امبارح بدأت اعمل الاسكارف اللى فى صفحة 85 ومشيت فيه كويس لحد السطرالسادس0 0 ولكن السطر السابع العدد بتاعه مش بيطلع مضبوط مش عارفة ليه ؟؟ ارجوك تراجعى لنا على شرح السطر السابع من فضلك لان فيه حاجات مش واضحة بتخلى العدد مش تمام 00 خصوصا انى من المبتدئات فى التريكو ,, والفضل لك فى انى تعلمت اشياء كتير فيه00 من فضلك تجاوبينى00 توتوز فخرى0

الف سلامة يا مقبولة على ابنك و ربنا يقومهولك بالسلامة ان شاء الله
وبالنسبة للابر دى يا ام قسمت انا مش عندى ابقى اشتريها واجرب الشغل عليها وعلى فكرة الصور مش باينى عندى