اهلا بيكي يااحلي ميمي في الدنيا
منوره الدوره ياقمر واحنا كمان اشتقنا لك وصحيح زي مابتقولي مافيش تطبيق البنات نااااموا ههههه بس انا بادي المعلومه ولو حد عنده سؤال بارد وعايزه الدوره تكون زي مرجع لاي بنت عندها سؤال في التريكو والف شكر لكي ياعسل علي مجاملتك الرقيقه وباذن الله احصلك علي فن الطبخ علشان رمضان كل سنه وانتي بخير

اهلا بيكي يامقبولتي الحبيبه والدرس جاي اهه والله كل مااجي اقفل افتكر معلومات جديده اضيفها وبجد انا كمان مش عايزه الدوره تخلص
اخبار الجاكيت اللي بتعمليه ايه

مش مشكله ياقمر المهم تتابعيني وتكوني فاهمه اللي باقوله وياللا بقي صلحي الجهاز

حبيبتي احلي جبل في الدنيا
معلش سامحيني مش عارفه ليه ماليش نفس اعمل حاجه اليومين دول
بس دخلت تجمع الكروشيهات وشفت البطانيات وطبعا مش عايزه كلام التلاته احلي من بعض والتريكو الاولي تجنن ةالبورت بيبي جميل جدا ونوع الخيط كمان مخليه اجمل
برضه ياجبولتي وكالعاده ذوقك لايعلي عليه وتسلمي لي ياقمر

النهارده حاناخد تشطيب التريكو
كنا اخدنا لقط الغرز قبل كده ولفط الغرز بييجي عندما تضيفين اي نوع من الحواف للقطعه مثل بانده الرقبه فعموما بتلقطي غرز علي محيط حرده الرقبه ومن المهم عند عمل ذلك انك تعملي لقط الغرز بحيث يظهر بشكل مرتب
وبتلقطي الغرز علي وجه الشغل وكمان مهم انك انك تشتغلي الغرز بخيط منفصل بيكون افضل من لقط الغرز من حرده الرقبه لان لقط الغرز من حرده الرقبه حايمدد الغرز او يمطها
لقطي الغرز بتوصيل الخيط لحافه الحرده وابدئي لقط الغرز كما سبق توضيحه وممكن تستعملي ابره مستقيمه بس في الحاله دي خيطي كتف وسيبي كتف مفتوح او استعملي ابره دائريه وممكن تستعملي ابره كروشيه في المساعده علي لقط الغرز بانك تلقطي بيها الخيط وتدخليه في الابره والابره اللي بتستعمليها في لقط الغرز بتكون اصغر بمقاس او مقاسين عن الابره المستخدمه في الشغل لان المقاس الاصغر حايكون اسهل في لقط الغرز ومش حايمط الغرز وبعد اللقط غيري الابره واستعملي الابره اللي بتشتغلي بيها
ازاي تحسبي عدد الغرز اللي عليكي لقطها مثلا علي محيط الرقبه
الباترون بيكون فيه عدد الغرز المطلوب انك تلقطيها ولو مش موجود عدد الغرز قيسي حرده الرقبه واحسبي عدد الغرز المطلوبه من تعليمات المقاس في الباترون او بتكوني عامله عينه علشان تحددي عدد الغرز من البدايه ومنها بتحددي عدد الغرز المطلوب تلقطيه علي محيط حرده الرقبه وخدي بالك ان بانده الرقبه بتكون بليسيه وده ابعاده بتكون اقل من الجرسيه يعني ممكن تعملي عينه بغرزه البليسيه ومنها تحددي عدد الغرز المطلوب لحرده الرقبه
ولما تلقطي علي محيط الحرده احرصي انك تلقطي الغرز بعيد شويه عن حافه الحرده علشان مايطلعش عندك خروم يعني ماتلقطيش علي حرف الحرده لا جوه شويه ابعدي عن الحرف غرزه او غرزتين
لو كنت بتعملي بانده الرقبه بلون مختلف القطي الغرز باللون الاساسي وبعدين غيري اللون في السطر التالي
وطبعا لو كنتي بتشتغلي علي باترون وغيرتي المقاسات حاتغيري مقاسات الرقبه كمان
لما تلقطي الغرز علي حافه حرده الرقبه لازم تكون علي مسافات متساويه علشان منظر الرقبه يكون جميل ومرتب
ولعمل ذلك حطي ديابيس او علامات علي محيط حافه الرقيه علي مسافات متساويه وقسمي الغرز بالتساوي علي المسافات دي
زي كده

لو حاتلقطي غرز علي حافه طويله مثل الجاكيتات قسمي الغرز يعني القطي الجانب الايمن اولا صعودا الي اعلي حتي منتص الضهر من الحرده للرقبه واشتغليها وبعدبن القطي الجانب الايسر بالمثل وبعد ماتخلصي خيطي البانده من منتصف الظهر علشان الخياطه تكون مختفيه وطبعا لو عندك ابره دائريه طويله ممكن تلقطي الغرز كلها دفعه واحده وكده مش حاتضطري تخيطي
لو بتلقطي حافه افقيه اغرزي الابره في اول غرزه تحت الحرف وفي اول القطعه

وبعدين ابدئي لقط الغرز في خط مستقيم



وحاتكون بالشكل ده

بالنسبه للقط الغرز راسيا
بتغرزي الابره في مركز اول غرزه وتكون ابعد من الحرف بغرزه

وتلقطي الغرز في خط مستقيم

وحايكون شكلها كده

بالنسبه للقط حرده الكم
القطي الغرز مع اتباع شكل الحرده وبرضه تكون بعيد عن الحرف بغرزه


وحايكون شكلها كده