اخترت ان هالموضوع يكون بالمجلس العام لسببين
1- ماعاد في مواضيع وعلى قولة وحده من العضوات اي وحده يصير لها شي على طول تنزل موضوع
2- بما انه اسمه مجلس عام حبيت يكون لتبادل الاسئله الثقافيه والمتنوعه
في هذا الدوري تحدي بالثقافه وتحريك للمخ وبنشوف المثقفه واللي بعيده عن الثقافه
ولا مانع من الضحك والهياط والذبات من الجمهور ( اللي هم انتم ) على اللي مو مثقفه >> قلت الزعوله لا تشارك
بس هاه
العصبيه والاستفزاز بره .. هالمجلس لتنشيط المخ ونشوف مين المثقفه ومين اللي مو مثقفه
طريقة المنافسه
راح اسأل سؤال لعضوه معينه اخترها سواء سؤال ثقافي او اجيب صوره واسأل عليها او اكملي المثل ... الخ
ومثل ماقلت .. راح اختار عضوه معينه تجاوب على السؤال ومحد يجاوب الا هي
>> يعني احجر عليها واشوف هي مثقفه ولا لأ
و اذا العضوه جاوبت غلط فهنا العقاب ..
صاحبة السؤال هي الآمره والعضوه هي المنفذه
ولصاحبة السؤال الحريه في الطلب وعلى العضوه ترضح لطلبها
سواء تطلب من العضوه انها تكتب تقرير خطي تكتب فيه وتعترف فيه انها غير مثقفه
او ترفع لها موضوع من مواضيعها
او تقولها نطي مكانك عشر مرات واوصفي ردة فعل اللي عندك بالغرفه ولازم العضوه تطبق الطلب
او اي شي يخطر على بال صاحبة السؤال ولكن بعيدا عن المخالفات الموجوده بالمنتدى وبعيده عن المخالفات الشرعيه
والعضوه مالها فكه الا لمن تحقق اي طلب من طلبات صاحبة السؤال
وصاحبة السؤال تطلب طلب واحد فقط .. واذا ماقدرت العضوه تحققه تطلب طلب ثاني
اهم شي ان الطلب يتنفذ والجمهور يشوفه
وبعد ما تنفذ الطلب عاد يجي دورها تختار عضوه وتسألها سؤال
حرام لازم هي بعد تسأل .. اجل عقاب فقط ههههههههه
بس ماتختار العضوه اللي سألتها لأ .. لازم تختار غيرها
اما اذا جاوبت العضوه صح فابقولها مبروك
وبعطيها لايك والجمهور يعطيها لايك اذا يبغى
ويجي دورها تسال سؤال ( لانها جاوبت صح ) وتختار عضوه تسألها السؤال
ويمشي الموضوع على هالشي
( اتمنى وضحت الطريقه ) يعني اللي تجاوب صح يجي دورها تسأل السؤال وتختار عضوه معينه تسألها
واللي سألتها اذا جاوبت صح تروح هي بعد تسأل سؤال وتختار عضوه ويمشي الموضوع كذا
واذا غلطت العضوه .. صاحبة السؤال تعاقبها .. وبعد العقاب يحق للعضوه تسأل سؤال وتختار عضوه
غير صاحبة السؤال
لائحة الدوري ( علشان لا تقولون مادرينا )
1- اذا انسالت العضوه سؤال ممنوع انها تغش وتطل على العم قوقل
او التغشيش على الخاص او تغشيش الاهل والمقربين او الجيران .... الخ
ماراح احلفكم يمين ان الوحده لا تغش وتكفون والله لايحللها ومدري ايش لان هذا الشي بين الوحده وربها
فاللي تنسأل سؤال تفكر واذا ماعرفت تقول انها ماعرفت
والجمهور يستغل الفرصه ويتثقف شوي
يمكن وحده منكم يجي دورها وتنسأل سؤال على الاقل تكون عارفه الاجابه وتقول الحمدلله اني استغليت الفرصه وتثقفت هههههههههه
2- صاحبة السؤال اذا العضوه اللي سألتها جاوبت خطا لا تفكها حتى ترضح لطلبها
كلمة خلاص سامحتك ماراح اطلبك شي .. وقلبي مايطاوعني اتامر عليك
هالشي مايمشي >> محد قالها لا تتثقف ( فهناك جمهور يريد الضحك )
3- ممنوع منعا باتاً الجمهور يتدخل ويجاوب على الاسئله
طريقه الدوري ان صاحبة السؤال تختار عضوه بعينها وهالعضوه فقط هي اللي تجاوب
4- كلمة غيري السؤال ممنوع
هذا موضوع تقدرون تقولون عنه احراجات نشوف المثقفه واللي مو مثقفه وكل وحده وحظها بالسؤال
5- اذا العضوه جاوبت غلط وبعد العقاب اللي تنفذه يجي دورها تسأل سؤال لاي عضوه ماعدى العضوه اللي سألتها السؤال
علشان مايصير الموضوع انتقاميات خخخخخخخخخخخخخخخخ
انا راح ابدأ
وسؤالي موجه لدمعة الريم
كم عدد سور القران >> مثل ماقلت لاتغشين
ان جاوبتي صح بعطيك لايك والعضوات بعد اذا يبغون ويجي دورك تسألين سؤال لعضوه تختارينها
اما لو جاوبتي غلط .. فطلبي ينتظر تنفيذك له ههههههههه :hahaha:
( تم تعديل السؤال وتغييرالعضوه )
