دور ولا دورين

عليكم السلام والرحمة

حياك الله أختي

انا حالياَ ساكنه في دور ، لآني أحب الدور الواحد ، لكن فيه مشكلة

وهي إذا جاك ضيوف البيت كله ينحااااااااس (( طبعاَ إذا معهم أطفال ))

ممكن تسوين دور واحد ، لكن تخلين غرف النوم في جهه صااااااااااادة في البيت

بحيث تقفل بباب واحد (( قسم معزول عن قسم الضيوف ))

هذا يعتمد على مساحة الأرض اذا كبيره ممكن دور اما اذا كانت العكس فدورين

أنا مع gaamra في رايها لأن الدور الواحد يتطلب غرف وأقسام أكثر من الدورين .............:26:
1- قسم خاص بغرف النوم ( غرفة نومك الرئيسيه ملحقه بحمام رئيسي وغرفة ملابس - غرفتين للبنات وحده للنوم والثانيه للعب والمذاكره وحمام - غرفه زياده للضروره ) .....
2- قسم خاص لمجلس النسا ملحقه بالحمام والمغاسل وكبريه شوي ..........
3- قسم للمطبخ وتابع له حمام للبيت ولو كان فيه شغاله...
4- قسم الرجال مجلسين أو واحد حسب الحاجه والمساحه ( ممكن الاستغناء عن أحد المجالس وابداله بغرفة طعام مفتوحه على قسم الرجال وفتحه اخرى على الصاله) ملحق بحمام ومغاسل....
5- الصاله وخصصي منطقه منها مرتفعه للجلوس والتلفزيون يعني مفتوحه بقوس جبسي أو خشبي على الصاله تعطي شكل حلو وبنفس الوقت ما تنحاس الصاله الرئيسيه...........بالتوفيق ان شا الله

الله يبيض بوجهك يا نجوم عالم حواء
والله افرحتوني بالرد

مساحة الارض يا اخت قمرا 600على حد ادنى
بس ما قلتولي اعمل لشغاله غرفه وحمام في اي جهة وين يكون مكان للمستودع

زوجي قالي نعمل دورين يكون الدور التاني فيه غرفة نوم الرئيسيه وغرفة البنات وغرفة ادا جاء ولي العهد وغرفة كمكتب لزوجي فيه الكمبيوتر وقرابعه
الشغاله احترت وين اخلي غرفتهاوحمامها مع الغساله والمكوى وقلت مح اعمل مطبخ فوق
وتحت حعمل الصوالين وتبعه

ها وش رايكم

نسيت اقول ادا حعمل دور واحد فكرت انه يكون نظام مستويات يعني الصاله مرتفعه درجتين
غرف النوم اعلى بكم درجه

يالله لا تبخلوا عليه بافكركم

والله اذا عندك شغاله فلازم دورين يصير الدور اللي تحت مجلس حريم وصاله ومجلس رجال ومقلط ومطبخ مع مستودع تابع للمطبخ للمواد الغذائيه وتكرمين حمامين وفوق غرف النوم وبالنسبه للغرفه الرئيسيه يكون لها غرفه تابعه لها وهي المكتب غير تكرمين الحمام وجزء من الغرفه يفصله عن مكان النوم قوس كبير يكون قعده صغيره وحلوه فيها تلفزيون .. وصالة معيشه وحمام للعيال وآخر احتياطي ان بغيتي وبوفيه يطل على صالة المعيشه واما الشغاله فيكون لها ملحق في السطح يفتح على الدرج طوالي ويكون لها درج خاص يفتح على المطبخ اللي تحت علشان تفتكون من خشتها

والله يوفقك وييسر لك

بس لاتنسين تزبطون الحديقه هي اهم شيء في البيت وتصلحون دكه بسيطه وحلوه وذوق بحيث لما تجلسن في صالة المعيشه تشوفين المناظر اللي تسر الخاطر ولازم تحطين الشبابيك كبيره وانيقه

وبكذا تحتاجون مستودع خارجي علشان تحطون فيه مثلااا السجاده اللي بتفرشونها في الحوش والمراكي او الكراسي والتلفزيون وقرابيع السيد ههههه لان اللي عندي ياكثر قرابيعه مضيقه علي


والله يعينكم