السلام عليكم ورحمة الله وبركاته
كيف احوالكم؟ ماابي اطول عليكم
عندي دولاب زي هذا بالضبط بس اللون خشبي
شريته من ايكيا له تقريبا 4 سنوات لولدي الأول لكنه غير عملي جاب لي المرض من اوله
ومع الفتح والصك خرب وكان بحوالي 400 او 500 مااذكر بالضبط وكنت حاطته على جنب ابي ابو الشباب يوديه منجره تسويه الزلاجات اللي تسحب الدرج اللي على الجنب لانهم هم الخربانات بس والباقي بحاله ممتازة وجلس حوالي سنه :time: كل يوم بكرا لين طفشت منه :06: ولما جبت بنوتتي :04: احتجته وقلت مافيه الا افكر اواصلحه انا
شوفوا معي هذي الصورة بدون ادارج لان الادراج ماتركب للسبب السابق ذكره << متأثرة بالتدريس :27: وواضح بالصورة ان الزلاجات طايحه
1
وهذي صوره اوضح
2
عاد انا فكرت وفكرت
وجبت عصا المكنسه وقصيته على عرض الدولاب وثبته بمسامير
3
وبعدين جبت بلاستيك شفاف اللي يجي بالمتر ( عندي من قبل ماشريت شي)
وثبته عشان الغبار وقصيته من الوسط عشان يسهل الفتح
بس نسيت اصور هالخطوه
وهذي الصورة النهائية
4
الدرج اللي تحت خليته
اخذت الزلاجات الموجودات 2 فقط سليمات وثبتهم وخليته للجزم والشربات والاشياء الصغيرة
هذي صورة اقرب (ملابس بنوتتي الله يحفظها توي شاريتهم ملابس الشتاء)
5
وهذا الدرج فيه الابوات والقابز وبعض الاشياء ودي احطهم ببوكسات بس صورت الدولاب على السريع عشان اوريكم
يعني اذا شفتوا شي منا والا منا من الحوسه :35:
6
الدولاب جدا متواضع ادري لكن انا بأستفيد منه حاليا لاني في مرحله دجه ماديه :08:
وبعد فتره راح اثث البيت من جديد ان شاء الله
تحياتي للجميع
حلو أننا نستفيد من الأشياء اللي حولنا
الله يحرسك ويحفظ لك بنتك