ترى جمال السفرة بطبيعة سفرك ومع من مسافرة
يعني انا مرات اسافر لبلد اكرهها ارد اسافر مره ثانيه مع ناس ثانية لنفس البلد احبها والعكس
الحمدلله لما تكون السفرة على مزاجي مو مزاج غيري استانس لاني احب استكشف واروح كل مكان واختلط بالناس ومو همي التسوق والاكل ترى الاكل والسوق موجود بكل مكان السفر بالنسبة لي التعرف على حضارات علوم ثقافات جديدة اسلوب حياة جديد طبيعه وجو جديد يعني مثال انا طول عمري اسمع دبي غالية وبس اسواق ومطاعم غاليه والله انا بالنسبة لي مافي ارخص ولا احلى منها وماحرمت نفسي من شي بس الفرق بالتدبير بالسفر وكسر الروتين واتمنى اروح مره ثانية يعني لما رحت الكل قالي روحي اماكن معينه مارحت ولا وحده فيهم وكلهم مستغربين ان تخطيطي للسفرة مو نسخ على كل اللي يروحون يعني الكل لما كنت ابي اروح كنت اقولهم بروح دبي اول مره شلون الوضع الكل يقولي غالي ويبيلج ميزانيه والاماكن اللي قالولي روحيلها دبي مول ستي سنتر حديقة الفراشات ما ادري الزهور والسوق الصيني ومدينة الثلج وسمولي كم مطعم صراحة ماعجبني الموضوع ورحت هناك طبعا لفيت كل مكان بسرعة لفات سريعه لان مو هدفي تسوق ورحت رحلة سفاري الصحراء وكانت ممتعة اخذوني من الفندق وسيارة جيب للصحرا وقامو يصعدون فيها مرتفعات رمليه وبعدها اخذونا مخيم مع بوفيه ونقش حنه وعرض حفله استعراض تراثية وركبنا الجمل والحصان ورجعونا اخر اليوم وشاب وقهوة ومشروبات وشيشة للي يدخنون كله مفتوح هالرحلة كلها كلف للشخص ٩٩ درهم يابلاش وكنت رايحه وقت موسم ورحلة بالبحر ورحت الاكواريوم اللي في اتلانتس ورحت متاحف وبرج العرب وطبعا لفيت بالمجمعات وركبت المترو والبيق باص مافي احلى منه لا تقولون تكاسي ولا شي مع اني ركبت تكاسي بعد والبق باص يلفلج دبي مكان مكان مع شرح وبروحه تحسينه متعه والاكل كنت اكل بالمطاعم العادية اللي تطلع وجبة الشخص بحدود ٣٠ درهم مرات اقل ومرات اكثر بشوي مو لازم اروح مطاعم ٧ ستار مع ان رحت كافيه صرعوني فيه يوم رحتله وقعدت فيه وطلبت ماعجبني وغالي كانت رحلة ٤ ايام ولا بالخيال بالنسبة لي سفرتي كلها ٤ ايام التذكرة مع الفندق مع الرحلات والمواصلات والاكل والهدايا ماعدت ١٨٠٠ درهم لاربع ايام طبعا التكلفة لشخص واحد كانت ارخص من اي بلد رحت لها بس للحين لمارجعت واسولف للناس محد مصدقني بالمصاريف وشلون قضيت سفرتي وسويت كل شي بهالمبلغ والاكشن بالرحلة وشلون لفيت دبي من اول زيارة وشفت اماكن وايد بوقت صغير من غير مساعدة احد وكنت اطلع من الصبح وارجع اخر اليوم منهد حيلي فنصيحة اللي بيسافر خل يسافر مع ناس نفس جوه ويروح للاماكن اللي يحبها ورح يستانس حتى لو رايح للبر ولاتمشون على جو غيركم ونصايح بالاماكن لغيركم يمكن جوهم مو نفس جوكم
ترى جمال السفرة بطبيعة سفرك ومع من مسافرة
يعني انا مرات اسافر لبلد اكرهها ارد اسافر مره ثانيه مع...
يعني انا مرات اسافر لبلد اكرهها ارد اسافر مره ثانيه مع ناس ثانية لنفس البلد احبها والعكس
الحمدلله لما تكون السفرة على مزاجي مو مزاج غيري استانس لاني احب استكشف واروح كل مكان واختلط بالناس ومو همي التسوق والاكل ترى الاكل والسوق موجود بكل مكان السفر بالنسبة لي التعرف على حضارات علوم ثقافات جديدة اسلوب حياة جديد طبيعه وجو جديد يعني مثال انا طول عمري اسمع دبي غالية وبس اسواق ومطاعم غاليه والله انا بالنسبة لي مافي ارخص ولا احلى منها وماحرمت نفسي من شي بس الفرق بالتدبير بالسفر وكسر الروتين واتمنى اروح مره ثانية يعني لما رحت الكل قالي روحي اماكن معينه مارحت ولا وحده فيهم وكلهم مستغربين ان تخطيطي للسفرة مو نسخ على كل اللي يروحون يعني الكل لما كنت ابي اروح كنت اقولهم بروح دبي اول مره شلون الوضع الكل يقولي غالي ويبيلج ميزانيه والاماكن اللي قالولي روحيلها دبي مول ستي سنتر حديقة الفراشات ما ادري الزهور والسوق الصيني ومدينة الثلج وسمولي كم مطعم صراحة ماعجبني الموضوع ورحت هناك طبعا لفيت كل مكان بسرعة لفات سريعه لان مو هدفي تسوق ورحت رحلة سفاري الصحراء وكانت ممتعة اخذوني من الفندق وسيارة جيب للصحرا وقامو يصعدون فيها مرتفعات رمليه وبعدها اخذونا مخيم مع بوفيه ونقش حنه وعرض حفله استعراض تراثية وركبنا الجمل والحصان ورجعونا اخر اليوم وشاب وقهوة ومشروبات وشيشة للي يدخنون كله مفتوح هالرحلة كلها كلف للشخص ٩٩ درهم يابلاش وكنت رايحه وقت موسم ورحلة بالبحر ورحت الاكواريوم اللي في اتلانتس ورحت متاحف وبرج العرب وطبعا لفيت بالمجمعات وركبت المترو والبيق باص مافي احلى منه لا تقولون تكاسي ولا شي مع اني ركبت تكاسي بعد والبق باص يلفلج دبي مكان مكان مع شرح وبروحه تحسينه متعه والاكل كنت اكل بالمطاعم العادية اللي تطلع وجبة الشخص بحدود ٣٠ درهم مرات اقل ومرات اكثر بشوي مو لازم اروح مطاعم ٧ ستار مع ان رحت كافيه صرعوني فيه يوم رحتله وقعدت فيه وطلبت ماعجبني وغالي كانت رحلة ٤ ايام ولا بالخيال بالنسبة لي سفرتي كلها ٤ ايام التذكرة مع الفندق مع الرحلات والمواصلات والاكل والهدايا ماعدت ١٨٠٠ درهم لاربع ايام طبعا التكلفة لشخص واحد كانت ارخص من اي بلد رحت لها بس للحين لمارجعت واسولف للناس محد مصدقني بالمصاريف وشلون قضيت سفرتي وسويت كل شي بهالمبلغ والاكشن بالرحلة وشلون لفيت دبي من اول زيارة وشفت اماكن وايد بوقت صغير من غير مساعدة احد وكنت اطلع من الصبح وارجع اخر اليوم منهد حيلي فنصيحة اللي بيسافر خل يسافر مع ناس نفس جوه ويروح للاماكن اللي يحبها ورح يستانس حتى لو رايح للبر ولاتمشون على جو غيركم ونصايح بالاماكن لغيركم يمكن جوهم مو نفس جوكم