السلامووو عليكوووو حبايبي طبخات
ومساعدات ومتفرجات ومو فالحات خخخخخ :22:
امزح والله :07:
اليوم الله يسلمكم شفت وصفة وجنااااااات
للدونات ... وبصراحه كانت مررررره سهله وروووووعه
وحبيت اشاركم بهالوصفه الخفيفه وصورتها لأني لاقيت
موضوع وجنات امكن مافيه تفاعل كثير بسبب عدم وجود الصورة :11:
ولهالسبب في البدايه حابه اقول ان شاء الله
ان هالموضوع ما يزعل عزيزتي وجنات واذا زعلها احذفه من اصوله خخخ
و اقول لها الله يوفقك ويسعدك على هالوصفه
الحلوه ...
وهاي الصورة الله يسلمكم:
والوصف بصراحه ان الدونات هش ولذييذ
وخفيف وزي العسل ....
وهاي المقادير:
3 كوب دقيق
1 فنجال سكر ناعم
1 ونص كوب حليب سائل
2 م ص جبن سائل
1 م ص خميره فوريه
1 بيضه
نص كوب زيت وتقدرين تزيدين شوي اذا حسيتي ان العجينه جافه .. بس شوي
1 م ص بيكنج باودر
1 م ص فانيليا
الطريقه:
تجيبين وعاء زجاجي شفاف >> حتى تشوفين العجينه خخخخ
وتحطين فيه كل المقادير أعلاه ... وتبدين تعجنين تعجنين الين ينهد حيلك خخخخ
<< هالنذله خلت التعب كله عالشغاله :07:
وتترك لمدة ساعه ....
على قولتي قلت للشغاله
( خلي عجين نومي = ينام , وبعدين انا في جي وفي سوي باقي ترتيب خخخ)
ولما ترجعين بعد ساعه .. تصحين العجين خخخ اقصد تبدين
تزيتين يديك حتى لا تلتصق العجينه بيدك وتصيرين بحالة مصراعه حره :07:
وما وصيكم غسلوا يدينكم عدل مدل << لاااه احلفي !
وتشكليها على شكل دونات ... بصراحه هذي اصعب
مرحله .. بس الحمدلله عدت على خير ...
وتجيبين صحن عريض وكبير .. وترشين عليه
طحين وحطي عليه الدونات حتى ما يلتصق بالصحن وتصير سالفه ثانيه :22:
وتحطين داخل قدر عميق .. زيت كفايه وابدي ارمي
الدونات بس مو كلها يعني ثلاث ثلاث ... لأنها بسرعه تنجح وتحمر ... اخاف
لو طولتي تحترق !
وبعد ما تخلصين هالمهمه .. << والله كرهتيهم بالدونات! :01:
تجيبين صحن مسطح وتحطين كل مره دونت وحده
وتجيبين مشخل .. مادري وش اسمه اللي يكون فيه فتحات كثيره
واللي تصفين منه بقايا حبوب الشاي عرفتووه ؟...
اذا ماعرفتوه أسألوني وانا راح اصوره اسهل !
وتاخذين فنجال سكر بودره نااااااااعم وتحطين داخل المصفات << تغير المسمى عسى تعرفونه!
وتبدين تدقينه بإيدك << أجل برجلك!
حتى يتناثر السكر الناعم على الدونات
وهكذا ...
وسلامتكم وسلامة الحاظرين خخخخ
وان شاء الله يعجبكم واذا ماعجبكم تفاهموا مع وجنات مالي شغل !
انتظر ردودكم لا تسفهوني اتعقد ولا انزل
اي موضوع مسروق خخخخ
أحلى مافي الوصفه خفة دمك واسلوبك ......:27:
والله صرت اضحك بصوت عالي وخفت زوجي يسمعني ويقول واشفيها هالحرمه تخبلت .....؟؟؟؟؟
على العموم عندي سؤال في المقدار الثالث ماذكرتي إيش هوه اللي واحد كوب ونص سائل .....؟؟؟؟؟
ايش هو السائل ....؟؟؟؟وانا انتظرج علشان اريد اعمله لليهال لبكره ......:24: