دونااااتي الهشه ع ضمانتي لاتفوتكم .. اعرف انكم بتقولون مدح حريم مايتصدق ههههههه
بس صدق صدق امشي ع المكتوب وان شاء الله بتحصلين دونات مشابهه للجاهز بشكل كبييير
نبدا بالمقادير
3 كاسات دقيق كويتي
2 بيض
بيالة زبده سايحه
فنجال سكر بودره
3 ملاعق صغار خميرة
رشة ملح
ملعقة صغيره فانيلا
3 ملاعق كبار حليب بودر
نص كاس ماء او اكثر شوي
حطي النواشف اول بعدين السوايل واعجني بالعجانه او بيدك واتركيها تخمر 40 دقيقه
بعدين افرديها فرد بسيط وشكليها وخليها تخمر ثانيه ع ورق زبده او ورق شاورما علشان اذا شيلتيها ماتنشب فالصينيه وتروح نفشتها فقط شيليها بالورق واقلبيها ع يدك بخفيف وسلقطيها فالزيت وهذا سر من اسرار عمل الدونات واقليها في زيت غزير
الصوص عباره من سكر بودره وشوي حليب وشوكولاته بودره
وبالعافيه عليكم
الله يعطيك العافية والله اني هالايام مشتهية دونات مرررة