هلا بحوائيات ......
اليوم جايبه لكم طبق اكيد اغلبكم بيستغربه
الدونات الهشه بحليب الناقه
لاتقولون بيبين طعم الحليب؟؟؟؟؟
ذقتها عند وحده وهي تدري اني ما احب حليب الابل
وخلتني ابدي اعجابي في طعمها وهشاشتها وعقبها قالت لي مقاديرها وعجنتها قدامي
وجربتها في بيتي روووووعه >>>> ياكثر الهذره
المقادير :
3 ك طحين الكويت
ذرة ملح
1 فنجال سكر
1 فنجال حليب بودره ( ضرووووري يبعد نكهة حليب الابل )
2 ملعقة طعام خميره ( لاتنقصين ماراح تبين ريحتها )
1 ك حليب ناقه دافي
1 بيالة زيت
الطريقه ::
نخلط النواشف سوا وندفي حليب الناقه ونصبه عليها ونعجنها زيييين واخر شي نضيف الزيت
بتصير العجينه ماتلزق باليد وقاشيه نوعا ما
اقسى من عجينة الفطاير اللي انتو متعودين عليها حبتين
وتترك تخمر ساعه
بعدها نفردها ونقطعها ونتركها ترتاح ربع ساعه قبل القلي
وهذي صورتها بعد ماقطعتها
ولاتنسين تتركينها ترتاح قبل القلي
عقبها نقليها ونحطها على مناديل القلي
وهذا شكلها بعد ماقليتها
بعد ماتنشف من الزيت نصب عليها حليب محلى
او انتي وذوقك
صدقوني من بعدها صرت اتمنى احد يعطيني حليب ابل
بعد ماكنت اكبه الله لايعاقبني لاني ما احبه وعيالي مايطيقونه
والحين تعلمت كيف افرزنه
واسوي اكثر من شغله به
بس انتظروني
كل ماجاتني فرصه وسويت به اي طبق صورته ونزلت لكم طريقته
مثل اللقيمات وكريم كراميل ( اسميه دانيت بالشوكلاته لانك ماتفرقينه عن الجاهز ) وحليب بالموز لعيالي بدون ماتبين نكهته
وطبعا بنزل لكم طريقة تفريزه اذا ودكم
واي استفسار انا جاهزه
