حلا جديد ذكرته أختي لي زميلتها بالعمل مسويتها وانا ما قد شفته بعالم حواء فقلت لازم أسويه أنزله لأحلى عالم وعضوات
اللي دايما يتحفوني بالشئ الجديد والمميز بس اذا هو قد نزله أحد فالعذر والسموحه ما قد شفته >>قصة حياتي هههههه
هو حلا رائع في شكله وجديد في فكرته وطعم لذيذ
سميته دونات الأوريو
المقادير
واحد كوب حليب محموس
علبة قشطة
ربع اصبع زبدة
2 ملعقة سكر مطحون >>تقدرين تزيدين حسب رغبتك
6بسكوت أولكر بالسمسم
6بسكوت أوريو اللي تحتوي 6 قطع يعني 6*6=36 قطعة نزيل قشطتها ونطحنها ناعم مرره
علبة حليب محلى مركز
الطريقة
نذوب الزبدة ونخلط الحليب المحموس مع السكر والقشطة حتى يصبح لدينا خليط مثل زبدة الفول السوداني
الحين نأخذ قطعتين من بسكوت اولكر بالسمسم
ندهن قطعو منها بالخليط السابق ثم نلصقهم ببعض
ثم تغمسها بحليب نستله مع إضافة ملعقة ماء واحدة للتخفيف من ثقل الحليب
طبعا قبل نزيل القشطة من بسكوت اوريو ونطحنه ناااعم
نغطي حبات البسكوت فيه بعد ما نغمسها بالحليب المحلى المكثف
ثم نضغط على الحبات حتى يلتصق بها الأوريو بشكل ممتاز
وهذا شكلها
ثم نغلفها بأكياس التغليف >>اللي أموت فيها
يتبع
ونربطها بشريط لتعطي شكل أنيق
طبعا المقادير تسوي لك أكثر من 40 قطعة للمهتمين بالكميات
طبعا على حسب عدد البسكوتات المتكسره >>>كثير متكسر عندي
وهذا لأول وحدة ترد
بالعافية عليكم
إن شاء الله تجربونه ويعجبكم >>كل من ذاقة مرره أعجبة وقالوا عن خطير
*ملاحظة : طبعا موشرط تفتحين الفتحة وسط البسكوت ترا لو تسكرت بيكون أحلا
أختكم
جاري القمر
وطلب صغير من أختكم كل من شاف الموضوع يدعي ربي يوفقني بحياتي
ولكم مني أجمل تحية
وإلى إبداعات قادمة
طبعا حقوق الصور محفوظة لعالم حواء رجاء لا أحد ينقل الموضوع الا بذكر المصدر ..