دونات (الشيف رمزي) هش طري ومثل المطاعم +صورة

السلام عليكم ورحمة الله وبركاته
هلا بالحلوات الامورات!
اليوم عاد سويتلكم هالونات اللي اهلي حشروني اسويه!
سويته ايام رمضان وكان نفس المطاعم اللي تسوي دونات كبير ومنتفخ وهش!
المشكلة علمت البشكارة تسوي شراتي عاد يابتها غلط العجينة يابسة و محد كله من اهلي ويوم شفت الدونات طالعتها قلت ول يباله ضروس حمار عسب يناكل!
والمشكلة انعق خسارة بالزبالة محد داناه!

وانا اليوم طبخت حق اهلي الدونات قلت لازم بما اني استفيد منكم لازم افيدكم! :cook:

تاخر الوقت يله نبي ناكل!


المقادير يا حلوات:
4 اكواب طحين ابيض رقم 1 (طحين هو نفسه مال المعجنات)
1 م ك خمير
1 ونص كوب حليب
بيضة
3/4 زبده
1/4 م ملح
1/2 ك سكر بودرة

الطريقة:
نضع الملح مع الطحين ثم نضع الزبده المذوبة ونفركها مع الطحين
نصنع حفرة ونضع فيها السكر المطحون والخمير وندمجها ثم نضع نص كوب الحليب ونعجن
بعد ذلك نكسر البيضة مع باقي الحليب (بقي كوب) ونخلطه بعدين نحطه على العجينة ونعجن لمده معينة حتى تلاحظي ان العجينة متماسكة وطرية!
خليها تتخمر لمده نصف ساعه! -------------->ملينا يله نبي ناكل!
خلاص خلاص بكمل وامري لله!
على فكرة انا ما خليتها تنتفخ بسرعه سويتها لان كان اهلي مستعجلين عليها يبون ياكلون :06:



المهم وين وصلنا! :25:

هاتي العجينة وقسميها لعده اقسام!

انا قسمتها ل4 اقسام وبعدين قطعيها بقطاعه الدونات اذا ما عندج هاني فنجان قهوه و غطاء بيبسي او اي غطاء وتمي فردي العجينة وقطعي
طبعا خليها شوي لين ما تنتفخ! يعني لا تحطينها بالزيت اتريي شوي! :30:

بعد نص ساعه سيري هاتي تاوه (مقلاه) عميقه وترسيها زيت-----> مب تترسينها وتقولين قالتلي فديت علاوي :cook:


بعدين سخني الزيت يوم يتسخن حطي وطبخيها
بتلاحظين ان الدونات اول شيء تغرق بعد دقايق تسير فوق مثل الاسفنجة!!!
انتظري لين ما يصير لونها ذهبي !

بس هااااااااااا لا تحرقينها!

شو رايكم؟

الصورة: