!!!!!!!!!!!!!دونات ومش دونات!!!!!!!!!!!

السلام عليكم حريم ..

الوصفه هذي لا هي دونات ولا هي كيك ولا هي بسكوت

شكله دونات

وطعمه اذا رقيق بسكوت

وطعمه اذا سميك كيك مقرمش من بره

وطبعا من خميره فوريه بس بكينغ باودر .. وتقلى بالزيت

المقادير

2 بيض تخفق جيدا مع الفانيليا

نص كوب زيت ( بالكوب القياسي ) تخفق مع البيض

نص كوب سكر تخفق مع البيض والزيت

نص كوب روب او زبادي تخفق مع البيض والزيت والسكر

ذرة ملح
2 كوب طحين + بكينغ باودر تعجن مع باقي المقادير وراح تلاحظين انه لين فتزودين الطحين اشوي اشوي الى ان تحصلي على تماسك اكثر بس يتلزق بالايد .يعني تقريبا تزودين حوالي ربع كوب طحين او اكثر بشويه ..

تخلين العجينه ترتاح 5 او 10 دقايق ..

وتفردين العجينه ولازم ترشين طحين الاول علشان ما تتلزق
و تقطعينها مثل الدونات اذا حبيتي السماكه تكون خفيفه بتطلع بسكوت اما اذا خليتي السماكه نفس البيتزا بتطلع كيك هش من داخل ومقرمش من بره
وتقلينها في زيت حار ..
وترشين سكر مطحون .

وبالهنا والشفا