دى اقوالى وانا شاهدة عليها وراضية بتشجيعكم= كل واحدة تقولى اللى عايزة تقولة لنفسها

اليكم كل اقوالى السابقة :

اية رأيكم يا بنات لو كل واحدة عايزة تخسر الوزن الزيادة تدخل تكتب حاجات شجعتها على فقدان الوزن ولية عايزة تفقد الوزن الزائد والناس ازاى شجعتها وتكلمنا عن قوة الارادة والعزيمة والاصرار وكيف تتجنب او تقاوم اغراء الطعام اللى تحبة فى اثناء الريجيم والحاجات الجلوة اللى حصلت لها بعد ما فقدت الوزن الزايد
عايزين تشجيع يا بنات ... عايزينة يكون موضوع تلجأ لة كل من تعانى ضعف الارادة او ما شابة ويفشلها الريجيم ... كان نفسى ابدأ بالكلام لكنى محتاجة تشجيعة باستمرار
--------------------------------------------------------------------------------------------------------
ارجوكم تساعدونى ارادتى ضعيفة كل ما ابدأ ريجيم ابطلة بسبب عدم التزامى واقول النهاردة بس هالخبط وبكرة خلاص
شجعونى ........ ارجوكم ......... عندى بطن كأنى فى التاسع وارداف كبيييييييييييرة ومش راضية عن شكلى ونظرات الناس ... وبالذات اللى كانوا سمان وفقدوا وزن ... وجوزى ....... ساكت لكن من أن لآخر يرمى كلمة ..... ( انت ماعنكيش ارادة تعملى حاجة ) ......... ( شوفى فلانة فقدت وزن ازاى ؟! ) ومن دة كتير
بصوا انا عارفة ان الريجيم الكيميائى وحش لكن عايزة بس اعملة اسبوع او اتنين لغاية ما اشعر ان فعلاً وزنى بدأ ينقص وبعد كدة امشى على ريجيم عادى
اللى حالتها مثلى ياريت تشاركنى ......
--------------------------------------------------------------------------------------------------------
انا بقى عايزة حل فى شهيتى
كل ما اشوف اكل باحبة ماقدرش اقاوم
عايزة حل
--------------------------------------------------------------------------------------------------------
لو كنت قبل الحمل جسمك رشيق ومتناسق وعاجبك .... طيب ما تيجى نرجع مع بعض للوزن قبل الحمل
لو متشجعين يبقى نبدأ مع بعض من الغد وكل واحدة تختار الريجيم اللى يناسبها والمدة اللى هاتعمل فيها الريجيم

على فكرة وزنى الحالى 85 وطولى 153 يعنى وزنى المثالى 55 تقريباً لكن وزنى قبل الحمل كان 62 وهو دة اللى باتمنى اوصل لة يعنى حتى لو بقيت 65 يبقى كويس ... تفتكروا ممكن انزل 20 كيلو كم وزنى فى شهرين ؟
المطلوب من كل واحدة هاتشترك انها تقول لنا على :
• الوزن اللى كانت علية قبل الحمل
• الريجيم
• الرياضة
• المدة
• الاسباب اللى هى عايزة من اجلها تفقد الوزن
• اى نصيحة هى شايفة انها ممكن تفيد بيها باقى المشتركين.

انا هاكتب كل بياناتى مع اشتراك اول واحدة حابة نفسها ومش عايزة السمنة تقضى على حياتها
--------------------------------------------------------------------------------------------------------
بقالى سنين وكل ما ابدأ ريجيم ابوظة بسبب انى مش عارفة اتحكم بشهيتى ومرة علشان عندى الدورة (مرة واحدة من سنتين عملت ريجيم 3 ايام ورياضة واستمريت علية ونزلت 3 كيلو ) عندى كل حاجة تشجعنى استمر ... زوجى لما يعرف انى ابدأ ريجيم يجيب لى كل لوازمة وكمان جاب لى فى البيت stepper ودائماً يقولى قوى ارادتك وانت هاتكملى ... انا كمان مش باشتغل ... قاعدة فى البيت مع ابنى الصغير ... كل كل كل حاجة تساعدنى اكمل الريجيم عندى ......... بس حاجة تكسف فعلآ ... وزنى قبل الحمل كان 62 والآن بعد سنتين ونصف اصبح وزنى 81 ..................... مش قادرة افكر !!!!
--------------------------------------------------------------------------------------------------------
بصوا بقى بدون كلام كتير عن المحاولات الفاشلة فى السيطرة على شهيتنا وعدد السنين اللى ضاعت والمواقف المحرجة جداً اللى تعرضنا لها وعدد المرات اللى كل شوية نقول فيها بكرة هابدأ الريجيم دة ... كل واحدة زى كدة كل ما تقول هابدأ تيجى ارادتها الضعيفة تضحك عليها وتخليها اضحوكة وسط الناس من كتر ماهى سايبة نفسها تزيد وتزيد فى الوزن لغاية ما بقت هى نفسها مش قابلة شكلها و آآآآآآآآآآآآآآآآآآآة مننا ومن هبلنا .... ربنا مدينا كل حاجة تساعدنا واحنا مش راضيين نستخدمها ... عقل .. صحة .. ارادة ... افكار .. برامج ... ناس يحبونا ويشجعونا ............ لالالالالالالالالالالالالالالا لالالالالالالالالالالالالالالا لالالالالالالالالالالالالالالا لالالالا اسمحولى دا يبقى اسمة اية ؟؟؟؟؟؟
من دلوقتى - من ساعة ما تقررى - انك تبدأى نظام غذائى وكل ما يتعلق بة .... يبقى لازم تلتزمى بية ......... ربنا مدينا الارادة علشان احنا نستخدمها لخيرنا ولانتحجج بها ونقول ارادتى ضعيفة ............. ربنا خلقك ارادتك قوية .. انت اللى عايزاها ضعيفة !!!!!!!!!!! عيب اوى علينا ......... نبطل بقى الفجعة فى الاكل والاكل عمال على بطال وخصوصاً اوقات الزعل والفراغ
ياللا اللى عايزة تبدأ ، تبدأ وتشجع اللى حواليها وتكون ايجابية وعن نفسى راح ابدأ من دلوقتى مع انى صاحية من النوم (بعد الظهر ) وحاسة انى داخلنى برد لكن ان شاء ربى سوف لن اتحجج بدور البرد هذا واقول اصلى باخد مضاد حيوى واصل جسمى مكسر مش هاينفع اعمل تمارين ..... سوف ابدأ ريجيم باللى هاقدر علية ... ممكن دلوقتى نظام اكل بس ولما دور البرد يخلص ابدأ تمارين
ومش هاقول شجعونى زى كل مرة ومش هابدأ غير لما حد يبدأ معى .... لااااااااااااااااااااا .. المرة دى انا باقول ربنا يقوينى وابدأ واشجع اللى لسة ماتشجعش !!!!!!!!!!!!
--------------------------------------------------------------------------------------------------------
شوفوا بقى
بدون مقدمات كتير ... كتبت موضوعات كتير قبل اليوم وكلها طبعاً عن نفس المضمون ( عايزن نخس ) وكل مرة قبل البداية تيجى ظروف غير طبيعية
المهم جوزى خلاص فاض بية وربنا يستر علية من كتر صبرة على
نفسى ندخل المنتدى بعد كدة نقدم خبراتنا ونكون خسينا فعلاً
وزنى النهاردة 80 وطبعاً عايزة اخس
يالا مع بعض كل واحدة حرة فى ريجيمها ... تعالوا نحافظ على صحتنا وعلى شكلنا وعلى اهتمام ازواجنا بينا وعلى ثقتنا بنفسنا ... بصوا بقى ... انشاللة ... هاتخسوا يعنى هاتخسوا ... بسرعة نلحق نفسنا قبل ما يفوت الاوان !!!!
تحبوا تكتوبوا ريجيماتكم ... براحتكم !!!
يومياتكم ... انفعالاتكم ... خسارة وزنكم ... نظرة الناس والزوج ... الصحة ( يارب ديمها علينا نعمة)
الدور عليكى
==========================================================
باعترف انى مذنبة فى حق نفسى وحق زوحى وحق اولادى
وارجو من عدالتكم توقيع اوقع مساندة لى ... التشحيع و المساندة ( بشرط الاستمرار) ليس لى انا فقط ... كل واحدى زيى كدة (انا متأكدة اننا كتير) مانسيبش بعض بعد رد او اتنين (ممكن نكمل على الخاص حتى) المهم مانسينش بعض قبل ما نخس ونستمر بعد كدة بردو اصحاب

مستنية اقوالكم !!!!! ( على ان تبدأ فترة الريجيم فى اقرب فرصة)