مجنونة قطر @mgnon_ktr

كبيرة محررات

ديروا بالكم على عيالكم .. بنات قطر .. خاصة .

السلام عليكم ..

بنات ابي اقولكم سالفه :

امس في الليل رايحين الكورنيش صوب الالعاب قلنا بنتمشى وبنخلي عيالي يطالعون اليهال وهم يلعبون ... خبركم امس الجو كان وايد حلو
المهم واحنا ننمشي في النزله مكان المشي مب الرفعه ع االحشيش ّ!
شوي الا نشوف ريال ( اعتقد باكستاني او بلوشي ) يركض وهو رايح صوب الشارع .. قلنا شعنده ذي يركض وخبركم الشارع ( خط سريع ) و السيايير ما توقف فيه .. شوي وتطيح عيني على ياهل بو سنتين او 3 سنين يمشي في الشارع و يقوم ريلي يبي يلحق عالصبي مع الريال وسبحان الله طاف سياره و طاف الثانيه شوي الا ....... طاااااااخ ... وتخبطه سياره والله يابنات قلبي وقف .. ما استوعبت اللي صار شوي الا الريال ذاك جاب الولد و حطه عالحشيش الا امه جات و بس تصرخ ( يالهوووي يا لهوي )و شكله ماكان معاهم ريال تقريبا كانوا 4 - 5 حريم انا هني قمت انتفض ومادري شلون شلتني ريولي ورحت لين هناك .. ولا انا بالعاده اوقف وما اقدر اتحرك .. يوم رحت الا الياهل امه تقلبه يمين ويسار والدم يطلع من حلجه و من خشمه . الا ريلي يقولها لاتحركينه يمكن فيه كسر ولا شي خليه وو تعرفون -ام- خلت راسه على حضنها .. .. وانا ما في لساني الا لاحول ولاقوة الا بالله لا حول ولا قوة الا بالله وجسمي يرتجف وحراره تطلع من جسمي مع الجو بارد .. حسيت اني مب قادر اوقف جان يغمى علي وانا ارتجف وريلي على باله انا من اهلهم لانه ما شافني وانا اطيح مالتفت الا على شنتطي عرفها وقومني ووو انا ميته من النفضه و الصياح ياربي اول مره اشوف موقف جذي الله لا يكتبه على حد .. مب قادره انسى صوت الضربه ولا شكل الياهل .. امس كلش ما جاني نوم من كثر ما شريط الموقف ينعاد في مخي
خايفه اتصل المستشفى واسأل عنه اسمع عنه خبر مب زين الله لا يقوله ويقومه انشالله بالسلامه ..

ديروا بالكم على عيالكم .. و خاصه صوب الكورنيش ... المكان مفتوح و السيايير مسرعه ..

المشكله حتى في داخل الفرجان العالم يسرعون بسييايرهم .. يعني ما يراعون لا يهال ولا غيره ..

بغيت اقولكم السالفه عشان تتحذرون وادعوا حق الولد ان
الله يقومه بالسلامه انشالله .و يصبر اهله ... والله منظره كان يعور القلب ..

الله يقومه بالسلامه انشالله .و يصبر اهله
الله يقومه بالسلامه انشالله .و يصبر اهله
الله يقومه بالسلامه انشالله .و يصبر اهله

يلزم عليك تسجيل الدخول أولًا لكتابة تعليق.

تسجيل دخول

حورية 2006 • 17 سنة

يقومه بالسلامه انشالله .و يصبر اهله
الله يقومه بالسلامه انشالله .و يصبر اهله
الله يقومه بالسلامه انشالله .و يصبر اهله

ريماااااااااااس • 17 سنة

اذا تقصدين البدع ..فعلا المكان مكشوف على الشارع العام ولا فيه سور اوشي يردع الاطفال اللي هم اكثر حركه وتهور..واذا اروح هناك اكون على اعصابي لين ارجع..لان الشارع لافيه مطبات..والسيارات ..خرط ..الله يقوم ولدها ويشافيه

hh40 • 17 سنة

يقومه بالسلامه انشالله .و يصبر اهله
الله يقومه بالسلامه انشالله .و يصبر اهله
الله يقومه بالسلامه انشالله .و يصبر اهله

حسبي الله عليه وش يبغي بالبزر؟؟؟؟؟؟؟؟؟؟؟؟؟

همس الغروب2006 • 17 سنة

رانيا الخبر • 17 سنة

الله يقومه بالسلامه ويفرح نظرة امه فيه