مساء الخير والورد لاحلى امهات وشلونكم ووشلون كتاكيتكم الصغار والكبار

الغنادير + جلنار


تقبل الله منا ومنكم صالح الاعمال وتسلمون حبيباتي كلنا بخير ولله الحمد

وبالنسبه لرحلتنا مشينا يوم السبت العصر ووصلنا الطايف الساعة 1 في الليل واخذنا شقة فيها عشان نريح وانتم خابرين المسافة ماهي بسيطة قلنا نريح وندخل نسوي عمرتنا واحنا نشيطين وماجاء العصر من يوم الاحد الا وانا منتهين من العمرة الله يتقبلها . والحمد لله مع ان الوقت اللي خذنا العمرة فيه عز القايلة الا ان ربي هونها وما درينا عن الحر وهذا من فضل ربي

ومشينا لجدة (وفي بالي ان اربع سنوات اللي ماشفتها فيها وهم يقولون جدة غير انها صارت صدق غير) واخذنا بها تقريبا يومين بس مانبسطنا فيها حتى يوم رحنا لشاطئ ابحر والعيال متقطعة قلوبهم على البحر وتوهم يقولون بسم الله وبيطبون البحر الا وخفر السواحل بالمكرفون ماغير يصارخون>>> ياولد اطلع >> ماادري وش السالفة >>> ورحنا للشاطئ اللي بالحمراء نفس القصة وهذاغير ان البحر مليان طحالب ماادري هم مانعين الناس من هالشواطئ من زمان ويبونهم غصب ياخذون شاليهات <<<
غير هالبياعين اللي يببعون المرض للناس ولااحد شايفهم

بعد اللي شفناه عزمنا انا نمشي لابها لانها هي وجهتنا من الاساس ووصلناها ليلة الاربعاء وجلسنا فيها حوالي اسبوع وماشاء الله على ابها وجوها اول يوم طلعنا السودة وماشاء الله امطار وبرد لدرجة ان الارض صارت بيضاء كان ولا اروع ويوم الخميس ماشاء الله الامطار والبرد صار من نصيب مدينه ابها وباقي اليام جانا فيها مطر خفيف بس يعطي الجو شكل ولا اروع

ياريت من يجيب جو ابها للرياض

ويوم وصلنا الرياض ودخلنا البيت ولقينا الدنيا تبوخ من الحر تندمنا على انا جينا ( انكر العبد رجليه هههه) بس اللي حدنا ان دوا م بو العيال السبت

ولي عودة

امهات وينكم تراكم خوفتوني عليكم

ادخلوا وطمنونا عليكم

مرحبا بأحلى أمهاااات

شخباركم

وشفيكم عسى ماشر ماتبينون :(

هلا السحاب الماطر شخبارج حبيبتي والحمدلله على سلامتكم شوقتيني أشوف أبها

جلنار هلا حبيبتي الله يعطيج العافيه وزين أنج بديتي تجهزينها من ألحين عشان ماتضايقين على اخر الوقت والله يبلغج فيها وتجوفين عيالها
وتصيرين جده :22:

هلا والله فيك حبيبتي واش اخبارك واخبار عيالك

الا صحيح ماقد جيتي ابها والله انها تستاهل العنوة خاصة للناس ماتبي تشوف المناظر اللي مش ولابد ماشاء الله براد وخضرة وامطار وخاصة السودة ويالله من فضلك وتصدقين مع اننا سكنا وسط ابها الا ان الجوفيها رهيب لدرجة ان الشقة لا شغلنا فيها لا مكيفات ولا حتى مراوح

جلنار

وشلونك اختي ووشلون العيال وش القصة ؟؟؟ تدرين انا توني جايه من اربع ايام وكني فهمت ان بنتك بتعرس ماشاء الله ؟؟ كذا والا انا غلطانه !!!!!
عموما مبروك والف الف مبروك الله يوفقها يارب ويسخرلها ربي زوجها وجعله يحطها جوهرة بين عيونه