لا امهات شخباركم وشخبار عيالكم بدون استثناء


انا الحمد لله ريم بخير الحين صارت تنتبه اذا احد يكلمها وتبتسم وتضحك بصوت وتحب تشوف سبيس تون بعد :)
بس ما تحب انها تنبطح او تقعد من نحاول نقعدها تمد رجليها تبي توقف حتى لما اسبحها تسوي لي حركات والله اني اخاف تزلق من يدي
فهل تنصحوني استخدم لها المشايه او للحين ؟؟

مرحبا امهات ان شاء الله كلكم بخير

وحده حلوة

أنا مثلج عندي ماشاء الله خمس عيال اكبرهم بنت عمرها عشر واصغرهم بعد بنت


فاندا

حبيبتي صبري لين اتكمل بنتج السادس وبعدين حطيها في المشاية يكون احسن

انا انتظر بتني اتكمل السادس مع اني خايفه عليها لان حجم بنتي وايد صغير اللي

يشوفها يعطيها اقل من عمرها

صبــــــــــــاح الخيـــــــــر

شخباركم خواتي كلكم بدووون أستثناء وكيف احوالكم واحول عيالكم

أم طلال ولين

الله يعطيك العافيه أنا بعد لولو احس انها تمسك أذونها وتسحبها اخاف رجع لها الألتهاب الي بذونها " الله يشفيهم ويشفي جميع مرضى المسلمين "

بنات طمنوني عن تطعيم أربع شهور عساه خفيف على الطفل وخاطري احط تراجي حق لولو بس متى السن المناسب ؟؟؟

هلا غندوره انا بنتي خرمة اذنها وعمرها 50 يوم احسن لانها صغيره ومل تحس بالالم ذاك الزود وام طلال حسب ما قالت خرمت اذنها وهي بالمستشفى اول ما ولدوها يعني احسج تاخرتي عليها

مرحباااا بنوتااااتي حبيباتي...

كيفكم وكيف الاطفال معاكم....

انا والله مشغوله مع جوجو والاختبارات ....

انا ناويه باذن الله اأكل بنتي بعد ما تكمل الشهر الرابع....

على بدايه الخامس راح اوكلها اشياء خفيفه ولما تدخل السادس راح ابدا اوكلها جد.....

ودي انزل صوره جوجو بس مو عارفه شلون