السلام عليكم حبيبات ئلبي

ودي اكون وياكم دايما مثل زمان بس خبركم الحال تغير دوام ورجال ومشاغيل بنتي الله يحفظها يادوب الاقي لي وقت لنفسي والله.. بس الحمدلله..

بنتي شهوده ولله الحمد كملت 5 شهور امس، اكلتها فارليز من ثاني يوم من الشهر الرابع كالعاده قطعه لها وقطعتين لي :10_8_9: ، وبعدها عطيتها خضار جزر وبطاطس وبوبر وكوسا،، امس شريت لها ميلوبا الرز مكتوب عليه انه من عمر 4 شهور..

وبنتي دايما تحوس باذنها قالوا لي يمكن التهاب، البارحه خالتي حطت لها قطره زيت زيتون والحمدلله اشوفها افضل.

علي صيام 8 ايام من شهر رمضان،، صمت 6 ايام بس قطعتني الدوره باقي يومين والله يقدرني اصومهم قريب.

بنات قبل مانسى، صايره فيله :10_8_10: اخاف اروح اوزن وانصدم من وزني، بس كل اكلي حلويات توني انتبهت لنفسي لي يومين وصرت اخفف حلا قد ماقدر حتى السكر بالحليب خففته، وطلعت اشتري لي ثياب جديده أوسع :icon28: .

جرح الورد موفقه بالامتحانات ان شاءالله وانا بخير دامكم بخير، وان شاءالله يلتم شملك مع زوجك ويحن قلبه عليك وعلى بنته وتطيب حياتكم مع بعض يااااااااااااااارب..

خلوقة الغاليه ، الله يشافي بنتك ان شاءالله وتشوفيها سليمه معافاه باذن الله.

بك استجير،، النور نورك حبيبتي كيف حالك مع الامومه.

جلنار،، مبروك ماجاك ولو انها متاخره ربي يحفظها ان شاءالله وتشوفيها عروس

rose_bah مشكوره حبيبتي على الدعوه الحلوه

الغنادير، هلا اختي الحمدلله صرت ما استغني عن بخاخ ماي البحر والحمدلله جاب نتيجة

fhh30، الله يعينك اختي على ما ابتلاك ان شاءالله ينصلح الحال ويتعدل نومه يارب

رحيق الزهور، هلا حبيبتي عجبتني المرجيحه وين الاقيها؟

ام طلال، هلا حبيبتي والله انا اتابعكم لما افضى، خبرك دوام ارجع العصر انام اخذ بنتي بالمغرب يادوب اجهز العشا واحيانا اطلع مع سي السيد واشغال البيت من كنس وغسل احس ماخذ وقتي كله ولا انتوا بقلبي والله..

لك روحي،، الحمدلله على سلامة بنتك انتبهي لها زين، وان شاءالله الله يعديها كل شر. و انا ماكنت اعطي الشغاله بنتي ابدا إلى ان كمل عمرها شهر واسبوع تقريبا حسيت اني تشبععععت عذاب نفسي مع السهر صرت اصحيها بالليل تكمل مشوار السهر مع بنتي وانا انام، والحمدلله كانت تنام عندها بسرعه شكل بنتي ملتني ههههههههه بس وش اسوي . وياارب تكون شغالتك طيبه وماتتعبك.

ميس الريم
هلا وغلاااااااا عاش من شافك تصدقين الخاينات مادريت عنهم الا بعد مده من فاندا والحمدلله على طلتك الئمر يا ئمر

كمبوجه، حبيبتي والله قطعتي قلبي شوي وابكي وانا بالدوام،، الله يخلف عليكي مصابك يالغاليه ويهون مرضك ويعطيك في كل خطوه سلامه ان شاءالله بتعيشي وبتزوجي ولدك وبتشوفي اولاده واولاد اولاده ان شاءالله،، وكلي امرك لله بيده كل شي وماخاب من ارتجاه،، قلوبنا وياج يغاليه...


بخليكم الحين واشوفكم على خير باذن الله جميع واعذروني سلامي لكم جميع بدون ذكر اسماء،، عساني مانحرم منكم....

ام شهد

يســــــــــــعد صبــــــــــــــــاحكم

شخبارك يأمهات وجدات المستقبل وشخبار البزوره معاكم

<<< وايد تعجبها كلمة البزوره :)

دمعة الجوري

أختي عادي خمس مرات وهذا مايعتبر أسهال الله يسلمك ، بس أهم شي رضعيه عدل وشبعيه وماعليه إلا العافيه

جلنار30

هلا ومرحبا بك الله يعينا على امتحانات العيال ، الله يوفقهم وينجحون إن شاء الله

nm99

هلا اختي ياحلو قلبتك لراسي احنا خوات ومابينا تقلب ، أستخدم نان 1 الذهبي
نان H A
وبخصوص الصوت الي فالصدر اعملي لها بخار ماي السيلان بدون دوا قبل النوم عشان ترتاح ، ومافي أحسن من علج اللبان تنقعينه بماء دافي وعقب تحلينه بسكر نبات وتعطينه البيبي وبالشفاء، بنتي الحين أربع شهور ينفع أخرم اذنها

ميهاف

هلا بك اختي نسأل الله ان يجمعنا في الجنه واهم شي قبل التطعيم عطيها خافض حراره مثل ماقالوا البنات والله يحفظها ويوفقك

Pasta ، wa3ad

خواتي عادي بعد الولادة والرضاعه تعتفس الهرمونات ، بعد القيصريه تأخرت علي الدورة وجاني بعدها نزيف قوي وخفت بس قالوا لي عادي والحمدلله


أم طلال و لين

هلا باختي الغاليه كان الله في عونك وعونا على التطعيمات ، الحمدلله ان لموري أحسن بس وديها عشان تطمنين والله يشفيها ويعافيها

~دااانه~

هلا الله يسلمك ويسلم غاليك


om_abadi

هلا اختي الحال من بعضه دوام وتعب واكل بدون معنى ،،، بحاول أكل بنتي هالأسبوع

<<< أدري اني ملقوفه بس ياريت ماتزعلين مني :(
لازم أقولها عشان ماتكون بقلبي

و انا ماكنت اعطي الشغاله بنتي ابدا إلى ان كمل عمرها شهر واسبوع تقريبا حسيت اني تشبععععت عذاب نفسي مع السهر صرت اصحيها بالليل تكمل مشوار السهر مع بنتي وانا انام، والحمدلله كانت تنام عندها بسرعه شكل بنتي ملتني ههههههههه بس وش اسوي . وياارب تكون شغالتك طيبه وماتتعبك

حرام ليش تخلين بنتك تنام عند الخدامه ، ماتدرين يمكن تكون تعبانه وتبي تنام وماظن أحد يستحمل لعيال مثل قلب امهم وتحط حرتها فيها ، مهما ان كانت طيبه ريحيها وعطيها البنت بالنهار أما فالليل لازم تكون جنبكم أضمن لك

والحمدلله كانت تنام عندها بسرعه

ما أشكك بالخدامه لكن ماتدرين شيصير عشان البنت تنام بسرعه

أتمنى اني ماضايقتك بكلامي

أسفه

مرحبااا يا بنات....

كيفكم وكيف الصبيان والبنات؟؟

ام شهوده وينك والله لك فقده.....

بنات انا بنتي راح تكمل 3 شهور يوم الجمعه باذن الله وتدخل الرابع....

اقدر ابدا اعطيها شي والا لسه تو الناس عليها؟؟؟

امس اشتريت لبنتي بربتوزات شتويه تجنن .....

اراح تصغر ملابسها ولسه ما جا الشتا الصدقي .....

انا شفت مطحانه عند سيتي بلازا صغيره مرره تجنن

راح اصير اشتريها واخذها معي وين ما اروح عشان اسوي فيها اكل بنتي....

انا ما احب اخلي بنتي تناااام عند احد غيري....

لأني احس مافي احد يستحمل يقوم من النوم الا الأم ...

ابوها وهو ابوها ما صحى عشانها .....

مره كنت رايحه زواج وبرجع بالليل متأخر ... خليتها تنام عند اهلي مع الشغاله....

بس خليتها تنام هي والشغاله في غرفه اختي....

عشان تكون تحت مراقبه اختي.. مع ان الشغاله تحب بنتي....

لكن احسن شي الاحتياط

هلا وغلا بك لك روحي

شخبارك وشخبار بنوتك الله يحفظها

الملابس الشتويه تجنن أخذي مقاس أكبر شوي أحسن

لولو لما خلصت الشهر الثالث حطيت لها ربع بسكوت فارليز بالرضاعه ومرات احط ملعقة سيريلاك القمح

اي والله انا لو اموت من التعب زوجي يقول أنا ماعرف لها وهي صغيره أذا كبرت يصير خير :(