om_abadi :

السلام عليكم يسعد مساكم جميع شخباركم وشخبار عيالكم ان شااءلله كل اموركم طيبه البارحه شهد ماخلتنا ننام، وانا كنت امس كله مشاوير علشان شغالة امي بتسافر اليوم ووديتها تتسوق امس دار راسي ليما خلصنا... ماظنيت احط راسي على الفراش بنام،،، شهوده نيمها ابوها لانه ماعنده دوام اليوم وانا انخمدت نص ساعه الا صاحيه لنا كانها نايمه نوم الليل كله،، تبي تلعب وانا النوم ذابحني،، المسكينه كان الزكام وايد مأثر عليها... ايه بالمره بنات بسئلكم نصحوني اوديها العياده علشان يحطوا لها مثل الخرطوم بفمها علشان يسحب الوسخ من صدرها تنصحوني فيه؟؟؟ وحده نصحتني تقول ودت بنتها صحيح صارت تبكي وايد وقتها لكنها استفادت وطلع كل الوسخ بصدرها بس عاد بنتها اكبر عمرها سنه،، شهود ياعمري خمس شهور ، احد فيكم جرب؟ بصراحه ودي اروح وخايفه عليها.. * * * * * * * * * * الغنادير هلا وغلا حبيبتي ابدا بالعكس ولا اتضايق ولا شي، بس انا اللي صابني كان انهيار والله وقتها،، لاني كنت بروحي وياها لا نوم ولا شي، ماكنت أسهر امي وياي ابدا، واللي زايد علي اني ماحب نوم النهار،، لما تنام فيه احاول انام بس مايجيني نوم تخيلي رغم التعب.. علشان جذي لما كنت عند امي ويطلع الصبح ومانامت بنتي كنت اخلي شغالتها تنيمها والحمدلله هالشغاله أمينه ، واللي كانت تسويه انها تحمل بنتي وتدور بها بالغرفه - لانها تنام ويانا بنفس الغرفه لما كنت ببيت اهلي علشان كذا تكون قدام عيوني لغاية ما انام - علشان جذي صارت تنام بسرعه، وانا مالي نفس احملها وادور بها من التعب،، ظلت فتره بنتي تعودت على هالدواره بالغرفه لكن الحمدلله بعدين تحسن وضعها.. وانا رغم ثقتي الشديده بهالشغاله، الا اني ما أمنت على بنتي عندها الا بعد شهر.. وحتى ما اخليها تحملها بالمره بس وش اسوي اضطريت خصوصا اني ماقدر اقوم امي تنومها كفايه عليها معاناه وياي. ولما رجعت شقتي وكنت احيانا للصبح ما انام فكنت اتصل للشغاله تجيني وتتولى تنويم بنتي واخليها بالصاله ، واصورها بكاميرا الفيديو (خاشتها بين التحف داخل مكتبة التلفزيون) والحمدلله ماشفت منها الا كل خير، كانت تدور ببنتي تنومها وتجيبها عندي وتمشي. * * * * * * * * * * لك روحي اهلين الغاليه انا بخير بس خبرك مشاغل ، ايام الحمل رغم الثقل ما نستغني عن الكمبيوتر بس الحين ندور وقت نريح فيه والله ،، بالنسبه لاكل بنتج مب الحين، انتظري لما تكمل عمرها 4 شهور بالضبط وبعدين أكليها،، انا عطيت بنتي اكل بثاني يوم من بداية الشهر الخامس.. ولا يغرك كلام البعض لما يقولوا اكليها من ألحين، ياحرام المعده للحين صغيره عندها ما تستوعب،، هم يقولوا انهم يعطو عيالكم وياكلوا عادي، بس المشكله ماتظهر الحين تظهر بعدين بالكبر عافانا الله واياكم.. * * * * * * * * * * fhh30 ان شاءالله تفرج عليك حبيبتي وينصلح الحال ياااااااارب * * * * * * * * * * Campoocha هلا يالغاليه الحمدلله على السلامه، وسمعي نصيحتي لك أجلي الاكل لبعد شهر لما يكمل ولدك بالضبط اربع شهور لانه للحين صغير عمره بس ثلاث شهور وكم يوم،،، وهذا كلام الدكتوره ماهو كلامي لما كانت تقولي ماتلاحظي انه فيه ناس كثيره توهم صغار وعندهم مشاكل بالمعده، هذول كانوا امهاتهم يأكلونهم في سن صغيره اقل من اربع شهور،،، الله يحمي ولدك من كل شر ان شاءالله.. انا خواتي حاولوا فيني ياكلوا بنتي من نص الشهر الرابع مارضيت الا لما كملت بالضبط اربع شهور ويوم زياده بعد،، وبذاك اليوم سووا لي حفله كلهم كانوا ينتظرونه بس علشان يكسرون شوكتي ههههههههههه . * * * * * * * * * * رحيق الزهور هلا عيوني، مشكوره يالغاليه وانا الحمدلله بخير وشهد خف سهرها الحين ولله الحمد ماعدا البارحه كانت مستقعده لي بس الحمدلله سي السيد بيضها واخذ مشوار السهر عني :) * * * * * * * * * * جلنار30 بخير يابعدي جعلك دايما بخير :) * * * * * * * * * * جرح الورد النور نورك يا ام احلى حنين :) * * * * * * * * * * سلامي لكل الغايبات والحاضرات وان شاءالله تكونوا دايما بخير وصحة وسلامه

السلام عليكم يسعد مساكم جميع شخباركم وشخبار عيالكم ان شااءلله كل اموركم طيبه البارحه شهد...