ديـــــوان الطفـــل.^_^.لمناقشه مشاكل الطفل.

الغنادير • 21 سنة

:04: ياهلا ومرحبا بكم

صبحكم الله بالخير والسعاده

شخباركم حبايبا قلبي شمسويين

أنا تعبت وأنا أحاول أرقد لولو تحب تنام فيدي ولمن انزلها فراشها بكل هدوء تفتح لي عيونها :04: ويرتفع ضغطي :mad: مب عارفه شاسوي :(

الله يكون في عونا

FANDA • 21 سنة

مرحبا مامات
شخباركم وشخبار عيالكم

البارحه رحت السعوديه عشان اشوف اذا في ملابس حلوه للعيد لريمي وارتكبت غلطه في حق نفسي وحق البشريه تدرون شنو؟؟؟؟؟؟؟؟؟ظ

اخذت ريمي معااااااااااااااااااااي

واااااااااااااااااااااي ذبحتي الله يحفظها طول ما احنا في السياره وهي راقده ومن وصلنا المجمع قعدت وبدت تزنزن وما تبي العربه ظل ابوها حاملنها طول الوقت وهي مستانسه تشوف الاضواء و الناس بس من نردها عربتها ترجع تصيح

صراحه احبطتني لاني كنت ناويه اروح الكويت في اجازة العيد بس بعد الي صار ................................ مستحيل

والادهى انها ردت رقدت في طريق الرجعه ومن وصلت البيت قعدت شبعانه نوم وتبي تلاعب و الله استخفيت قمت اكلمها اقول لها ماما عليها دوام الصبح لازم تنام وعشان تنام لازم انتي تنامين بالاول ......................>>>> قالو لك بنتك الطفله المعجزه الي بتفهم عليك

الغنادير • 21 سنة

هاهاهاهاها :D

حالي من حالج فاندا دوم اكلمها على انها تفهمني وبالذات فالليل اذا مارقدت وأبوها وخواتي يضحكون علي أقولهم شدراكم يمكن تفهمني

أنا كنت بروح السعوديه وهونت وعقب ماسمعت قصتج حرمت :09:

Pasta • 21 سنة

الغنادير :

هاهاهاهاها :D حالي من حالج فاندا دوم اكلمها على انها تفهمني وبالذات فالليل اذا مارقدت وأبوها وخواتي يضحكون علي أقولهم شدراكم يمكن تفهمني أنا كنت بروح السعوديه وهونت وعقب ماسمعت قصتج حرمت :09:

هاهاهاهاها :D حالي من حالج فاندا دوم اكلمها على انها تفهمني وبالذات فالليل اذا مارقدت ...

الله يشفى عيالكم يارب

دانه .... بالنسبه لفتق السر في شيكو تنباع مثل اللزقه مربعه تنحط على السره
اسألي عنها لاني استخدمتها لبنتي كانت تقريبا عندها نفس المشكله بس مو فتق بعيد الشر

والله مشاكلنا تقريبا متقاربه شكل اليهال ماينامون الا في احضان امهاتهم
لاني ولدي مايحب سريره ومرات عشان اقدر انام احطه على كرسيه وينام على طووول اما سريره لا والف لا :icon33:

* بحرينية منامية * • 21 سنة

مرحبا بالامهات الحلوات الحبوبات :D
وحشتوووووووووووني ..

بنات ابي اسألكم ولدي عمره شهر و4 ايام يوم ولدته كان وزنه 2.770 والحين وزنه 4 كيلو
تحسون اوكي لو شوي ..

بك استجير .. فرحات .. كمبوجه .. آنه بعد ولدي فيه زكام ويطلع صوت من صدره
احس فيه بلغم ويشخر ساعات واستخدم له ماي وملح ومااحس منه فايده
لكن الحمدلله ولدي مايرجع الله يعينكم على اولادكم

كمبوجه .. للحين ماطهرتي ولدج آنه طهرته وافتكيت من زمان ..

باقي البنات شخباركم مع السهر والتعب ..
آنه الحمدلله ولدي اعتدل نومه يقعد مرة وحده بالليل يرضع ويناااااااااام بروحه على فراشه
لاني عودته من ارضعه انزله من حضني لان في البدايه تعبت معاه يبي له ساعتين في حضني لين ماينام ومن يوم استخدمت اللهايه ارتحت وااااايد صار ينام بروحه وآنه ارتاح في نومي :)