سلام لكل الامهات
شخباركم وشخبار عيالكم

اول شي مشكورين على دعئكم لميمي والحمد لله اليوم هي احسن ...... الاسهال بعده ما وقف بس خف شوي

بقول ليكم القصه كامله
يوم السبت الصبح حسيت ريمي مزكومه شوي وقليل صايدتها كحه ما عطيت الامر اهميه قلت تغيير الجو الي مو عارفين له كل يوم شكل قلت بس بخيها بالبيت عشان ما تتعرض للهوا
يوم الاحد نفس الشي ما زادت حالتها والاثنين الصبح ما فيها شي بس بعد المغرب مره وحده ارتفعت حرارتها فقلت لزوجي خلنا نوديها الدكتوره ........ ورحنا وديناها للدكتور الي اتابع لها معاه وفحصوها الممرضات وعطوها ادول للحراره ودخلنا على الدكتور ومن خلاها على السرير عشان يفحصها وبدت تصيح وتصيح الين ما رجعت ........... واااااااي على اللي رجعتها ثيابها كلها توصخت وعباتي والدكتور وارضية الغرفه كاااااااامله وكله بلغم الي طلع واني لما شفت جذي صحت على بنتي بس الدكتور قال لي عادي هذا البلغم كان مضايقنها والحين لما طلع بترتاح كتب لنا مضاد(اوجمنتين اذا مو غلطانه) 4ملم ودوا للبلغم ورحنا البيت وعطيتها الدوا يوم ثاني الصبح وقف الترجيع بس الحراره والزكام بعده ويوم يوم الثلاثاء والاربعاء كلش كانت زينه مافيها شي بس شويت كحه
بس يوم الخميس صادتها انتكاسه مفاجأه من الصبح بدت ترجيع واسهال اي شي يدخل بطنها ترجعه حتى الماي الين الضهر وداها زوجي وامي الى دكتورها مره ثانيه (لاني كنت بالدوام) ولا قالولي اصلا انها مريضه ولما شافها الدكتور قال من قال لكم تعطوها 4ملم هذي جرعه اكبر من سنها المفروض بس 2 ملم ....... هذا الشي سبب لها اضطرابات معويه حاده قالولههذا الدكتور الي مناوب عندك بالعياده هو الي وصفاه لها
واهني زوجي عصب عليه واشلون تسوون جذي وانتو مو دكاتره وانتو بتقتلون الناس
المهم ردو بها البيت والا حالتها تزيد على الساعه 3 العصر بعد ما رديت من الدوام خذيناها طوالي على الطوارى لانها صارت ذبلانه مره ما تقدر تحرك عمرها
والاخس الدكتور الي بالطوارى ما فحصها ولا شي ساعه واحنا ننطر ولما شرف قال لنا اش بيها قلنا له ترجيع وحراره واسهال قال للنرس حطو لها مغذي ......... انزين يا ولد الحلال شوفها افحصها قال سوو لها فحص دم (يعني احنا الي نعلمه شغله)
ويات النرس تحط عليها المغذي وتسحب الدم وهي تصيح خبت المستشفى كله من صياحها واني اصيح معاها
الين ما طلعت نتايج الدم انها زينه قال خلاص رجعو بها البيت وعطانه لها ادريه .... راويته الي عندي قال زينين لا تغيرينهم
المهم ضلت على هذي الحال يوم الخميس ويوم الجمعه كله ترجيع واسهال وصخونه وطبها احنا من دكتور للثاني وكل واحد يقول لنا شي
يوم السبت وقف الترجيع الا يبدي معاها اسهال قوي والله بدون مبالغه خلال ساعه وحده 7 مرات غيرت لها الحفاض وجلدها تصلخ وصار احمر
وردينا وديناها المستشفى قالو هذا في جرثومه بالجو وهي الي مسببه لها الاسهال .....انزين شنو الحل؟؟ قالو ما نقدر نعطيها شي يوقفه لان لاوم تطلع الجرثومه وما راح تطلع الا بالاسهال
جربنا لها بروحنا بالبيت نشا ماي عيش موز ولا شي فاد معاها
تمس باليل قل اشوي وان شاء الله اليوم يوقف عنها لانها خلاص ما عاد فيها قوه ضعفت وااايد والحفاضه صارت كبيره عليها وصارت شاحبه

هذي قصت ريمي خلال اسبوع ادري طولت عليكم بس السموحه

فاندا
سلامة بنتك الله يشفيها حسبي الله على هالدكاترة المهملين

خلوقة الغالية

هلا وغلا وحشتينا لاتطولين الغيبه ، قلت بخليه يغيب كم يوم راحه ونقاهه باخذ أنا معاه إجازه عشان نغير جو وشرايك

لوليا

حبيبتي أهتمي لحالك قبل لا يتضايق زوجج أكثر حاولي تنظمين وقتك اذا نام ولدك تزيني ورتبي المكان شوي على الأقل يكون مرتب ونظيف
بخصوص طيبة قلبك الزايده قسيه على اللي يحتاج تقسين قلبك معاهم وبالتوفيق ياأختي

أم طلال ولين

اسأل الله العظيم رب العرش العظيم يثبت لها وتحمل ويرزقها بالطفل اللي تحلم به وتفرح وتقر عينها بشوف ويرزق كل محروم يارب

ننتظرك يالغاليه

imay

هلا وغلا بك الله يعينا قلوبنا ونفسياتنا بنرضي من ولا من زوجنا عيالنا نهتم لنفسنا واهلنا الله يقدرنا على الخير

جرح الود

هلا ومرحبا بك شخبار وشخبار بنوتك الله يحفظها

دااانه

حزنتيني على الولد الله يشفيه ، المفروض نحاول نمسك نفسنا عند الغضب ولاندعي على عيالنا
شخبارك انتي وشخبار محمد ومهند ؟؟ حبيبتي بخصوص التطعيمه طعمت جبر وعطوه إبره وبعدها بشهر إبره ثانيه
وقالوا ان هالتطعيمه بعد 10 إلي 15 يوم أحتمال تصخن الطفل ، بس الحمدلله جبر ماصخن عليها توكلي على الله وطعميه

$ YaaaY Me $

هلا ومرحبا بك معانا أختي سألي وتدللي وإن شاء الله نفيدك

هل تغيير الحفاظه كل ما يوسخ ويتبول ولا كيف ؟؟

الحفاظ كل ماوضخ بدليه وإذا كان اعزك الله بس بول تقدرين تخلينه كل ساعتين وإذا كان نايم تنتظرين لين مايصحى وتبدلينه

الرضعه كل كم ساعه أشربه ولا كل مايصيح ؟؟؟؟

حبيبتي في البدايه خلج على الرضاعه الطبيعيه ، ورضعه وحده صناعيه عشان ماتواجهين صعوبة إنه مايتقبله بعدين
وكمية الرضعات وكميتها موجوده على علبة الحليب حسب سن الطفل
المفروض ساعتين بين الرضاعات او ثلاث ساعات لكن إذا صاح البيبي وتحسينه جوعان رضعيه

التحميم كم مره بالأسبوع ؟؟؟؟

على حسب الجو اذا صيف يوميا أو يوم ورا يوم
بالشتاء تحممينه كل يومين او ثلاثة أيام وتراعين المكان دافي وكل الملابس جنبج وتلفينه بسرعه عشان مايتعرض للهواء

أسمع انكم تسون رضعات تمر ومويه و حركات تريح بطنه من الغازات
هل هالرضعات تسونها قبل الأربع أشهر ؟؟؟؟؟؟؟ ما تأثر على معدته ؟؟؟

اليانسون يوميا رضه باليوم أونص او أونصين
والطريقه أنج تحطين ربع ملعقة شاي يانسون في ماء دافي لمدة ربع ساعه او اكثر بعدين تصفينها وتشربينها البيبي وتقدرين تحلينها بسكر نبات

التمر بعد مايكمل الشهر تسوين له منقوع التمر تنقعين تمره وحده في أونصين ماء دافي ربع ساعه وتهرسينها بالملعقه وتصفينها من خلال قطعة قماش وتشربينها البيبي فالليل تشبعه

وبعد شهرين تقدرين تخلطين اليانسون بالتمر

والله يسهل عليج وبالتوفيق حبيبتي

FANDA

سلامتها الغاليه ريم حبيبتي عند اي دكتور تودينها ، عندج في المستشفى الدولي دكتور حراز وايد ممتاز ومسوين عرض تشتركين سنويا ب 25 دينار ويعطونج أسعار مخفضه
بس دكتور رائع ويطمن القلب وداومي عند دكتور واحد لاتناقزين من دكتور لي الثاني

أما اخبار لولو الحمدلله صارت أحسن بس الكحه شوي مغربلتها و لازم نداوم على الأبر والدواء والبخار لي يوم الأربعاء يشوفها الدكتور ويطمنا عليها

البنات المختفيات وينكم طمنونا عن حالكم قلبنا عندكم

"ام رنا 2007" هلا حبيبتي الحمدلله ارتفعت لكن على الخفيف بس اشوفه ماله مزاج ويوم اشيله دايما مسند راسه واليوم يوم وصخ تكرمين كان بطنه سائل .. مادري والله تقوللي امي بداية تسنين يمكن .. طمنينا على اخبار الصغاريه ..

"الغنادير" كل الناس الصبغه تنشف شعرهم الا انا من اصبغه يدهن ويلزق بالراس عافانا الله .. ابي احنيه والله بس مادري متى واحس الجو جنه بارد شوي ولا اشرايج .. والزيت ودي بس بشرتي دهنيه والدكتوره ما تنصحني ادهن شعري .. الحمدلله اللي نفعتج الفيتامينات والفال لي ان شاء الله .. سلامة لولو حبيبتي ما تشوف شر ان شاء الله طمنينا عليها .. والله يشفي زوج البحرينيه شو بلاه؟

"][" هلا الغاليه والله ما عندي فكره توني اول ولد وطعمته تطعيمة الاربع شهور ان شاء الله البنات يفيدونج ..

"rose_bah" هلا الشيخه .. والله الحمدلله صار شوي احسن من قبل الهيه بالالعاب وارضعه بس لازم يسويلي الشويتين وصياح وحفله ..

"خلوقة الغالية" العمر كله لك ان شاء الله والله يخليلك عيالك يا رب وحلو انه انتي وعيالج سنكم قريب عشان تصادقينهم .. الله يساعد الاخت ايماي هي اللي تسأل متى البيبي يمسك الرضاعه حليلها تعبت .. طمنينا عن طيف ان شاء الله احسن؟

"لوليا" ما عليه حبيبتي هم الرجال الله يهداهم فيهم انانيه شوي واحنا يالحريم حساسات حبتين بس ان شاء الله توصل الشغاله وتشيل عنك الشغل وتلتفتين لعمرج وبيتج وزوجج .. اخبار كنان؟

"أم طلال و لين" الله يثبت حملها يا رب وتقر عينها بولد ولا بنت تستانس فيهم ان شاء الله ..

"ايماي" اشدعوا ما تسئلين عني ؟!! زعلانييييييين انا وعبادي خلاص ..

"جرح الورد" ما عليش حبيبتي حاولي تكسبينه مو تخسرينه ..

"~دااانه~" لا حول ال والله عورني قلبي عليه فعلا لازم الواحد يتعوذ من ابليس وما يدعي ابد .. الله يساعدج على تطعيمهم .. انزين لا تودينهم مع بعض خلصي من واحد بعدين ودي الثاني احسن ..

"$ YaaaY Me $" الله يتمم لج على خير ان شاء الله .. وما شاء الله عليها (ام محمد) دانه وام جبر (الغنادير) ما قصرت كفت ووفت ..

"FANDA" ما تشوف شر ريمي وسلامتها الف سلامه حبيبتي .. ما عليه تحملي كله اجر والله يشفيها ان شاء الله ..

"بك استجير" تعالي عاد وبسج دلع ..

"بحرينيه مناميه" الله يشفي بو عيالج ويخليه لج ان شاء الله ..

"الشوووق" وين هالغيبه .. طمنينا عليج وعلى حمد وشوق ..