اهــــــــــــــــلين امهات شخباركم؟؟؟؟ وشخبار عيالكم؟؟؟؟
انا آيـــــــــــــــه بخير وتسلم عليكم

جلنار خوفتيني لمه قلتي ان نقط الغازات تسبب امساك.. انا استخدمها لبنتي وبنتي تعاني اساسا من امساك .... الله يستر علينه
بك استجير.... سلامة حصة وما تشوف شر انا لمه احمم آيه ما اكون بروحي اخاف لازم اسحب معاي احدب الحمام احسها صغيره واخاف تزلح من يدي.... الله يحفظ عيالنا من كل شر

كمبوشه.... سلامة ولدج والله يخليه لج

امهات لما تسبحون عيالكم سبحوهم بكرسي اللي بشبك خاص حق السباحة
تحطين البيبي فيه وتربطينه بحزام بدون مساعدة من احد وسهل وآمن.....

rose_bah
النقط فيه اطفال تسوي فيهم امساك وفي اطفال ما تسوي فيهم شئ وانا واخواتي دايما نستعمله
حق عيالنا ....

مرحبا امهات

اليوم رحت العياده وخذت لي حبوب منع الحمل

بشروااااااااااااا من فيكم حمل خخخخخخخخخخخ امزح لا تعصبون

السلام عليكم خواتي يارب تكونوا وعيالكم بخير وصحه وسلامه ان شاءالله

والله فرحت على هاللمه الحلوه من جديد مشكوره حبيبتي بك استجير

الغنادير مشكوره يالغاليه، وانا بديت نظام صارم مع بنتي ويارب يفيد لاني طفشت اروح الدوام نايمه ساعه ساعتين ومايشوفوا مني الا بوزي مفتوح على الاخر اتثاوب كل شوي واحيانا ماقدر اتحمل استاذن علشان امشي ارقد .... بس الحمدلله وجودها وسهرها وتعبها ولا عدمها :)

سمعيني خلينا نجرب سوى انا صرت اسبحها الساعه 10 الى 10 ونص كل ليله بعدين رضعتها رضعه كامله وانا بعد كل رضعه تقريبا اعطي بنتي شاي ميلوبا اعشاب بالبابونج ولا الشمار، ارتاح له وايد.. عن الغازات. واحاول عل وعسى تنام ومرات كثيره يفيد وياها هالشي،، بس خبرج الحين داخلين على الشتا وين اقدر اسبحها كل يوم.. هالنظام نامت فيه بنتي ثلاث ليالي والحمدلله ارتحت.. لكن البارحه مانااااااااامت ذبحتني مسكينه كانت زكام ذابحها وبلاعيمها ملتهبه تنام شوي وتصحى، اكثر من عشر مرات بالليله تخيلي.. وانا من يجيها زكام اوديها المستشفى يحطون عليها بخار علشان يطلع الوسخ من صدرها والحمدلله.. اليوم وديتها وشويه صارت احسن.. والقطور مال الخشم ما استغني عنه ابدا.

برب بنتي تصيح وانا اللي اقول بكتب رد وبرجع انام ... :16:

om_abadi

هلا العفو حبيبتي حاضرين ، الله يعينا على نوم البنات لولو مجننتني ماتنام إلا الساعه وحده وشي ، طبعا نوم متقع من عشر نصحتني صديقتي بشراب اليانسون بجربه وأعلمك أكيد زكمت من السبوح لأن هالأيام بدا يتغير الجو أخاف أسبحها في هالجو الله يحفظهم

أم طلال و لين

هلا بج يالغاليه نبغي حل لطلال وجبر الله يهداهم ويحفظهم :(

وعلمينا طريقتك للسيطرة على بنتك عشان ماتصحى بالليل الله يوفقك عشان نجربها