السلام عليكم خواتي شخباركم يارب تكونوا بخير

بنتي البارحه طلعت لي قرون من الزكام ذبحها كل شوي انظف خشمها ومافي فايده لين ماجتها النومه قريب اذان الصبح..

اليوم ابوها شرالها بخاخ من الصيدليه اسمه STERIMAR يحتوي على ماء البحر والحمدلله اشوفه فاد وياها شويه مع ثاني استخدام.. سبحتها لانها موسخة جسمها بالترجيع،بماي بارد شوي، لبستها ودهنت صدرها بزيت زيتون دافي ورضعتها ونامت ماشاءالله.. بكتب لكم بسرعه وارجع اخمد قبل ماتصحى،،، اسمع اصوات تنفسها واصوات غريبه مادري وشي :(

ام طلال
حامل بعينك ههههههههههههههههه زوجي يقولي عملتيها يابنت شنو بعملها بروحي، بس الحمدلله ابشركم اليوم نزلت وانا ماخليت روحي رحت بحلل بالمستشفى امس بس الدكتوره قالت لي انتظري شويه،، والمانع حاليا العزل الطبيعي..

وماشاءالله تبارك الله انشالله تظل على طول على هالنظام والله يحفظها من العين وعقبال عندنا، انا غلطتي بنتي ماعودتها على اللفه الا اسبوعين ثلاثه تخيلي، ماكانت تبي كان جسمها دايما حار يعرق وترفض اللفه من الحر خبرك ولادتنا بعز الصيف، والحين نادمه والله لاني حاولت بعد الاربعين ارجع الفها مارضت، وانا مالي مزاج اتعارك وياها.... لكن تعلمت الضيفه او الضيف الجاي اربطهم غصبا عنهم.... مسكينه شهوده عاشت تجاربي فيها بس دايما البكر جذي..


جلنار
مشكوره غناتي على الدعوه الحلوه، ومثل ماقلت لك احيانا ينعدل واحيانا لا،، بس الحمدلله هالايام احسن من قبل، وانتي وش جبتي بنت ولا ولد نسيت..

فاندا
من اليوم كنت بكنسل اسبحها بالليل خصوصا والجو برد اليوم مره،، لكنها رجعت على ثيابها واضطريت اسبحها والحمدلله ماشاءالله نامت بعد مازعجت الفريق..


تو بنزل الرد وذكرت ايام تنسيق الخط والالوان والله صارت ذكرى يالله تصبحون على خير حبايبي

ياحبي لكم والله اشتقت لكم واجد
كنت خارج الرياض مع أهلي في كشتة 3ايام والله وناسة بس باسل نكد علي ماأرتاح أبدا بس يبكي وقلق الآن أنا تعبانة ومرهقة من قل النوم وإن شاء الله لي رجعة بس حبيت أسلم عليكم وأشوف أخباركم

مـــــــــــــــــــــــــــــــــــــــــــــــــــــــــــرحبا............
شحـــــــــــــالكمـ ..؟؟ إنشالله كلكم بصحــــــــه وعافيــــــــــه... والله يعينكمـ على عيــالكم.. ويجعلهم من الذريـــــــــــــه الصالـــــــــــــــــحـه...

جلنـــــــار..

الحمدالله بنتى ارتاحت على هالنقط ..وماسوالها امســــــــــاك...

كمبوتشا...

انا اعطي بنتى 10 نقاط... انا قريت التعليمات الي تي في الكرتون..=======> العروس جاهزه بس تتريا انكم تيبون المهر خخخخخخخخخخخخخخخخخ

rose_bah

هلا حبيبتى......والله كلامج صحيح المفروض لازم يكون حد معاج لما تحممين البيبي...بس تصدقين لين الحين كل ما اتذكر لما بنتى بغت تختنق قلبي يعورني..مش راضي يخوز عن بالي ..واخاف يتكرر معاي الموقف ...بس ابغي اعرف في هالحاله لما البيبي لو سمح الله اختنق شو الاسعافات الاوليه؟؟

دمعه الجوري...

شكلج ناويه على عمرج.؟؟ تسالين منو حامل...========> بيشنون عليج الحرب خخخخخخخخخخ


ام طلال ولين..

والله حلو تحممين انتى والبيبي مع بعض ..........خبريني لمار تغاغي؟.؟ وشو حركاتها؟؟ وشو تعطينها عن الغازات؟؟ يقولون البيبي لما يعدي 3 شهور يروح الغازات عنهم؟
وابغي اعرف جدول الطفل يعني في الشهرين شو حلاكاته؟؟ وفي الشهر الثالث شو يسوي؟؟ يعني ومتى يحبي ؟ ويمشي ؟ ويتجلب!!

ام عبادي
مرحبا مليووووووووووووووووووو^___^وووووووووون
والله نور الديوان غناتي بوجودج...اشتقنالج....والله يعينج الصراحه تعب خاصه لما ماتلقى وقت تنام...تدرين ان بنتى الحين الزكام فيها من شهر !! لحد الحين ماراح..

بحرينيه

هلالالالالالالالالالالالالالالالا..ووووووووووووووووووينج؟؟ لهدرجه مشغوله هههههههههه

فندا

المفروض الحين بنتج اتنظم نومها.....حاولي تنظمينه..

جرح الورد

هلا عنوووووووووونــــــــــى... احنا بخير وعلى حطت ايدج ..بعدنا مع معاناه الغازات والزكام ...


باستا.؟؟؟؟
ووووووووووووووووووووووينـــــــــــــــــــــــــــــج؟؟؟ انقرظتي؟؟


خلوقه...

والله منو قدج!! تروحين تكشتين =====> حاسد الفقير على موتت الجمعه

هلا ام حصوص شخباركم

ترى الموقف الي صار ليج صار لبنتي باول اسبوع رجعت فيه البيت بعد النفاس و الخس ان ماي وصابوب دخل حلجها ......... قامت تطلع فقاقيع وعيونها تفتحها على الاخر خفت و الله وعلى طول اتصلت على ام زوجي لانا معاها بالبيت وخليتها تجي تشوف اش فيها

وبخصوص نوم بنتي اعتدل صار له فتره يعني صدق انها تتاخر بالنومه بس ما تقعد بالليل بس من شهر رمضان تغير سستمنا في النوم وتغيرت معانا والضاهر الحين بادي معاها الم التسنين من جذي ما تنام عدل.................>>>> كل ما نقول افتكينا من شي يطلع لنا شي ثاني

مرحبااااا امهات
ام عبادي
هلا وغلا
يبت بنوتة حلوووووووة وسميناها حصة على عمة ابوها.......
اليوم ما نمت الا ساعة او ساعتين قاعدة تصيييييييح ما تبي تسكت عطيتها دوا الغازات
وماي مع سكر نبات وبعدين سبحتها والحين اشوى هدت وتبي تنام الله يهديها........