بصراحه من كثر الأعمال المعروضه بالديكوباج وخصوصاً أختي ماكو أسامي ما شاء الله عليها أبدعت في هذا المجال وبعض الأخوات من دون ذكر أسماء على شان ما حد يزعل مني إلي تشجعوا يخوضون هذي التجربة
شجعوني إني أجرب وهذي أول عمل سويته ويا رب ينال إعجابكم وأتركم مع الصور
طريقة العمل:
أول شيء نظفت الفخارة زين من الغبار وبعدين جبت غراء أبيض وخففته شوي بالماي
ودهنتها وخليتها لحد ما نشفت وبعدها جبت اسبريه (بخاخ) لونه أحمر ورشيتها بالكامل
وخليتها تنشف بس للأسف وفي هذا الوقت طاحت وانكسرت شوي من تحت بس ما قدرت
أتخلى عنها قلت أكملها وأحاول أسوي بالكسر حركة تغطي عليه
وجبت لون أصفر مع شوية أبيض وبرتقالي وخلطهم مع بعض وهو ماركة أكريلك
وبأسفنجة صرت أسوي ضربات على الفازه ضربات خفيفة وتركته لحد ما جفت الألوان
وبعدين جبت أوراق المحارم إلي مرسوم عليها وشلت الطبقات إلي تحته إلي لونها أبيض وقصيت على حسب الرغبة
وحطيت كمية غراء وصرت ألزق الورود وبعدها أمشي عليها بفرشاه ناعمة على شان
تروح كل فقاعات الهواء وأحط فوقها طبقة من الغراء كثيفه وأتركها لحد ما تنشف
وإن شاء الله ناويه أدهنها بطبقة من power on على شان ما يأثر عليها الماي
وأبغي رايكم بكل صراحة