شحالكم خواتي
حبيت اليوم اعرض عليكم شي من اشغالي اليدوية
وهو ديكور الجدار
اتمنى انه يعجبكم
هذا ديكور الجدار
وباقي الصور على هذي الوصلة
http://forum.hawaaworld.com/showthread.php?p=20587300#post20587300
وهذا شرح للديكور
الديكور عبارة عن كراتين
احتجت للعمل
الكراتين الكبيرة مالت الثلاجة والغسالة والمكيفات
مشرط ( شفرة ) ( موس ) لتقطيع الكرتون
غراء ابيض
ورنيش
صبغ ذهبي
ماي وحوض كبير
قفازات
الطريقة
قطعت الكراتين بشكل عشوائي مثل الصخور بحجم كبير
وعبيت البانيو ( الحوض ) ماي
تركت الكراتين فترة الين ماتشربت الماي
وفصلت الاجزاء عن بعض لأن الكرتون عبارة عن 3 قطع
جزئين في الخارج وجزء داخلي متعرج
الكراتين طبعا بتكون رطبة مبلله
تخففين الغراء الابيض مع الماي
وانت لابسة القفاز تدهنين الجدار فيه و تلصقين قطع الكرتون قطعة قطعة
وبهذي الطريقة كرتونة كرتونة وتمسحين كل الاجزاء خاصة الاطراف
وبعد ماتخلصين
كل الاطراف تصبغينها بالفرشاة والصبغ
ولما تخلصين تدهنين بالورنيش على الصبغ
من أخطاء عملي
ان الغراء ماكان كافي عندي
امكان تلخبطت والورنيش كان وايد ثقيل في هذا الوقت ماكان عندي تنر
بتقولون ليش مارحتي وشريتي وبعدين كملتي
مااحب أأخر الشغلة اللي اسويها لو اموت من التعب لازم اواصل الين ما اخلص
والمحلات وايد بعيدة عن منطقتنا
اتمنى الشرح يكون واضح
واسفة لاني ماصورت طريقة العمل
ودمتم سالمين
بس ياليت الجلسة فاتحة