حفظ الله صاحب الغرفه ابداع الصراحه
مرأإأإحب
ع الجميع صبايا
دووغري نخش بالسالفه والهرجه ..
هذا سلمكم الله سفرتنا وتكنسلت بعد فعل فاعل
والطفش وصل لـ اقوى حالاته < في الرياض اكيد ما لك الا الطفش
المهم وانا اذا دخلت غرفتي تجيب لي الكتمه زيادهـ
الا واصحى ذاك اليوم من فجر الله < لأنه نام قبلها من المغرب
وطن في بالي ازين غرفتي .. وانا اللي اطلع بجيب عامل واشتري البويات
بعدها قلت ليه عامل انا ازينها بنفسي واشتري سطول البويه وادز للبيت
واروح اطلع كل اللي في الغرفه >> خارج الغرفه
وهذي صورتها واهي سابقا وبويتها سابقا ..
وهذي العدهـ حقت الشغل < حتى الكاب موجود
طبعا البدايه كانت النصيحه الالوان
وبديت الشغل على هالنصيحه < والا في بالي الوان ثانيه ..
وهذي صورة بعد كم خط ..
ولما وقفت كذا اتمقل في الجدران واتذكر وش احط اثاث وكذا ..
الا واقول بلى نصايح بلى بطيخ < ما عجبته الالوان ..
واعيد العمل بـ الالوان اللي ببالي
وهينا بعد ما صبغت الجدار الاحمر كامل وكم خط
تحسونه كاتم بس صبركم انتظروا للأخير !
تشوفون الكرسي < ترى هذا سلمي هههههه
وهينا لما اكتملت الخطوط في احد الجدران والخطوط اسمها
وهذا الجدار المقابل و يعذرني الاخ اني اقتبست الفكرهـ منه
عجبتني والله < والسعوديين يصلحون مع بعض
المهم هذي صورته اثناء العمل
وهينا الادوات اللي استخدمتها < بعد ان عقيتها
واستخدمت 14 لزاق < ويالله كفت
بعد ازالة المخلفات
تابع .....
والحين بعد الترتيب والتأثيث والزبرقه
بعرض لكم الصور من كل الجهات والزوايا ..
هذا الورد المجفف عباره عن فواحه < تحمس في التعبير
لا جد والله الورد مع العطر حقه من محل اسمه في سوق لوكلايزر
بصراحه الروائح والعطورات اللي عندهـ احلى من نكتار وذي بودي شوب وطقتها
ادخل عليكم من هنا ..
وهينا اقول لنفسي
امممم
* العمل خلصته بـ 3 صباحيات كل يوم من 6 لـ 12 فقط
واكتمال الاثاث بعد 3 ايمام ..
* الشغله يبيلها طولة بال الصراحة لأن وزنها صعب ..
* تحس بأنجاز لما تخلص غير لما يكون العامل مشتغل ..
واللي يبي نزورهـ ونشتغل له ما عندنا مانع !
اراكم يا المماليح ..
بـ حفظ الله
منقول
شو رايكم بالابداع ماشاء الله تبارك الله