ديكور وافكار لغرفة الجغرافيا والاجتماعيات

:06:

ما هقيتكم تخذلوني

مل اظن اني استبخلت عليكم في شي

ليش تستبخلون علي بأول طلب وىخر طلب
:(
بصراحة زعلتوني:(:44:

حياج الله اختي ولا تزعلين من البنات يمكن ماعندهم خلفيه واانا بعد مثلهم بس بقولج من تخيلي للفكره ,, وعلى فكره زوجي مدرس اجتماعيات وكان عنده نادي اجتماعيات بالمدرسه وكان مقسمه لعده اقسام حسب الدروس واذا تبين راح اسأله يمكن يعطيني افكار لج

واذا تبين افكاري المتواضعه . مع اني مادري اي مرحله تدرسين ؟ اذا كانوا صغر فخلي مساحه الخيال اوسع

بما ان انتي بتشتغلين في صف ولتعليم فليش ماتخلين كل طوف مثلا بالغرفه يتلكم عن درس معين او حضاره معينه او حتى خرايط اذا بالتحديد للجغرافيا وذلك عن طريق الرسم ثلاثي الابعاد يعني لما يطالعه الطالب كأنه بدخله غير انج تقدرين تتعزين الصف بالوسائل وهذا شي تقليدي وحتى السقف استغليه برسم ظاهره طبيعيه مثلا عليه او عمل مجسم سواء لطوف او السقف
علقي اعلام دول الخليج مثلا واعلام الدول العربيه وكل عليم كتبي عليه او يمه اسم الدوله عشان يحفضونه بسهوله
هذا الي جه على بالي الحين وانشاءلله اسألج زوجي وارد عليج

ولا تزعلين يالغاليه :24:

اشكرج جدا يا زهـــــــــــــــــاري
وستانست وايد
وما قصرتي بأفكارج الحلوة
وانشاء الله انفذ الصور الثلاثبة الأبعاد
والاعلام ... وبالنسبة للمرحلة اللي ادرسها
الصف الرابع والخامس
ويا ليت تسألين زوجك بما انه مدرس اجتماعيات
اتوقع ان بكون عنده افكار حلوة
وان فب انتظار ردك على احر من الجمر لا تتأخرين علي
وألف شكر يا زهاوي
:26: :26: :27: :26: :26:

لموضوع لا يحتمل تأجيل ساعدوني

سامحيني اختي اذا تأخرت عليج

سألت لج زوجي وتقريبا افكاره مشابهه لأفكاري مثلا قالي عن الرسم على الجدار لبعض الظواهر الطبيعيه وبجدار ثاني خريطه البلد وقالي ان تخلين قسم للأعمال المميزه من الطلاب نفسهم وقسم لأنشطة الطلاب وهو اعتمد اكثر شي على اعمال الطلاب وشغلهم وقالي بعد عن سالفة الاعلام وانا قلتها لج ,, ليش ماتسألين الطلبه نفسهم يمكن يفيدونج خصوصا الي بصف الرابع ترى الياهل خياله اوسع من الكبير بس عاد لا يحولونها لغرفة العاب:17:

والله يوفقج