هلا وغلا بالغاليات

شخباركم؟؟؟

مشكورين كل اللي صوتوا لأسم البنوتة وخلاص إذا الله راد وطلعت بنت راح اسميها لمـــــى مثل ما اخترتوا لي :) لأني انا بعد كنت مقتنعة باسم لمــــى أكثر من ضحى...

يزاكم الله خير

بوسي،، الحمدلله على سلامة بو عيالج،، وعن العشا سويله خفايف والمنتدى ماشاء الله ما يخلى من الأفكــــار سواء في الأكل والذي منه..

رحاا،، بسم الله على حبيبي عموري،، الله يحفظه ويبارك لج فيه يااااااااارب،، لا تنسين تحصنينه بآيات الله العظيمة وربي يحفظه من أعين الأنس وأنفس الجن..

أم فودي،، منزل مبروووك ان شاء الله،، ننتظرج يالغالية،، الله ويــــاج

فرفورة الطائف،، الله يسمع منج ويطلع اللي ببطني ولد ونسميه بالأسم اللي اخترناه له من 4 سنين آميين..

نوف الحربي،، الله يعينج ويا عيالج وامتحاناتهم بس لا تقطعينا واااايد

سحايب،، صح انا سمعت ان الحامل إذا رأت ان الدم ينزل منها،، فهذا معناته انها تلد غلاماً والله أعلم.. الله يرزقج ويرزقنا بالولد الصالح

هموسة،، هلاااا والله شخبارج وشخبار العرايس اللي عندج..؟؟


والغايبات عنا رشرش،، خمورة،، ام التوفي،، شويكار،، عيون مودي،، وينكم عسى المانع خير...؟؟

هلا والله بنضم لكم اخيرا جاني انترنت والله يجزاها خير ام توفي دلتني عليكم

سلام


هلا وغلا ... شامة على الخدود ... كنت على بالي ... كيف الغربة معاك ؟؟؟ عسى كل شي تمام ؟؟؟ والله اني متوترة مرة وما انام ... لأن زوجي بيسافر فرنسا قريب وبيخليني مع هال:30: خخخخ ... وبيرجع ياخذنا معاه بعد انتهاء الدراسة .... افكار مشوشة من ناحية مدارس العيال !!


أم شما .... وحشتيني يا الغالية ؟؟؟ ووحشتني سواليفج .... عسى النونو بخير (يا قلبي عليه ) .... افتحي الماسنجر وتمقلي في صورة حمودي خخخ حتى تتوحمين عليه ويطلع النونو ولد !!!!!


poce ...... كيف ابو ليان ان شاء بخير ؟؟؟ ربي يفرج عنه ..... وكيف الأميرة وحركاتها ؟؟؟
بالنسبة لأطباق سهلة وحلوة .....
هذا طبق لذيييييييييذ دايم اسويه .... بس ما عندي له اسم ....

مكرونة صغيرة مسلوقة او بدلها بطاطس مسلوق ومهروس
صدر او صدرين دجاج مسلوق ومقطع
فلفل أخضر ( فليفلة )
جزر مبشور
مشروم مقطع
بصلة شرائح
مكعب ماجي او قليل مرقة الدجاج
بهارات وقليل ملح
2 فص ثوم مبشور ...
جبن كاسات مثل بوك او المراعي

صفي طبقة المكرونة بصينية فرن او رصي طبقة البطاطس (مثل ما تحبين )
حطي شوي زيت وقلبي البصل والثوم ثم باقي الخضار والماجي وتبليه بالبهارات ثم حطيهم على طبقة المكرونة وحطي بالملعقة كومات صغيرة متفرقة من جبن الكاسات ودخليها الفرن .....

وصفة بيتزا سريعة ... خذي توست وازيلي الحواف وحطيها بالتوستر تحمير بسيط فقط ثم امسحيها بشوية صلصلة بيتزا او كاتشب ورشي فوقها الجبن وحطي شوي زيتون مع مشروم وفلفل اخضر ودخليها بصينية بالفرن الى ان تذوب الجبنة وبعدين قدميها بالعافية ....


صينية كوسة بالكريمة ( خفيفة) ....
خذي كوسة وقسميه نصفين وبعدين قطعيه شرائح وصفيفه بصينية كل قطعة متكيه على الثانية :42: بعدين حطي عليهم كشنة بصل ولحم مفروم وصبي عليهم كريمة الطبخ ( اذا ما توفرت عندك ممكن تحطين قشطة ) ورشي فلفل اسود ... ودخليها الفرن تتحمر وقدميها بالعافية مع الخبزاو الرز الأبيض .... ممكن ترشين الوجه بالجبن المبشور ...


صينية كفتة ...
خذي لحم مفروم وبهريه وملحيه وحطي عليه بصل مفروم وفص ثوم وكزبرة خضراء واخلطيه مع بعض ورصي طبقة الكفتة بصينية مدهونة ورصي فوق اللحم طبقة من الطماطم والفلفل الأخض والبطاطس وصبي عليها قليل من الماء المخلوط بالبهار والملح وقليل من معجون الطماطم ودخلي الصينية بالفرن الى ان تنضج ... وقدميه مع الرز او الخبز .....



أم فودي ... ننتظر طلتك علينا قريب !!!!!!!!!!!!

سلامي لباقي الحلوات

سلاام يابنات كيفكم وايش اخباركم

انا الحمدلله اخباري زي الزفت

اخذت عمر عند الدكتور بسبب انة ماياكل وونومة قليل كشف الدكتور علية وقال انة عندة الغدد واذانة ملتهبة عطاني العلاج اسمة نيوموكس اعتقد وجاب لي قطرة الاذن اوتوكالم وقطرة نوع ثاني مااعرف ووشو اسمة وبس هذا يوم الاربعاء وطبعا لاجديد هذاك هوة ماتحسن

والخميس تعبت انا واسعاف للمستشفى ونزيييييييييييف وحالتي حالة


كانت الدكتورة بتقول انتي متاكدة انك مش حااامل اقولها ايوة يادكتورة متاكدة>> طيب قبل ماتستخدمي حبوب منع الحمل عملتي تحليل تتاكدي انك مش حاامل وانا لا ماسويت بس استخدمتهم وعندي الدورة

وحولتني عالاشعة وسونار واشربي يا رحاا 3 قوارير ماء علشان السونار وانا امووووت من الالم وحالتي يرثى لها ورحت كمان لوحدي وقلبي عند عمر تركتة عند اهلي

رحت لهم الساعة 3 العصر مارجعت الا الليل الساعة 9 مساء

ومن فحوصات لسونار وغيرة في الاخير الدكتورة تجيها حالة طارئة وتروح العمليات تسوي تنظيف للحرمة وانا على اعصابي وزوجي مسكين قاعد برى المستشفى ينتظرني ومع هالبرد والله رحمتة

وفي الاخير جات الدكتورة وطمنتني انة ماكان في حمل وان النزيف سببة خربطة هرمونات والالم اللي بالجهة اليمنى هوة ترسبات بداية حصى بالكلى اليمنى

عطتني دواء مهدى للالم وثاني يوقف النزيف واخر اعشاب ومضاد حيوي

ورجعت البيت وانا مهدود حالي

بالله يابنات تدعولي ولولدي بالشفاء والله اني اكتب لكم وانا ابكي على حالي وعلى عمر

مكرر