رشـــ عطر ـــة :

سلام رحاا .... كيفك وكيف عموري اسم الله عليه .... لا تحاتين ان شاء الله بترجع شهيته وبيتنظم نومه لأنه اذا ما اكل زين وشبع ما بينام زين وبسرعة يصحا .......وفترة التسنين عند الأطفال متعبة كثير للطفل والأم .... اذا مارضي ابد ياكل حطيه بالمشاية وعطيه بسكويت خاص بالأطفال و خليه وانت تراقبينه بيلعب وبياكل شوي من البسكويت المكسر وهو مو حاس وايضا مفيد للتسنين .... وبعد حاولي بين فترات تعطينه لو ملعقتين اكل حسب اللي يتقبله ويشتهيه واختاري وقت يكون يلعب فيه وهو ساهي .... نوووف .... كيف حالكم ؟؟؟ اخبار مودي ؟؟ حمودينا صاير هاليومين مشاغب وطول الوقت يهاوش :angry2: ...( يبي يثبت شخصيته بين اخوانه ) .... أم شما .... هلا وغلا ... وينك يا القاطعة ما تنشافين على الماسنجر :22: .... صايرة وقت اللي ادخل تكوني مو موجودة .... عاد هالماسنجر اللي عندي صاير مخرف:icon810: ومفشلني ويا الأوادم ... لأني اذا كتبت شي ما يوصل ساعات او هم يكلموني وما يوصل لي شي ... بوووسة للحلوات ... ام التوفي وخميرة .... الله يعينكم على الدراسة ووموفقين ان شاء الله .... رهف ... يا اختي الموضوع طويل خخخخ ... بس بختصر ... هذي اشياء اعرفها وايضا من تجاربي مع اولادي ... اول شي لازم يكون الطفل مستعد ان يتعلم ويترك الحفاظ ....ومن علامات ذلك : ان لما يصحا من النوم يكون حفاظه جاف نسبيا ... انه منتظم في قضاء حاجته وانه يجلس فترة اكثر من ساعتين من غير ما يبلل حفاظه اوقات النهار واذا حسيتي انه مستعد ...بعدين اختاري الوقت المناسب لتعليمه : مثلا يفضل انك تدربيه في وقت دافي مو في الشتا لأنك تعرفين ان البرودة تحمسه كثير لتبليل نفسه... ايضا حتى ما تلبسيه اشياء ثقيلة تعيقك اثناء تدريبه .... اختاري وقت تكونين فيه متواجدة بالبيت ولا عندك اي خطط للسفر او الزيارات الطويلة او الخروج المتكرر ... حتر يتسنى له التعود بسرعة ... ابداي بالباسه اولا حفاظات التدريب وهي جدا عملية ومن ثم استخدميها فقط اثناء تواجدك خارج البيت .... قللي له كميات السوائل .... سوي له جدول او لوحة تشجيعيه ورقة او كرتونة والصقيها بالحمام ... ضعي خانتيين خانة مرسوم عليها حفاظ وخانة مرسوم عليها مثلا تكرمون ( مرحاض ) وخليه كل مرة يدخل الحمام .... يحط لنفسه صح تحت خانة المرحاض وخطأ مثلا تحت خانة الحفاظ وبعدين كافئيه وشجعيه بهدية او لعبة ....بصراحة انا جربتها لأولادي ونفعت لأنها مثل اللعبة وفيها تشجيع كثير ..... ابدا لا تهاوشينه او تهزأينه اذا بلل ملابسه لأنه شي حساس ويأثر على نفسية الطفل كثير .... اختاري (( حمام )) صغير ( نونية ) خاص بالأطفال حتى يكون مريح ومشجع خصوصا الألوان والأشكال ... تلاقين بالسوق ماركات كثيرة اختاري اللي يناسب طفلك وخليه يشاركك باختياره .... ملاحظة : اذا ما كان الطفل مو مستعد او انك علمتيه صغير وقبل اوانه فانه لو تعلم بعد فترة بتلاقينه يتراجع وبيتعبك وهو بيتعب ايضا لأن عملية التحكم هذه تختلف من طفل لآخر وانه ايضا لها علاقة كبيرة بنمو جسمه واعصاب الأحساس عنده .... يعني لو تلاحظين ان الطفل يبلل نفسه من غير ما بشعر لأنه ما عنده التحكم الكافي فمثانته بمجرد ان تمتلأ ترسل اشارات للمخ وتقول له انا مليانه وهو بالتالي يقول لها خلاص فضي حالك ... يعني بطريقة لا اراديه الجسم يتصرف وبعد ما يتطور عنده الاحساس يقدر بعدين ان يتحكم بنفسه .... ان شاء الله اني افدتك ....

سلام رحاا .... كيفك وكيف عموري اسم الله عليه .... لا تحاتين ان شاء الله بترجع شهيته وبيتنظم...