السلام عليكم ورحمة الله وبركاته

كيفكم حبايبي كلكم

قمرا ماشاء الله مكتبك نعوم ولون البويه حلو جدا فاكرة لما قلت اناورتوش انه الديرتي بينك روعة فعلا هي هذه الدرجة الله يبارك لك يارب

دنيا غطاها الألم : مبروك المطبخ ما شاء الله روعة الله يهنيكم يارب

الحين جيتكم للأثاث لأني بديت اثث صالة المعيشة من اول ما سكنا ونحن على الأرض والفرشة الين ما تكسرت ظهورنا

انا كنت مقررة اني اعمل كنب بزاويا تفصيل رحت لمحلات التفصيل حسيت شغلهم ما حيمشي معايا لأنه طلبي انه يكون الكنب من غير مخدات منفصلة لأنه عيالي الله يحفظهم حيحسون الدنيا وينزلونها وتصير الصالة طول الوقت يبغالها ترتيب وفي نفس الوقت اقدر اغسله وافكه وهذا الشي ء مافي في التفصيل المهم رحنا ايكيا امس واشتريت كنبه حمراء تشيل نفرين اسمها كليبان وممكن تشيلي تلبيستها وتغسليها زي اللي حاطة صورتها سنفورة الحلوة مع مجموعة الصور قلت اجربها زي ما قالت استرخاء الله يحفظها الحين ابغى اشتري واحدة ثانية اطول برأيكم اخليها زي اختها حمراء او اغير اخليها بيج فاتح وايش الخداديات اللي ممكن تنفع معاها انا استعجلت واشتريت خداديات مشجرة طويلة فيها نقش برتقالي واحمر بس ممكن ارجعها لأني ابغى الستايل مودرن واحسه الأنسب تكون الأشياء سادة ولا ايه رأيكم وايش اختار لون للسجاد والستارة وهل الستارة الرومانية السادة بتكون انسب لأنه النافذة حتكون تحتها جزء من الكنب الطويل بس محتارة جدا في لونها ما ابغى كل شيء احمر احسه ما حيطلع حلو

وافكر احط ورق جدران بلون احمر على الجدار المقابل للكنب اللي حيكون فيه التلفزيون والرفوف حشتريها من ايكيا ايش رايكم
معليش كثرت عليكم الأسئلة بس عشمي فيكم كبير

up

أم عموري ..

أنا غرفة المعيشة عندي أحمر و بيج .. و هاللونين مرة حلوين ..

تقدرين تصبغين جدار واحد أحمر ..

و مو مشكلة مع المودرن تدخلين مقلم أو مشجر تشجيرات خفيفة عشوائية ..

و فيه أباجورة بإيكيا عليها زي الطربوش بس مفتوح من فوق لونه أحمر مرة حلوة ..

و اشتري دولاب تلفزيون بني محروق مع أرفف و اكسسسوارات بتطلع الغرفة شييييييييييييي ...

موفقين ،،،،

السلام عليكم ورحمة الله وبركاته
نور العيد
اذا ماعرفتي كيف تنزلين الصور ارسليها لي وسائط على جوالي وانا انزلها هنا اذا بغيتي ولا بس كفايه اشوفها
وفكرة المرايا ياليت اشوفها تكفييييييين نفسي ابدع في الصاله الي تحت صغيره
والله يجزاك خير على كل حاااال
ورود الدار
ياليت اشوف مكتبك
والمقلط كنت حاطه فيه جلسه ارضيه ثم شلتها وحطيتها في مجلس الرجال لاننا مطولين عشان نفرش المجلس وخليت المقلط اقرع ونفسي احط فيه طاولة طعام وشكلي بزن على زوجي يحط لي فيه طاولة طعام لان الارضيه سيراميك مثل الباركيه حرام اطمسه بالموكيت او السجاد صح ؟
مناها تشوفه
الله يفرجها عليكم وكل مسلم ويرزقكم بالبيت الملك عاجلا غير آجل
شوفي مالك الا تتشاركون مع احد من اخوانه او زملاه او اخوانك المهم اي احد ثقه وتاخذون لكم ارض مساحتها معقوله تكفي لبناء دبلكس وتعمرونها او حتى ارض صغيره وتخلونها دورين وتسكنون واحد من الدورين
ام عموري
هلا والله وغلا نورتي الديوانيه
والله يبارك في صالتك الي جابتك لنا
ماشاء الله شريتي من ايكيا شكلنا بنقلب الديوانيه لديواينة ايكيا ههههههههههه
لان اغلب مشترواتنا منها ..
الكنبه الي شريتيها بـ895 ريال وحلوه ماشاء الله ويصلح معها مثل ماقلتي بيج مع خدايات حمراء وزرقاء وفيه خدايات عند ا يكيا مشجره حلوه الوانها تمشي مع اي لون كنب وانا اتفرج في مجلة ايكيا الاحظ انهم يدمجون كل الوان كنبهم مع بعض مثلا كنبه حمراء مع كنبه مشجره سكري واحمر واسود وهكذا
وانا عيالي يجننوني عند الخدايات يجمعونها ويصعدون عليها ويلعبون في البراده واضطر اغسلها دايم والحين مجمعتها ورافعتها عنهم
والستاير احس كنب ايكيا يصلح له الشيء البسيط مثل الي نزلتها ام احلى بدر وايكيا مليانه خيارات في الالوان
ادري اني توهتك بس جيبي مجلة ايكيا ونسقي قبل تشترين
وعطينا خبر
حاولت امس وقبله واليوم انزل صور ولا هو راضي يرفع الصور ليييييييييش هذا غير البلوتوث يصير فيه فشل لا يكون فيه فيروس يمنع الصور ...؟؟؟

مكتبي أوراقي وحوستي حاطتها في أدراج مكتبي القديم في غرفة الملابس
أما حاليا
مكتبي مشترك مع زوجي والمكتب من تصميمه وتعرفين الرجاجيل

يحبون مكتب كبير + طاولة كمبيوتر + مكتبة جدارية

اذا شريت أغراض ونسقت المكتبة يمكن أصورها


أم عموري صادقه قمرا شوفي ايكيا والستاره خليها ساده والسجاد والأكسسواريز خذيها من عندهم