السلام عليكم ورحمة الله وبركاته ..

ما شاء الله ديوانية عامرة ان شاء الله ..
والله يطرح البركة في بيوتكم جميع وعقبالنا ...

نجد الجزيرة ..
ما شاء الله تبارك الرحمن مطبخك حلو وااايد ..
الله يهنيك فيه ..
بس عندي كم سؤال ...
شنو اسمه الشفاط .. اللي فوق الفرن .. وهذا الشفاط سلكتو له متى مع البنيان ولا بعد التشطيب والجبس ؟؟ وكيف يقولون البنات في شفاطات قويه تطلع الريحه لبره من فتحه في السقف مثل المطاعم ؟؟ اشلون هذا الشفاط ؟؟

وسؤال ثاني .. السبوت لايت سلكتو له من البداية مع البنان ولا بعدين ؟
وسؤال اخير الله يعينك خخخخ ... الارضية والجدران شنو ؟؟ بورسلان ؟؟ ولا سيراميك ؟؟

حوا البحرين ..
يا هلا ومسهلا بأهل البحرين .. انا اعرف عن بعض المحلات في في مجمع العالي بعض محلات الاثاث رهيبة صراحه خالتي ماخذه منهم كأن الاسم ون .. واي دي ديزاين .. وفينيسيا في منطقة السيف رهيب .. والاثاث الشرقي اللي في سترة .. ومارينا غلف في البديع .. وكلاسيك اللي في سترة .. وفدك .. وفي محل فصلت منه خالتي الثانية اللي يجي على حرف L بس اتعرفين مو وقته اسألها ان شاء الله اسألها وارد عليج .. وانا بعد اللعام اللي طاف في محل راعيته انجليزية وكانت عارضه هالكنبات اللي تقولين عنهم .. بس انا في البداية ما عجبوني لاني ما كنت اايد المودرن واحب الكلاسيك حتى اقول لزوجي جلد كأنهم كراسي مكاتب شركات .بس اللحين اشوف متقبله فكرتهم .. ان شاء الله ادور لج الكرت تبعهم ..
ترى كتبت لج بعض المحلات من العضوة انفنتي الله يجازيها كل خير ما قصرت وياي ويكتبه لها في ميزان حسناتها ( اشتقت لج يا انفنتي ووووينج ) كنت سألتها عن الاثاث وقالت لي .. بس بصراحه ما شاء الله ذوقها رهيييب ..

وتراني انا بعد من البحرين وان شاء الله الاشهر الجايه نبني البيت .. لاننا بعدنا نخلص اوراقنا الرسمية .. >>> وحده ناويه على نيه ومبرزه سؤالاتها لبعدين ..

يالله دام انها جات صدفه ههههههه خلني اسألك عن محلات التشطيبات دام ان بيتك جديد وانتي من البحرين فرصة لا تعوض خخخخ ..

شنو تنصحيني بأسماء المحلات اللي عجبتك سواء :

للأبواب ..
للجبس ..
للصبغ ..
للألمنيوم ..
للحمامات ..
للأرضيات ..
للأنارة ..
الوتربروف وتسليك المياه والعزل الحراري ..
ابواب الكراجات ..
ارضيات الباركيه او الخشب اذا حطيتي منه ..

واذا عندك اي نصيحه لا تبخلي فيها على اختك .. جزاك الله خيرا وجعله في ميزان حسناتك >> ويه يسوي روحه يكسر الخاطر ..
وسامحيني على كثرة الاسئلة بس والله افرح اذا الاقي احد يبني من ديرتي عشان اقدر افيده ويفيدني ..

ايه صح نسيت حوا .. في محل ما اعرف اسمه جهزت منه لشقتي وااايد حلو في جواد الفود قاردن اللي في البديع .. روحي المجمع وبتشوفينه رااااقي بس غال يحبتين وفيه اشياء شفتي مجلات الانجليز اوانيهم واغراضهم جذي .. نصيحه لا يفوتك لو بس تتمنظرين فيها خخخ الفرجه ببلاش .

حوا البحرين
هذي كانت فكرتنا قبل نشتري بلاط المطبخ لكن يوم جاء وقت الجد خفنا نغير في موديل المطبخ بعدين ثم نورط بالجدار الفاضي فالاحتياط واجب خليه كله قيشان اضمن للمستقبل
وان شاء الله البنات يفيدونك باسماء المحلات طيب انتي تعالي يوم عطله وتمشي في الشرقيه ونقي على راحتك مو احسن
Um Nawari
وعليكم السلام ورحمة الله وبركاته
سلامة قلبك ياعمري وش فيه ؟
والصور نزليها عشان نعطيك راينا وصور الابواب يمكنها حلوه وانتي من كثر ماانتقدوها الناس كرهتيها
عموما الله يفرجها علينا وعليكم يااارب
غلاالروح
وعليكم السلام ورحمة الله وبركاته
من ادك ياأمر كثروا الاحباب من البحرين اخاف تنسينا هههههه
بس انتبهي يطفشون من كثر الاسئله شوي شوي عليهم
والله ييسر علينا وعليكم

طوق الياسمين وقرنفله وكل البنات وينكم ماتردون !!!!:angry2:

كلمه ولو جبر خاطر:( .

غلا الروح مشكورة وماقصرتي. رحت المحلات اللي قلتها بس الشرقية ما رحت. ما حصلت عندهم شي دش مخي، لآن الله يسلمك خبرك عندي شقة، وصالتي على شكل حرف U والكنب ابغي الجهة عكس شفت بصراحة عند الكوهجي وايد حلو بس مكان اليسار ابيه يمين واليمين يسار، وبروح العالي بعد اشوف لأني ما رحته، بس الأسعار خبرك نار نار، ويقولون في السعودية أحلى وأرخص.
المصابيح كلها من السعودية بصراحة أرقى من البحرين، الحممات وانتي بكرامة من سيار اللي في المعارض، والأبواب خطيبي فصلهم بس للحين ما يابوهم من عند نجار في المحرق شي حاجي ما اعرف اسمه وبعد غرفة النوم فصلتها عنده لآن شغله شفته عند وحدة نظيفـ، الأرضيات باخذ من دريم اللي في سترة باركيه، الألمنيوم سويت مطبخي من ألمنيوم البحرين بعد ما لفيت وتعبت استقريت عليه ان شاء الله يطلع حلو ومرتب، بس على فكرة شغلهم نظيف بيتنا وبيت زوجي مطبخهم من هناك وايد نظيف.
الباقي للحين باقي على شقتي تقريباً: الصبغ، الباركيه الأثاث (الصالة )