تصدقون يا بنات عاد التأثيث من اصعب الاشياء بعد البناء يعني الواحد يقول اف الحمدلله خلصت بناء بس هم التاثيث صعب يبغاله طولة بال وفن وذوق الله يعين بس حبيبتي ام مثلى القلوب عند بعض الله يبارك فيكي

البنات الي سكنوا بيوتهم ماشاء الله
ياليت يفيدونا بالاشياء المهمه من الاثاث الي لازم نحسب حسابها عند السكن
مثلا : المطبخ هل ضروري نركبه ولا نكتفي بالبوفيه لين ربي يفرجها ونركب مطبخ صح
وغرف النوم ومجلس النساء ووووالخ
والله يعطيكم العافيه ويبارك لكم في بيوتكم

هلا حبيبتي نحن اثثنا البيت تقريبا قبل لا ننتقل ما عد مجلس الرجال لان ما حصلنا شيء مناسب وتكاسلنا قلنا ننتقل اول وبعدين خير بس فعلا ندمنا اشد الندم بنات نصيحه لوجه الله فرشو مجلس الرجال اول شيء والله من انتقلنا لبيتنا والناس هابه علينا وتورطنا يعني الرجال ندخلهم الصاله والنساء بصالة الدور الثاني والله ابتلشنا بعدين شدينا الهمه انا وزوجي وصار تخفيضات بالهوم سنتر وسبحان الله رحنا وعجبنا اطقم كنب اخذنا اثنين واطقم طاولات والحمدلله فرشنا المجلس وارتحنا من حوسة الرجال بالصاله اممممممممم وشو بعد ايوة يا بنات دايم تاكدو من اضاءة الغرف والصبغ انا عندي غرفه بنفسجيه صابغينها مع انه فاتح بس عاطي كآبه للغرفه وخاصه الشمس ما تدخله زين يعني يادوبك نص ساعه باليوم وان شاءالله راح نعيد صبغها امرنالله شو نسوي غلطة الشاطر بالف المهم يا بنات حاولو تخلو كل جزء بالبيت يكون خاص ويلقى كل الاهتمام الاحظ في ناس تهمل بعض اماكن واحيان اماكن كثيرة بيبيتها على اعتبار محد بيشوفه بس هذا بيت عمري اللي تعبنا ونحن نبنيه ونتخيله وشدينا نحن وازواجنا مع بعض احيان كثيرة عشانه فما يسوى انه بس نسكنه وخلاص تصدقون احيان شيء بسيط وانيق يكفي احيانا في كورنر بالبيت يكون ميت ومحد منبه له تضيفين له قطعه فنيه او تحفه مناسبه تعطي انطباع جيد للمكان حتى عندي دولاب النعل اكرمكم الله خذيته تحفه شكله من برع فخم جدا وحطيته عليه من زرع صغير وشوية تحف اعطى انطباع رائع ومبهر عندي كبت قديم شوي بس خشبه رائع وشغله عدل كانت عليه بقعة عشان مرة ابني سكب بدون قصد عطر عليه ونشف وعمل بقعه بيضه شوي فزوجي تعقد قال ارميه ماراح ناخذو لبيتنا الجديد رحت نظفته وجبت مفرش فخم وتحفه مناسبه وشوية كوشنس صفيتهم تحته وخليته بزاويه في بيبيتنا الجديد والله يا بنات طلع خبال روووووعه خاصه الخشب اصلي واستفدت منه ما تتخيلون شكثر المهم هرجت كثير والظاهر نمتو اشوفكم على خير

حلو :: ديوانية مفيدة :: أنا الحين بطور الإنتقال من بيتي بس مو بنى يدوب إيجار دور وقاعدة أجهز معاكم .... وإللي عندهــا دور في الكويت للإيجار تأجرني ..... بس سعر معقول وإللي تحب التفاصيل تضغط على توقيعي ( لبنات الكويت ) ...

ب نات وينكم للرفع