السلام عليكم ورحمة الله وبركاته....
كيفكم يا لغاليات..مشتاقين ومتابعين لاطلالاتكم المونسه..
ويؤلمني ما اسمع من البعض انهم مهمومات ومتضايقات..واتمنى انكم ياحبايبي تتغلبون عليها بالتقرب الى الله سبحانه
بالذكر وتلاوة القران لانها السبيل الوحيد للسعاده والانشراح والتوفيق..الله يصلح احوالنا ويهدينا قولوا آآآمين...
عاشقة الامل والصبر
من حسن حظي اني مريت هنا عشان اشوف استفسارك ..لاني من الدمام وبأبدأ ادور في محلات اقمشة الكنبات والستائر
وشكلك فريت فيها ...والسؤااااال ؟؟ايش المحلات الحلوه واللي اسعارها معقوله من اللي شفتيها ....وايش المحلات التعبانه..
واحب كمان اسال عن الصباغين كيف شغلهم وجنسيتهم لانه عندنا صباغين يفقعون القلب ..انتظر ردك ومشكوووووره

الله يعين علينا متى نبداء ما ادرى

السلام عليكم ورحمة الله وبركاته

كيف احوالكم ان شاء الله تمام

اشكر كل من ذكرني بخير .. واخص

بالشكر استرخاء و عنود على هذا الدعاء اللي انا فعلا محتاجته
بنات انا محتاجه دعواتكم لي ان الله يريح بالي ويسخر لي زوجي واولادي لا يغير علي الا للاحسن وينولني مرادي ويبدل حزني وغمي لفرح وسرور ويبعد عني الحسد والعين ويفضح امر كل من اراد بي شر ..........ماودي اغمكم بس انا مريت بظرف كان قاسي جداااا ما تحملته ...الحمد لله زالت المصيبه الي كانت بتدمرني تماما ولكن
الصدمة لا زالت وجرحي عميييييييييق ويبغالي وقت طوييييييييل عشان ارجع لطبيعتي
ادعولي بظهر الغيب كل ما ذكرتوني ومو شرط تتعبوا نفسكم بكتابتها يكفي انها تكون طالعه من القلب لباب السماء....ورجااائي محد يسالني عنها بس ادعولي :44:

أم عمر : حلو لون البني والأرونج في الصالة كمان اللون الكاكي حلو اللي في الصورة مع خداديات اورنج واحمر تطلع روعة شفت زيها في صورة الحسناء سنوب كانت طالعة روعة وكنت مخططة اني اعملها بس ما دري كيف نقلبت الألوان عندي

عاشقة الأمل والصبر : مو لازم يتكون الستائر بنفس قماش الكنب بس الألوان تكون متناسقة لأنه عادة الكنب قماشه يكون ثقيل عشان يستحمل الجلسة واللستارة قماشها انعم وبعدين الكنب المشجر الستائر سادة احلى تطلع

شوفي الصور هذه يمكن تفيدك







بنت ناس : للأسف عيوب التلييس ما تبان الا مع الدهان عشان كده اللي لسه في مرحلة التلييس ينتبهو ا كثير للتلييس ويختارو معلم شاطر وكمان في طريقة تعرفين بيها التلييس مزبوط ولا لا انك تروحي للبيت في الليل ومعاك كشاف ومرري على الجدران وتبان العيوب معاك وبطباشير حطي اكس يعني تعديل وبعدين الدهان الشاطر يستطيع يعدل في مرحلة المعجون الجدار ويزبطه بمواد موجودة في السوق لهذا الغرض لأنك احيانا تشوفي بيوت شعبية وقديمة ومزبطينها بالدهان وانتي ما عندك غير انك تطلبي منه يعالج الجدار بالأساس مزبوط او حطي ورق جدران احلى واروق وموضة وانا من محبين ورق الجدران :) غرفتي وانا بنت دائما بورق جدران واتوقع اللون الغامق برضه حيبان فيه العيوب لو كانت واضحة

انتي من جدة صح : لو تبغي ورق جدران روحي بالبيد اللي التحلية روعة وكمان اللي يركبه من عندهم شغلهم مزبوط جدا لا تأخذي ناس من برا ابدا

رتوووووووووش الله يعافيك يارب ويحفظك من كل شر ومكروه والمؤمن مبتلى في هذه الدنيا والله اذا احب عبدا ابتلاه والصبر والدعاء هما العلاج وسلامتك الف سلامة ودعواتي وقلبي معاك وادعيلك ليل نهار والحمد لله انه ربنا فرج همك وان شاء الله تزول اثار الصدمة وترجعي لحالتك الطبيعية ولا تنسي ذكر الله والتحصين داومي عليه والله يبعد عن طريقك كل من اراد سوء بك وكل الحساد يارب