بنت الدل والدلال ..
يا هلا فيك معنا .. ياريتني اعرف جان جاوبتك ان شاء الله بنات الشرقية يفيدونك .. انا خالتي اشترت قماش اثاثها وستايرها من القثمي والجديعي .. رووووووووووووووووعه بس التفصيل هني في البحرين عشان الروحه والجيه .. والمخمل داااااااااارج جدا لكن حاسبي في بعضه نوعيته رديئة يتقشر من القعده عليه >>>حشى قشور ؟؟ رحتي محل فدك ... هالمحل رهههههيب لحد الان ما دخلته اخاف يجيني شئ اذا دخلته لان من اعلاناتهم يهوووووووس ويطير العقل عاد انا عقلي باقي له جم نتفه من البنيان خلهم مكانهم احسن .. الله يوفقك ان شاء الله .. والبنات ان شاء الله ما بيقصرون معك .. سرالم وام احلى بدر .. والباقي .. وحياك الله معنا ..
بنت الدل والدلال ..
يا هلا فيك معنا .. ياريتني اعرف جان جاوبتك ان شاء الله بنات الشرقية...
كنت داخله بس اتفرج بس يوم شفت الغالية رتووش هنا .......
يا هلا ويا مرحبا نورك غطا على نور الكهربا ..
عسى ما شر يالغالية لا تكدري نفسك ولا ترهقيها ترى هالدنيا ما تسوى طنشي وتناسي وخلي الامور تمشي ولا تحطي في بالك اي شئ يكدر صفو حياتك لان النسيان نعمة من عند رب العالمين .. وانما الله لا يبتلي الا العبد الذي يحبه اختبار لصبره ولايمانه .. توكلي على رب العالمين ودائما قولي حسبي الله ونعم الوكيل عليه توكلت واليه المصير ..
يا ربي ما يكون فيكم الا الصحه والعافية وتكونو بخير وبسلامه وربي يسخر لك زوجك ويهدي لك ابنائك ويحفظهم من كل شر .. ويبعد عنكم اعين الحسد .. وما اوصيك بالدعاء والصلاة اخر الليل وقراءة سورة البقرة والاستغفار فهم السبيل لحل مشكلتك .. ايا كانت ..
الله يحفظك من كل شر ومن كل سوء .. وكنا فاقدينك بالمرة بس ما حبينا نزعجك بالاسئلة ولا انتي دوم عالبال وعالخاطر ..
ام عموري ..
ياريت لو البنات او الزائرات او الضيفات يحترمو رغبتك وما ينقلو صور صالتك لاي مكان ... ما شاء الله تبارك الرحمن ... عقبال باقي البيت ..
سرسر ..
تسلمي عالرد بس انا جذي احترت ... شكلي بخلط وامري لله .. ووش باقي عليكم غير الباب ؟؟ ليش ما تسكنون بدونه واذا جابوه ركبوه عادي ؟؟؟ يعني هو الباب الرئيسي ؟ ولا باب غرفة النوم الرئيسية اذا غرفتكم عادي نامو في غرفة ثانية ولا عادي نامو فيها وعلقو ستارة عالباب خخخخخخ ..
ام عمر ..
يا هلا ويا مرحبا فيك بالبحرين .. رحتي هوم ستور في مجمع البحرين ؟ انصحك فيه مثل هوم سنتر .. بس انا عشقي هوم سنتر خصوصا اواني الطبخ .. وش شريتي غير الخداديات ؟ ولايف ستايل اذوووووووب واعشق اكسسوراتهم ما رحتيه ؟ وفي محل يهوووووووووس اسمه ذا ون على شارع البديع .. وفي فرع ثاني له في مجمع سترة .. بس غالي واغلبه مفروشات بس تلقين اكسسوريز ومفارش واواني مطبخ ... بس غريبة انه احلى من اللي عندكم بالسعودية لان اغلب اللي يروحون السعودية يقولو بضاعتهم احلى .......وحياك الله بالبحرين تنورينا والله ..