gaamra :

السلام عليكم ورحمة الله وبركاته ام احلى بدر تسلمين يالغاليه ماقصرتي بسألك عن دائرة الذوق وش يفصلون؟؟ ودروب الرياض ممكن اعطيه موديل غرفة نوم رئيسيه من النت ويفصلها بالتمام وشغل نظيف ؟؟ وكيف اسعارهم وخشبهم وعمالتهم ومواعيدهم ؟؟؟؟؟؟؟؟؟؟ الهدايا الشرقيه وش عندهم ؟؟ وآآآآآآآآآآآآآآآسفه ياعمري ثقلت عليك بالاسئله بالنسبه لمنطقة تحت الدرج انا سكرتها عشان استغلها في التخزين بس غلطتي او بالاحرى غلطت زوجي انا سكرناها بخشب ومشكلته يوم جلينا تأثر من المويه وخرب شكله وتمنيت اني سكرته كله بالبلك ودهنته اصرف سرالالم لاتطولين الغياب نحن بالانتظار

السلام عليكم ورحمة الله وبركاته ام احلى بدر تسلمين يالغاليه ماقصرتي بسألك عن دائرة الذوق وش...

أم أحلى بدر :

هلا و الله قمرا .. ماثقلت و لاشي .. خذي راحتك .. و أي شي أقدر أفيدكم فيه .. ماراح أقصر .. بالنسبة لدائرة الذوق : يفصل كل شي جلسات .. كنب .. ستاير بس شغلهم مرتب و ذوق .. و للأمانة أنا ما جربته بس قريبتي مرة جربته سوت عنده جلسة .. مرة حلووووووووة .. ماشاء الله تبارك الله .. أنا دخلت محله و شفته فعلاً من بين المحلات إلي جنبه بنفس الشارع هو مميز عنهم .. و أسعاره بعد أغلى منهم شوي .. فيه محل بعد اسمه : أثير .. ماجربت شغلهم بس لما رحت له و شفته عجبني شغلهم و تصميمهم حلو .. و عندهم فرعين : على طريق الأمير عبد الله و على شارع أحمد بن حنبل .. محل الهدايا الشرقية على طريق العليا .. و له فرع ثاني داخل مجمع صحارى .. يبيع اكسسوارات و لوح و أبجورات و مداخل .. شغله مرة مميز .. بس عنده بعض من اكسسواراته إمكن تلاقينها بهوم بلازا !!! أسعاره غالية شوي .. أحسن شي الواحد يروح له وقت التخفيضات .. محل دروب الرياض للأثاث و الديكور أنا بس جربت عنده الدواليب و بصراحة مرة كانت مميزة .. و سويت عنده دولاب الملابس حق غرفة النوم أخترت نفس لون الغرفة و صممت الدولاب و شريت مقابض أبواب الدواليب .. لأنه ماكان عنده مقابض قريبة لغرفة نومي .. تنفيذهم بصراحة نظيييف كأنه جاهز .. و سويت دولاب سحاب و بمراية كبيرة .. هذا الدولاب مرة طلع مميز .. و سويت دولاب حق غرفة الأطفال و طلع شي بعد .. و الهندي إلي عندهم ماشاء الله عليه كويس و خدوم .. ملاحظاتي عليه : - التصميم سويه مثل ماتبين .. هو عنده كتالوجات كثييير و أنت اختاري .. حتى كتالوج إيكيا يسوي لك مثلهم .. - بس تراه مايسوي تحفير بالخشب عندهم كورنيشات معينة هي إلي يحطونها ... فما يسون النقوشات و الزخارف إلي بالخشب و بكذا ما أدري إذا يضبطون غرفة النوم و لا ؟؟؟ - الصبغ عندهم جميع الألوان بس تختارين .. بس يعني صبغ الخشب مو إلي يجيك معالج و خرابيط .. لا يصبغونه صبغ زين بس إذا يعني جا عليه شي حاد يمكن ينخدش.. و الزين إن صبغهم مافيه ريحة صبغ واضحة .. لأني مرة شريت أثاث من البناء و العمار و ريحة صبغ الخشب فيه ما تروح .. - أسعارهم وسط مو رخيصة و لا غالية مرة ..طبعاً لأن الخشب عندهم زين أذكر إنه سنديان ..(( ما أدري إذا زادت مع غلاء الأسعار ألحين )) ( تخيلي يوم آخذ من مطابخ المنى كان متره ب 2200 و ألحين صار المتر عنده 2600 .. يعني المتر زاد ب 400 ريال .. أتوقع أسعاره صارت طامة )) - مواعيدهم بصراحة نسيت بالضبط متى جابوه .. بس ما أذكر إني فصلت مرة شي و طلع بوقته بالضبط لازم يتأخر يومين ثلاثة .. ( أذكر سويت مرة عند مطابخ الرشيد بالرياض مع أنه كان بوفيه صغير تأخر علينا تقريباً 3 أسابيع و حتى يوم ركباه ما كان كويس مرة ).. و الله يوفقك حبيبتي و يسعدك .. و بالنسبة لتحت الدرج أنصحك تحطين ألمونيوم .. عملي و مريح .. أما أنا ما أقدر أسكره لأنه صاير مفتوح على الصالة مرة .. بس حيرانة ما أدري و ش أحط فيه .. أحسه مساحة ضايعة ؟؟

هلا و الله قمرا .. ماثقلت و لاشي .. خذي راحتك .. و أي شي أقدر أفيدكم فيه .. ماراح أقصر .....

استرخاء :

[QUOTE=أم أحلى بدر;16350581] السلام عليكم ماشاء الله الاخوات متفاعلين هنا والله افدتينا بذكرك للمحلات بس ودي توصفين لي اكثر لان طريق الملك عبد الله طويل بالقرب من ايش بالضبط والله شجعتيني على التفصيل طيب اتقانهم يشبه اتقال الخزائن المبتكره وخزائن كالفورنيا لان عندهم تميز بالاكسسوارات وحركات التخزين يعني فيه فرق سعر؟ تخلى الواحد يفصل عندهم ويترك المحلات المختصه في غرف الملابس لانها غاليه

[QUOTE=أم أحلى بدر;16350581] السلام عليكم ماشاء الله الاخوات متفاعلين هنا والله افدتينا...